|
|
 Re: كاسـوري في محازاة سوق الحراميه (Re: shiry)
|
كاسوري ليهو ضل
وعندما تأكدت منه ورفعت صوتي محاولة جذب الانتباه وفض الاشتباك .
- جون في شنو ؟ وتفاجأ الجميع وبما فيهم جون نفسه .. من اين جاءت هذه الرهيفة الضعيفونه الخفيفونة المزعمطه المعولقة التي تشبه ذاتها ؟ ما الذي حشرها بيننا .. ؟؟
مع انني كنت لا اعرف اصل الشمار ولا اصل الكاسوري .. الا انني حاولت ان ابقى شجاعة حتى اخر طلقة .
وبسرعة وكلي ارتجف .. حتى انني نسيت الكلااااام ونسيت لما انا هنا اصلا . ومر شريطا كامل لكل حياتي الماضيه منذ ان تعلمت الحبو .. حتى مدرسة الروضه التي اكلت السندويتش خاصتي شاهدت وجهها بوضوح . وحتى انتهي شريطي بوقوفي هنا ، ارتعبت وازداد خوفي اكثر مما قبل ، كون هذه الاشياء مرت علي اللحظة ودفعة واحدة .. وقلت في نفسي بسم الله الرحمن الرحيم هسع دي شنو الاتذكرتها هنا دي .. وضربت بيدي على صدري سجمي يمكن عايز اموت .. موش برضو عزرائيل لمن يجيك بتشوف حياتك كلها قدامك .. صحي انا مهترشه لما اسالكم هذا السؤال .. تقول يعني انتو متم قبل كده ؟ وهنا تلاعب الشيطان بي واكد لي تماما صحة ما توصلت اليه .. جالك الموت ياتارك الصلاة .. سجمك الليلة ياشيري دي نهايتك في برنده وسط كاسوري ليهو ضل .. والله جثتك ما ح يتعرفوا عليها من التشريح الذي سوف يفعلونه في وشك ..
كدي زحي كدا ولا كده تشريح شنو ، والله فرد طقة من الزول الطويل دا تسكني الاخره .. وكان لابد ان اعزيني فطقت دواخلي تسكلب وتذر الرماد على عمري الذي سوف ينتهي هسع .. ..ورحت ابكيني ثم انعيني ..
وفجأة خرج جون الذي نطقت اسمه من بين تلك الغابة . اذ ان المقبقب ذاك والمزرزر لم يكن جون ولا حاجة بل ان جون الذي طلع من نص الشكلة هو صديقي الذي اببيع له هدومي وهدوم اخي المفلقص وهدوم ناس بيتنا اجمعين .
- سيري انت عايز سنو ؟ راجل انت اسه دي ولا مره ؟؟
- يللا ياجماعة زحوا كدي خل بت دا ولا راجل دي موس عارف ، خل يمسي
- .. وضاير كل الخلق من امامه حتى يفسح لي وصديقاتي المدسيتين ورائي مكانا للمخارجه ..
- لكني ابدا لا اتزحزح اذ تشجعت وعملت فيها (مية راجل) البت يعني عنتر بن شداد .. وانا لا عنتر ولا نيله .بس واحده مرعوبه ماعارفه بتعمل في شنو ؟
- الراجل دا انا بعرفوا ياجون .. مالو .. موش كويس يا جون منكم خلوهو يمشي ؟؟
- دي زول هراميه .. سال قروس بتاع أنا
- يخص عليكم ياجون يعني شنو لو خليتوهو ..!!! شوفوا ياحرام قرب يموت في ايدينكم .. النبي فوقكم لو ما خليتوهو يمشي ، انا بدفع ليكم العايزنو منو ولو ماتمت بعدين بجيب( جيبه) وتي شيرت جديد لنج ..
- سيري انت مايعرف سنو مسكله .. مسكله ماقروس ، سيري دا زول كلام بتاعو موس مظبوط وقضيه بتاعو بايظ ..دي دي زول كلام بتاع (لولوا) . سيري انت مايعرف زول دا كويس !! انحنا نعرف كيف زول دا .. عسان كدا لازم انحن اليوم طلع (د ي ن وا ) هني دا .
- جون انت انت راجل كدا ، مافي داعي لكلام الكاسوري دا هسع . ودوهو البوليص وخليكم عاقلين المشاكل مافي داعي ليها
- بوليص !!! .. هاهاهاها بوليص !! سيري انت في سودان ولا بكان تاني ؟ انحن ودي بوليص اسي دي بكره تاني تلاقي زول دا في برندا دي ..
واخرجت من شنطتي محفظتي فلم اجد فيها غير عشرة الف بالاضافة الى قروش بت جيراننا، ولم يكن امامي الا الاغاره على شنطات رفيقاتي وسحب كل مافيها ثم عد كل القروش التي طلعت بها وناولتها الى جون .. وعيون ذاك المزرزر كانت تدور مثل الشراره في دائرة مكتملة مع حركة عقارب الساعة ثم تقلب في الاتجاه الاخر وبنفس السرعة .. ومع ذلك نالته لكمات كثيرات من الاربعة الذين كانوا يمسكون من خناقته .طاخ ، طاخ ، طاخ طاخ وشلاليت تيف تيف تيف تيف ..
غمضت لها انا عيني وسحبت نفسي شوية منها لوراء حتى لا يغشاني منها نصيب ..يدشدش زينتي .
وانتهينا الى ثلاث بنات مفلسات تماما دون قروش توصلنا الى بيتونا .. لقد طارت الحاجة الباردة من اكشاك ابو جنزير ولا نعرف كيف نصل بيوتنا ..
ولم تجرؤ واحدة منهن ان تلومني ساعتها او حتى تعلق على ماحدث .. لقد كان الرعب مسيطر علينا كلنا وان لم يحالفنا الحظ بجون الذي اقنع شلته ان تكتفي بهذا المبلغ والاكتفاء بفلوسنا .. بل انه رفض ومجموعته ان ياخذ منا القروش .. قائلا انت ذنب سنو ؟؟ الا بعد أن اصريت ان تسوي المسألة الان ..
|
|
 
|
|
|
|
|
| العنوان |
الكاتب |
Date |
| كاسـوري في محازاة سوق الحراميه | shiry | 05-20-03, 01:43 PM |
| Re: كاسـوري في محازاة سوق الحراميه | shiry | 05-20-03, 01:47 PM |
| Re: كاسـوري في محازاة سوق الحراميه | shiry | 05-20-03, 01:49 PM |
| Re: كاسـوري في محازاة سوق الحراميه | قرشـــو | 05-20-03, 02:18 PM |
| Re: كاسـوري في محازاة سوق الحراميه | shiry | 05-20-03, 02:32 PM |
| Re: كاسـوري في محازاة سوق الحراميه | جدو | 05-20-03, 03:01 PM |
| Re: كاسـوري في محازاة سوق الحراميه | sympatico | 05-20-03, 02:37 PM |
 Re: كاسـوري في محازاة سوق الحراميه | Yassir7anna | 05-20-03, 02:39 PM |
| Re: كاسـوري في محازاة سوق الحراميه | عديلة المتوهجة | 05-20-03, 02:40 PM |
| Re: كاسـوري في محازاة سوق الحراميه | shiry | 05-20-03, 03:03 PM |
| Re: كاسـوري في محازاة سوق الحراميه | shiry | 05-20-03, 03:05 PM |
| Re: كاسـوري في محازاة سوق الحراميه | robenson | 05-20-03, 03:25 PM |
| Re: كاسـوري في محازاة سوق الحراميه | shiry | 05-20-03, 03:34 PM |
| Re: كاسـوري في محازاة سوق الحراميه | منوت | 05-20-03, 04:51 PM |
| Re: كاسـوري في محازاة سوق الحراميه | shiry | 05-20-03, 05:03 PM |
| Re: كاسـوري في محازاة سوق الحراميه | منوت | 05-20-03, 05:45 PM |
| Re: كاسـوري في محازاة سوق الحراميه | EMU إيمو | 05-20-03, 06:01 PM |
| Re: كاسـوري في محازاة سوق الحراميه | shiry | 05-21-03, 07:16 AM |
| Re: كاسـوري في محازاة سوق الحراميه | shiry | 05-21-03, 08:36 AM |
| Re: كاسـوري في محازاة سوق الحراميه | Bakry Eljack | 05-21-03, 05:15 PM |
| Re: كاسـوري في محازاة سوق الحراميه | benyya | 05-22-03, 05:15 AM |
| Re: كاسـوري في محازاة سوق الحراميه | nazar hussien | 05-22-03, 07:56 AM |
| Re: كاسـوري في محازاة سوق الحراميه | ودرملية | 05-26-03, 04:25 AM |
| Re: كاسـوري في محازاة سوق الحراميه | shiry | 05-26-03, 12:30 PM |
| Re: كاسـوري في محازاة سوق الحراميه | Al-Masafaa | 05-27-03, 10:37 AM |
|
| |
shiry
فيس بوك
تويتر
انستقرام
يوتيوب
بنتيريست