|
اقول ليكم وما تزعلو......جزء كبير من مواضيع البورد تعبـــــــــــانه
|
ده رأي بصراحة في مواضيع كلام ساكت لا بودي ولا بجيب ومرات تصل لحد تكون مهاترات شخصيه وكلام (مخستك) (منو حنكوش ومنو متصابي) يا اخونا أزمتنا اكبر من كده بكثير ونحنا محتاجين لنقاش جدي حول أزمات حقيقيه بتودي وطنا في درب المهالك مثلا أبكر أدم إسماعيل كتب عن كلمة كتبتها مشاركة لو كانت عفوا أو مقصودة بتهبش وتر حساس قاعدين نعاني منو سنين مسألة الهوية وهيمنة الثقافة العربية وتهميش الأخر وبالتحديد تهميش ما هو أفريقي في سودانا. وبالأمس خرج علينا حسين خوجلي وعلى ملا ما يكون وفي تلفزيون السودان القومي ويا حليل قومية تلفزيونا المهم قال (انو الحل يكمن في تمسكنا في بثقافة الوسط الثقافة العربية الاسلاميه ومع احترامي شوف الاحترام ده للثقافات الأخرى ) ذي نقطه . والتانيه اخطر :- كلام قاله حسن مكي في ندوه بجامعة الزعيم الأزهري خطير شديد قال(بعد 15 سنه ستكون نسبة أبناء الجنوب والغرب والمتواجدين بالعاصمة أعلى بكثير من أبناء البحر وده من الخطورة ويمكن أن يكرر تجربة الأندلس) يا للهول في حقارة اكتر من كده يا أبكر أدم معليش أنا أشرتا للموضوع ده لانو لقيت الناس خلو الموضوع الأصلي وبقو في حرام عليك يا أبكر ليه تقول ليها كده وجرحتها وما قاصده جماعة تقصد ما تقصد ألازمه أصلا موجودة أبيتم ولا رضيتم. وما بعيد بكره المحس يتمردوا وجيوشهم تخش القولد وفي القولد التقيت بالصديق ولعموم ألفا ئده هناك دراسة كتبها الأستاذ عبد الله بولا عن مشكلة الهوية وحقوق الإنسان لو إدارة البورد قامت بنشرها يكون احسن وإنشاء الله أكون ما غلطته في حق زول ولكم الود معتصم سيد احمد
|
|
|
|
|
|
|
|
|