عانس مثقفة

العزيزة بت قضيم

سلام من رطوبة جد وشوق لا يكفف يا سودان

انا ما عارف الاجازة ليه بتخلى الواحد يبقى فيلسوف ويتأمل كل الاشياء التى لا يراها الاخرين هنا او هناك..

تعرفى مع انى ليس من جماعة المثقفين الذين عنيتيهم ولكنى ضد كلمة عانس هذه فاراها بحق مهينة وتتنافى حتى مع ايماننا بالله .. يعنى البت لو ما جاها عريس تسوى شنو ؟؟ الا تبقى خفيفة ولفيفة وتقلع قلع (ان شاء الله راجل مراة) حتى ترتاح من الكلمة القبيحة دى ؟؟؟ والله انا شايف فيها ظلم كثير وكلمة ما انسانية ويجب محوها من القاموس هى وكلمة (بايره) تعرفى زمان كنا بنحليها ونقول (بايركس) يعنى حاجة كده تلمع وتتلاصف ياخى واحلى لكن فى ناس زى زولك ده برمى الكلام كده (بب) دراب كبار كبار .. يعنى شنو الزمن بالغ معاك .. اما انه ما عنده زوق..

لى صديقات واخوات كذلك تزوجن بعد الاربعين بكثير والان فى هناء وسرور يعنى لا مشكلة ابدا وكل زول بياخد نصيبه بس الناس تلقى الصبر وين ؟؟؟

يا ناس شيلو الصبر وخلوا الشفقة .. الشفقة تطير ان شاء الله..

ولك تحياتى



هدية لكل من ينتظر على الشرفات