هذا الفيديو اكبر فضيحة تواجه السفاح البشير!

Quote: نعم هذا هو الواقع المخجل لشعب السودان ان يحكمه مثل هذا المازوم والسفاح لعشرين عاما ولا زال هنالك من يدافع عنه..

المكرر دا
1/ انا قلت ليك الموضوع بتاع الفيديو دا انت طرقتو قبال 3 يوم والبوست القديم موجود يعني بس مندهش نحن طبعا ناس جداد وشفنا حملة الترحيب الكبيرة بمقدمك قلنا القبة تحتها فكي اها ياسيدي الامنتي ليك جينا نشوف الفكي عندو شنو اها لقيتك مكرر الفيديو نبهتك فيها حاجة دي وعلى العموم ياحبيبنا تنبيهي ليك دا كان زعلك انا غلطان وتاني ما بكررها تب .
2/ العضو محمد فرح قال ليك البرنامج دا اتعرض في تلفزيون امدرمان والناس كلها شافتو يعني الموضوع من اساسو عادي وما فيهو حاجة وحقو انت عشان ما تفقد مصداقيتك وتخيب ظن الناس الرحبو بيك ديل وانا اولهم حاول خليك موضوعي انت ياخ داير تبقى رئيس معقولة دي تكون اهتماماتك .
3/ الاخ تمبس جا داخل بعدتو زي ما قال هي كدي النسعلك الصورة دي قصتها شنو انا طبعا زي ما قلت ليك جديد ومشكلتي شليق داير اعرف اي حاجة صحي انت قلت الصورة دي بتاعة زولة وطلعت ما ياها ياسيادة الرئيس والله كان عملت كدا طيب الفرق بينك وبين الكيزان شنو الكضب ياهو الكضب ولا انا غلطان .
4/ العضو عزالدين بيلو اجتهد في انو يصمم ليك هتاف مفروض تشكرو بذوقك الرئاسي مش تقول ليهو بتأيد مش عارف شنو .

كدي هسه خلينا في الصورة دي قصتها شنو ؟



مين خدرو دي