|
|
 Re: وردي وغيره يمكن أن يكونوا مصادر للوحدة في السودان (Re: dalihabboub)
|
عــــــزيزى
لك التحية الخالصة
قد احكى لك قصة وما مفروض تكون غريبة ، الموضوع كان كان كل الآتى ،عند التخرج من معهد الموسيقى والمسرح لازم تعمل بحث عن فلكلور او اغنية منطقة معينة ،انا قلت ياخى منطقة الجنوب منطقة غنية بإيقاعات مختلفة، وكنت معجب (بالجالوا) دى حاجة افريقية مية مية ،كل الدول المجاورة للسودان ده(دى) موسيقاهم ،قمت مشيت لى مسؤل كبير فى الوقت داك ،وقلت ليه انا ما داير الكلام ده فى ورق ، بصفتو من المنطقة نفسها ،انا عايز الموضوع ده يكون موثق وما تبقى موضوع تخرج بالنسبة لى وبس ، قلت ليه انا ما داير اسجل رقصة للفنون الشعبية ، ان داير امشى الجنوب وانقل صورة كاملة عن مناساباتهم وبالاخص كنت مهتم بالجانب الموسيقى، قام ما قصر صاحبنا وكان على نياتو خالص كتب لى جواب لمدير التلفزيون آنذاك ،نرجو تسهيل كل المهام للاخ احمد وهلمجر ،واخوكم الغبيان فاكر إنو الموضوع خلاص ،وبعد مد وجذر فى حوش مبنى التلفزيون ، المدير ما جا والمدير حيجى بعد شوية ،اخيرا اتيحت لى الفرصة اقابل سعادة المدير ، وإرتسمت إبتسامة عريضة على وجهه (ناس تماضر بنقشو الموضع ده كويس )قام قال لى كمان عايز كاميرا ؟ عندنا كاميرتين كاميرا مع النميرى فى الصين ،وكاميرا مع عمر محمد الطيب فى الزيداب اها نضرب لى منو فيهم يرجع كاميرتو؟ قلت ليه ياخوى الناس ديل يمكن عندهم حاجات أهم ،كدى خلينا نمشى نعمل بحثنا فى اى حاجة ،ومن ديك و عيييييك ،
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست