|
|
 Re: فلتسقط الحملة الكيزانية علي د. منصور خالد (Re: مهاجر)
|
خي الحبيب
اولا اود اشكرك
اسمح لي انت والاخوان ان اقول ليكم كلامي وبالسوداني العامي البسيط ...عشان الما فهموني يفهموني ..ومشكورين
ايام النميري..كنت في مستشفي السلاح الطبي لامر ما...الحصل وبدون مقدمات سمعنا صوت هليكوبترات ومروحيات...والدكاتره والممرضين والممرضات قاموا يتجاروا...فجريت عشان انا زاتي عايز اشوف الحاصل شنو...كان منظر شين ..اطفال الفاقد رجلو...والمبتور نصو...ونسوان ...واحده منهم مقطوعه نصين وسبحان الله لسع حيه....كان منظر موش يقطع القلب كان كانو حلم.. كم نفر من الواقفين وقعوا....وكم طفل داخو...وبعض النسوان ثكلو...وفي راجل شيخ كبير..قال الله لا يرحمك يا جون قرنق..
.من اليوم داك وانا احاول اعرف قرنق ده منو وموضوعو شنو...وكل ما ادور علي اجوبه اسمع بمئات الالاف ماتوا...ومئات الالاف اتقطعوا...
سمعت بمشروع سلام مع نميري ...ففرحت وقلت يا سلام اهي المشكله حا تتحل ومافي داعي للمشاكل...لكن ما اتحلت...قلت احتمال نميري غلطان واحتمال قرنق غلطان ....يخوانا المشكله شنو...افتح الراديو اسمع ....المرتزقه ...والقاتل ...والعميل واناشيد وطنيه...وبرضو انا ضايع....قمنا طلعنا في مظاهرات انا قابلتها في ميدان البوسته ام درمان ومشيت معاها وهتفنا لغايه ما نميري جا الواطه...انا طلعت المظاهرات عشان السلام...وعشان الحرف تقيف قلت احتمال نميري كان السبب في عدم السلام وله نميري ما عاجبو جون قرنق ...ولمن جاء سوار الذهب ..قلت يا سلام ...اهو الراجل وقف في التلفزيون وبيحاول يخطو بالسلام والسودان ومشاكلو الي بر الامان...ومشيت السلاح الطبي اطقس واشوف...لقيت نفس المروحيات كل يوم بتجي وفيها اطفال مقطعين ونسوان مهشمين...ومرت الفتره الانتقاليه بدون سلام...حزنت وزعلت لكن كان في امل لمن سمعت انو في انتخابات..ودي قصه تانيه..عشان افهم منو وشنو الامه..منو وشنو الجبهه ومنو وشنو الناصريين بصراحه ...كانت ازمه نفسيه لانو نحن اتولدنا وربينا في عهد مايو وما بنعرف غير مايو وغير اعلام مايو...
مرت الانتخابات..وقلت كده خلاص ما حا يكون في حرب اهي حكومه منتخبه..وحا يعملوا انتخابات في الجنوب والناس ترتاح..من الحرب والدم والموت والتشريد والتصحر...وبرضو مشيت السلاح الطبي والهاليكوبتر الشوم ما زالت تحلق وتنزل بالمقطعين...والماتو في طريق اطفال ونساء وكواريك...بس المره دي كان في حاجه ناقصه...الناس بقت ما بتجري عشان تتفرج بقت تقول ...المقطعين جو يعني ما حا نعرف نشوف الدكتور....وما شفت فيهم نظره الحزن والاسي الشفتها وانا صغير....ما كان في شيخ رفع يدينو للسما وقال يارب...بل كان في تذمر......كبرت الاسئله وكبرت الاحزان كلما كبرت....وجات الانقاذ ...وقلت يا سلام اسمها جميل الانقاذ....علي الاقل حا تنقذ النص الباقي ماتوا مليونين وتقطعوا مليونين واتشردوا اربعه ...ملايين...الباقي منو...وكان ده الحصل علي الناس البهايم..والزراعه الحصل عليها شنو..
يخوانا اسئلتي اسئله ببحث عن اجابتها...منو الرافض السلام جون قرنق وله المستشار بتاعو؟؟؟؟القاتل منو جون قرنق وله المستشار بتاعو؟؟؟المشكله شنو؟؟؟الحرب ابتدت كيف؟؟؟وليه الناس ما تحل مشاكلها بانو تقعد مع بعض سودانيين مع سودانيين ونحن ادري بمشاكلنا...وادري بانو كيف نحلها....
يخوانا انتو هاجمتوني ونبزتوني واسأتو لي وعايزين تدخولني في انو اكون منظر واضع ميثاق وانا اقترح كيف تتحل المشكله....انا بدور علي اجوبه...وكنت محتار..وانتو حيرتوني زياده...وكنت حزين وانتو حزنتوني زياده...كدي براحه وروني الاجوبه علي اسئلتي والغلط شنو في انو انا سالتها.
وشكرا ليكم
|
|
 
|
|
|
|
|
| العنوان |
الكاتب |
Date |
 فلتسقط الحملة الكيزانية علي د. منصور خالد | degna | 03-14-03, 04:12 AM |
| Re: فلتسقط الحملة الكيزانية علي د. منصور خالد | Deng | 03-14-03, 05:07 AM |
 Re: فلتسقط الحملة الكيزانية علي د. منصور خالد | degna | 03-14-03, 05:31 AM |
| Re: فلتسقط الحملة الكيزانية علي د. منصور خالد | waleed500 | 03-14-03, 05:20 PM |
| Re: فلتسقط الحملة الكيزانية علي د. منصور خالد | Yassir7anna | 03-17-03, 10:30 AM |
| Re: فلتسقط الحملة الكيزانية علي د. منصور خالد | intehazy | 03-14-03, 05:39 AM |
| Re: فلتسقط الحملة الكيزانية علي د. منصور خالد | sudani | 03-14-03, 07:16 AM |
| Re: فلتسقط الحملة الكيزانية علي د. منصور خالد | اللورد | 03-14-03, 12:52 PM |
| Re: فلتسقط الحملة الكيزانية علي د. منصور خالد | SAMIR IBRAHIM | 03-14-03, 12:59 PM |
| Re: فلتسقط الحملة الكيزانية علي د. منصور خالد | kofi | 03-14-03, 02:07 PM |
| Re: فلتسقط الحملة الكيزانية علي د. منصور خالد | SAMIR IBRAHIM | 03-14-03, 02:14 PM |
| Re: فلتسقط الحملة الكيزانية علي د. منصور خالد | Ro3ah | 03-14-03, 02:48 PM |
| Re: فلتسقط الحملة الكيزانية علي د. منصور خالد | سحلوب | 03-14-03, 10:12 PM |
| Re: فلتسقط الحملة الكيزانية علي د. منصور خالد | kamalabas | 03-15-03, 01:09 AM |
| Re: فلتسقط الحملة الكيزانية علي د. منصور خالد | degna | 03-17-03, 00:25 AM |
| Re: فلتسقط الحملة الكيزانية علي د. منصور خالد | khal fatma | 03-17-03, 05:45 AM |
 Re: فلتسقط الحملة الكيزانية علي د. منصور خالد | degna | 03-17-03, 12:30 PM |
| Re: فلتسقط الحملة الكيزانية علي د. منصور خالد | مهاجر | 03-17-03, 01:11 PM |
| Re: فلتسقط الحملة الكيزانية علي د. منصور خالد | SAMIR IBRAHIM | 03-17-03, 10:09 PM |
| Re: فلتسقط الحملة الكيزانية علي د. منصور خالد | khal fatma | 03-18-03, 05:37 AM |
| Re: فلتسقط الحملة الكيزانية علي د. منصور خالد | shiry | 03-18-03, 12:06 PM |
| Re: فلتسقط الحملة الكيزانية علي د. منصور خالد | SAMIR IBRAHIM | 03-18-03, 02:35 PM |
| Re: فلتسقط الحملة الكيزانية علي د. منصور خالد | Deng | 03-18-03, 04:15 PM |
| re | moody | 03-18-03, 08:09 PM |
| Re: فلتسقط الحملة الكيزانية علي د. منصور خالد | Deng | 03-19-03, 05:11 AM |
 Re: فلتسقط الحملة الكيزانية علي د. منصور خالد | sari_alail | 03-19-03, 01:54 PM |
| Re: فلتسقط الحملة الكيزانية علي د. منصور خالد | اساسي | 03-19-03, 03:42 PM |
| Re: فلتسقط الحملة الكيزانية علي د. منصور خالد | shiry | 03-19-03, 04:40 PM |
| Re: فلتسقط الحملة الكيزانية علي د. منصور خالد | اساسي | 03-19-03, 04:43 PM |
| Re: فلتسقط الحملة الكيزانية علي د. منصور خالد | degna | 03-20-03, 01:16 AM |
| Re: فلتسقط الحملة الكيزانية علي د. منصور خالد | الجعلي | 03-20-03, 07:39 AM |
| Re: فلتسقط الحملة الكيزانية علي د. منصور خالد | SAMIR IBRAHIM | 03-20-03, 04:49 PM |
| Re: فلتسقط الحملة الكيزانية علي د. منصور خالد | degna | 03-20-03, 11:00 PM |
|
| |
فيس بوك
تويتر
انستقرام
يوتيوب
بنتيريست