|
|
 Re: الشاعر/ ابراهيم ابنعوف * فى وضع صحى خطير * مدولو حبل الريده (Re: محمد احمد ابراهيم)
|
اوسلي الولوفة > الاقسام العامة > منتدى الشعر والاخوانيات الخواطر > مكتية ود ابنعوف
ود ابنعوف(اراء*دراسات*نماذج)
أهلا وسهلا بكـ محمد احمد ابراهيم
الإهداءات
معتز سليمان عبدالمجيد : يسعد مساكم من جم وانشاء الله منجمين عبد العزيز وداعة : سلام يا حلوين معتز سليمان الزبير فضل زاهر خوجلي عماد الدين فضل الله ود البلد الرائع كلنكاكول muna khogali ومساكم بخير عبد الخالق عثمان : نعتذر لكل الذين رحبوا بالاخ عصام شمباتي لسقوط مشاركاتهم ,,, نكرر اسفنا وياريت تكرروا ترحيبكم osly2 : لا حوووولا عصام شمباتى ذاتووووو مليار مرحب عماد الدين فضل الله : طارق الاراك - كوريا - لك اجمل التحايا يا غالي سيداحمد الكسلان : abukenaz, أبويارا, معتز سليمان عبدالمجيد, الزبير فضل, العسروتي, القارض, روعة, روعة النيل, شواطئ, علاء الدين عثمان, عبد العزيز وداعة, ود المكى نهاركم سعيد روعة : حبابكم عشرة يا ناس المنتدى .. الاخ محمد الف حمد لله على سلامة الوالد بابكر فضل ... والف تحية وسلام للخال الزبير فضل أبويارا : شواطئ أهلا بمقدمك الميمون طارق الاراك : سلام لاهل المنتدى وكل اهل الشمال والتحية للاخ عماد الدين فضل وتحياتى الى ارض الوطن طارق كوريا الجنوبية _سيؤل عماد الدين فضل الله : يس طه, nooreldinn+, روعة, شايقية للابد, osman abdelbasit, عمار حبة, ود المكى, طارق الاراك مساءكم خير شايقية للابد : ســلامات أوسلى الولوفة الحاج, العامرابي, الطير المهاجر, القارض, ابووضاحه, osman abdelbasit, عائده وداعه, هيثم عوض الله, كلنكاكول osman abdelbasit : نور ود خدرة ..تحياتى.. وين موضوعك المهم جداً بتاع الجمعية الخيرية...ما لاقيهو تانى نوسة : صباح الخير عماد الدين , ابويارة , روعة , ولكل الاعضاء والمتواجدين سلام ومشتاااااااااااااااقين . عماد الدين فضل الله : abukenaz, أبويارا, nooreldinn+, روعة, زاهرخوجلي, Osman Ali Sidahmed Kashom معكم يطيب المقيل يا نجوم nooreldinn : nooreldinn, abukenaz, المخلص, الطير المهاجر, القارض, روعة, Osman Ali Sidahmed Kashom, عماد الدين فضل الله, طارق الاراك نهاركم سعيد عماد الدين فضل الله : الطير المهاجر, nooreldinn+, زاهرخوجلي, عبد العزيز وداعة, هيثم عوض الله, كجوك صباحتكم بخير الشريشابى : اذا سمحتوا لنا .... الى الاخوة المشتركين الجدد الرجاء تصفح المنتدى من بدايته حتى لا يكون هناك تكرار للمواضيع ... وتقديم بعض الاقتراحات اللى هى أصلا موجودة الشريشابى : صباح الخير يا أوسلى ..... صباح الأمل والأشراق ... صباح خالى من البغضاء والحسد . . . صباح لمتكم السمحة... شواطئ : نور الدين سلام ومشكور علي السؤال وكل من سأل ومن كتب ومن لم يكتب واسفه بس الشدئد القوي امنعني عنك يااوسلي يا عشقي nooreldinn : شواطئ مساء الخير وحمد لله علي سلامة العوده شواطئ : السلام عليم طال غيابنا عليكم ياغالين مشتاقه ليكم شوق القمرا لوطن القماري عماد الدين فضل الله : نوسة, انت كمان عيني عليك بارده نوسة : الف سلامة اتمنى لك الشفاء العاجل يامعتز سلامتك والالم بزول كفارة ليك ياوزل . عماد الدين فضل الله : روعة النيل+, هيثم عوض الله, ود المكى, ودالزين, طارق الاراك وعيني بارده معتز سليمان عبدالمجيد : يسعد نهاركم خير وعافيه عماد الدين فضل الله : ما بين النخيل والرمال يسعدنا تواجدكم أبويارا, محمد الامين, القارض, بركلاويه, nooreldinn+, سيداحمد الكسلان, عمر دباى, كلنكاكول أبويارا : الأنسان / بابكر فضل حمد على السلامة يسلم القلب الأبيض ويسلم القلب الطيب ولأولادك تهانى العودة الشريشابى : الى الزوار من أبناء أوسلى الولوفه بدل تتاوقوا بى فوق الحيطة ..... وشغالين نقاد فى الخفاء .... سارعوا بتلبية نداء الولوفه والتسجيل والنقد من داخل الدار... وتجدوا أذان الجميع صاغية لكم .. عماد الدين فضل الله : نفيدكم ونبشركم بان اجهزتكم الامنية في وزارة العلاقات العامة تعرفت علي شخصية امين السنجك وله الخيار في تعريف نفسه عوض مجيد : سلام عليكم ياجماعة الخير عساكم بخير ومافى نفسا مابى الاكل ابن اختى عماد مبروك الترقيه مع تحيا تى
إضافة إهداء
الصفحة 1 من 2 1 2 >
أدوات الموضوع إبحث في الموضوع تقييم الموضوع طرق مشاهدة الموضوع
08-02-2008, 12:05 AM #1
osly2
ود ابنعوف(اراء*دراسات*نماذج)
--------------------------------------------------------------------------------
ابتدر هذا الخيط الصديق الفاتح عبد الله طه
وهو من ابناء القرير (القلعة)
صديقي ..اوسلي ..
اعلم انك تتقاطع من عدة زوايا مع الشاعر ..الفنان. ..الفذ...ابراهيم ابنعوف ..تعلم عنه الكثير من خلال جلسات الادب والشعر ..التي جمعتك به..على رمال اوسلي العزيزة..
ابراهيم ابنعوف ..قامة شعرية ..بنكهة خاصة ...ينظم الشعر بعمق شديد ..تتحسس من خلال قصائده..حلاوة وطعم الشعر الشايقي الاصيل ..ذات اللونية المختلفة ..التي تحتاج ..لتأمل خاص...بكل الاحساس ..الذي تكاد ان تلمسه..بين ثنايا كلماته..
يا بلد عاشق ترابك *** من ترابك عزّي نابع
زينة فوق ارضك طبيعتك *** جنة الله بلا منازع..
.. قصائده تتفرّد... بالكلمات العميقة الدافئة ..التي تنبع من ريحة طين الجروف...يمزج الكلمات الدارجة..البسيطة مع الفهم العميق ..لتنطلق المعاني الجميلة..
اطنبّر بيك للأشواق *** اسمّعك اي زول مشتاق
---------
تعالي ..ندرّج الايام *** علي درب الهوى... الويحيد
نلملم من فراقنا كلام ..نلحّنو من لقانا ... نشيد
---------
طلّي من الصباح اشراق *** يراري على ندى الاوراق
تعالي ..بلا خبر برجاك *** على وقد الهوى المقدوح
----------
انادي عليك من الاعماق *** اشارق والفكر تاواق
يشاشي على مدن عينيك *** ويرحل من بلاد لبلاد
ادخلي ..ووزعي الافراح *** على كل البيوت في الحي
وابقي غنيوة القاعدين *** ومسادير البشقّو الصي
---------
على عتب الامل ساند *** ضهر صبري النقص ما تم
تعالي ايام زماني جحيم *** بلاك وشي حياتي سجم
بيني ..ولو على الآفاق *** بدايات المطر... نقناق
مطر فرحك على الاحزان *** حديثا تاني ماب ينزاد
وفي رائعة اخرى ..يقول:
كيف اوصلك ..كيف اوصلك
وكيف اقدر انساك ...وهواك ماب ينترك
احترت فيك..واحترت في القلب اليفكّو ..وينشبك
--------
في حترب البال الموقّع *** من جدار عقلا مقرّب ينسهك
وين انت من طول الرجا *** وحبل الهوى الماب يتمسك
وصبرا التّقو بالصبر *** ومن تاني يرهف وبنهتك
----------
الكتابة عن شاعر ..مثل " ابراهيم ابنعوف " ربما تحتاج لبحث شامل... وزمن طويل ..اترك الكلام ..لمعجبين واحباب " ابراهيم ابنعوف " ليقولوا شيئا ..ويسلّطوا الاضواء ..علي هذه القامة من قامات بلادنا العزيزة..
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 12:10 AM #2
osly2
المشرف العام
--------------------------------------------------------------------------------
osly2
اخى القرير ... ســــلام
ومن غيرك وعم مامان يستطيع الحديث عن ود ابنعوف
ذاك الشامخ صاحب المفردة التى تقتحم دواخلك خلسة وبقدر ما تثير
فيك من دهشه تتقمصك كقدر لا فكاك منه
تخبل منظر ابراهيم وهو على تندة لورى ود الكعين متوجها لتنقاسى
فى وقفة عيد الاضحى وهو يشدو
الناس بى شوق نبيها
من المالح فاتو غادى
انت شوقك جابنى تنقاسى
احج فيها اول تبادى
ابراهيم صاحب عزيمه واصرار يصلان لحد العناد .. العناد عنداهلنا
قوة راس ولكن عند ود ابنعوف يعنى ميلاد المزيد من الابداع
قالولى بتهوى شافعه ؟
قوتليهم لو بترضع
قالولى صباك ضائع
قوتليهم بيها برجع
وصوا وساكت توصوا
وصيتكم ما بتنفع
شوف العين شن بسوى
لى جائع قصدو يشبع
اتمنى ان يرى الاستاذ مامان هذا البوست كما اتمنى ان يشحذ ذاكرة
الاستاذ ــ اســامه معاويه الطيب ــ الذى اظنه قد قد ولج لكل
المداخل المؤديه لشعراء امنطقه بعد تجربته الاذاعيه الناجحه
فى نادى الطمبور
شكرا اخى القرير على تسليط الضوء على روائع ود ابنعوف
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 12:55 AM #3
osly2
المشرف العام
--------------------------------------------------------------------------------
مامان
الأخوان القرير وأوسلي
تحياتي لكما
حسنا فعلتما بفتح هذا البوست عن شاعرنا ابراهيم ابن عوف..وصراحة أنا عندما اقرأ أو استمع لشعره فكأنني التهم ثمرة منقة كتشنيرانتزعتها للتو من طين جنينة تريانة.. وسأرجع اليكم بعد حصولي على دراسة عن شعر ود ابن عوف كان قام بها أخونا الدكتور توفيق الطيب البشير والذي اتصلت به بالفعل ووعد بمدي بنسخة الدراسةلتكون كمرجع. كذلك سأتصل بالأخ سيد أحمد المصباح الذي يمت بصلة القرابة لشاعرنا ويعرف الكثير عن الشاعر وشعره.. بس شدو حيلكم وطنقحو البوست دا كل مرة لي فوق لإنو لو ما عملتو كدا سيغطس غطسة ما تعرفوه مشى وين.
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 12:59 AM #4
osly2
المشرف العام
--------------------------------------------------------------------------------
ياسين (ياسيكو)
يا ناسات البلد الغادي سلام
لا حديث في حضرة مامان
تشكر القرير والسادة المتداخلون
على عتب الامل ساند *** ضهر صبري النقص ما تم
في حترب البال الموقّع *** من جدار عقلا مقرّب ينسهك
وين انت من طول الرجا *** وحبل الهوى الماب يتمسك
وصبرا التّقو بالصبر *** ومن تاني يرهف وبنهتك
وازيدك:ه
اليدور يهديني من ريدك اخير يمشي يكوسلو هادي
**
كان حاكى القمر محياها لو ما في القمر ضِليمة
في انتظارك يا مامان ويا ريت العمل تصلني من صورة
طبعا د. توفيق لا يستطيع يقول "بِغم" في ارساله
تحياتي له
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:01 AM #5
osly2
المشرف العام
--------------------------------------------------------------------------------
أسامة معاوية الطيب
تحياتي
طبعا اجمل من شعر ابراهيم ابنعوف التفاتكم ليهو
ساكتب والله رغم اني اتضاءل كثيرا قبالة يس ومامان وكمال وكل الرايعين الكتبو قبلي
ابراهيم ابنعوف قامة ماممكن نكتب عنو كدا في عجالة البوستات هنا ولكنا سنحاول لانه يستحق وهو الذي صنع وجداننا ولا زلنا نتذكر يري يا اقداري سيري وسيري بي محل تسيري
شن يهمك بي عذابي اصلي زول مجهول مصيري
ومن اغنياته الخالدات واحدي العالمات الفارقة في أغنيات الطنبور ليل الغلابة
اذكر حديثا للدكتور توفيق الطيب يقول كان ود ابنعوف يقوي علي المحبوب فتضيع االقصيدة وكتب
ليه ما اكتب وليه ما اغني صبرت انا وانتم مرادي
ويضيع المحبوب فيقوي علي القصيدة
............ راحتي في الدمعي الغزيري
جدير ان نسمع راي توفيق وراي يس
ولو اننا نستطيع ان نستكتب احمد سليمان
تحياتي للجميع وسارابط هنا لاقرأ ما تكتبون واستمتع جدا بالشاعر الجميل ودابنعوف
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:05 AM #6
osly2
المشرف العام
--------------------------------------------------------------------------------
الفاتح عبد الله طه
الاخوة الاعزاء: عندما شرعت في كتابة هذا البوست ..كنت اعلم بانني وزّعت ..بطاقات الدعوة ..لاوسلي... ومامان ..ياسيكو .والشايقي ..معاوية الطيب ..عادل عثمان ..واصدقاء كثرين...يقفون عتد الباب ..منتظرين اذنكم للدخول .. اصدقاء ...تتقاذفهم ..المنافي ..وتجمعهم هذه الواحة الظليلة..رغما عن المسافات ..لنستظل من هجير البعد..في حضرة " ابراهيم ابنعوف"
بطاقات الدعوة ..وزّعت ..لنحتفل بشاعرنا المتألق " ابراهيم ابنعوف " ... وكنت اعلم انني ..ادندن بيكم علي الحجرات ..وللنسمة المباري النو...حتي ندرّج الايام والسنين علي دروب العودة المنتظرة ..
شاعر يقول :
يا غائبة في الزمن الهجير *** رمّض مسار عشمي الغياب
صنقر ..حرس بذرة رجاك *** طرحت مع الايام... يباب
شاعر كهذا ..لا بد من الاحتفال به .. ليتمدد في مساحات بلادنا الشاسعة ..
شكرا ...اصدقائي ... ومزيدا من الابداع ..
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:07 AM #7
osly2
المشرف العام
--------------------------------------------------------------------------------
ابو قصى
الأخ القرير والأخوة الكرام
شاعر يعبر عن فرح قبر الأم المتوفية بسعادة إبنها الذي فرح بلقاء من أحب حري بنا أن نحتفي به حقا وحسنا فعلتم ، فما أبلغه وهو يعبر عن ذاك الفرح :
تريبة زينوبا ترقص مشاركي حتالت الولادي
ثم أنظر إلى هذا الوله :
بجره غنياي أحكي ليكم .... تعالوا أسمعوا يا صحابي
حكاية الشافعي البريده .... ريده شقاي وعذابي
أحنل (أحن لها) حن القماري ... تقوقيلا (تقوقي لها) أوتار ربابي
بهوى الهوى في هواها .... وهواها قرايتي وكتابي .
ثم أنظر : أعاين زييين فيها وأشبع وأزيد إعجابي عن إعجابي
وعادة عندما يشبع الإنسان من الشيء يتركه ... أو على الأقل الزيادة منه مربوطة بالترجيع . ولكن إبراهيم أبنعوف شبعه ممن يحب يزيده إعجاب على إعجابه .. وكثير كثير في هذه القصيدة وفي شعر إبراهيم ابنعوف يستحق الوقوف عنده . ودائما أقف وقفة حيرة وإعجاب وأنا أفكر في المكان الذي تعلق فيه إبراهيم أبنعوف حين قال :
أتعلق بين عيونا ورموشه البي فوقها كابي .
إلا أن منظومته التي تحدث فيها عن أصله ونسبه العربي وصلته بأبي بكر الصديق والتي فيها عير أحد حلب أوسلي المقاطيع كما أطلق عليه لمجرد خلاف بينهما لم تعجبني مطلقا وقد رايت فيها عملا لا يشبه إبراهيم أبنعوف البته ، لأنه مليء بكمية من التعالي لا مبرر له .
وفي إنتظار دراسة توفيق الطيب يا مامان .
ولي قدام
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:10 AM #8
osly2
المشرف العا
--------------------------------------------------------------------------------
عبد الله جعفر
الاخ القرير
الشوق مليون
عوووك وكل الناس عندك بي لون النيل..هكذا لا تأتي الا وفي معيتك كل هولاء وكل هذ الجمال ...بوست مروي لا يزال بذاكرتي وليته يعود...الحديث عن ابراهيم ابنعوف ليكن البداية للحديث عن الاخرين..اوسلي ..مامان ...ياسيكو وكل الاصدقاء لكم اقصي مايهدي وفي انتظار اوسلي ومامان والبقية لتعطير الساحة بسيرة من وةهبنا دفء الغناء في اقصي الشمال..وفي انتظار ياسيكو للقيام بواجب الضيافة...طبعا الحمد لله الزول لقي ليهو حتة تلمو اليومين الجايات
الفاتح ابحث عن اجبار ابوذر الكامل
ساسيكو ارسل لي احد الاصدقا الجميلين اربعة اشرطة كاسيت للنصري...شئ لا يوصف..كان ماعندك ياني المرلن ليك
تحياتي لكم جميعا وحتما ساعود
القرير لك الود والشكر علي هذا البوست
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:25 AM #9
osly2
المشرف العام
--------------------------------------------------------------------------------
الزوول
الأخ القرير وأوسلي ومامان والبقية...
التحية لكم وانتم تضعون الأزهار على هذا المكان الذى كاد ان يخلو منها ..والذي بدأ وكأنه ساحة للحرب يتقاتل فيها فوارس الفحش والبغضاءويتبارون بما ملكت ايديهم من سفيه القول وفاحش السباب وكريه الحديث
سأل حكيم يوما: من هوا لعبقري؟
أجاب قائلا: العبقري هو الذي يصنع من الشيء العادي ما هو غير عادي
وانظروا وتأملوا ماذا كتب إبراهيم ابنعوف عندما كتب لمحبوبته مرارا فلم ترد
أكتب ليك واطّول في كتاباتي
يفيض احساسي وأملأ الدنيا بكلمات خطاباتي
بجمع ليك لغات الدنيا واكتب ليك
وبي لغة العجم مرات...... وبالعربي الشديد وفصيح
وبي لغة الملائكة احيان... والسرياني والتسبيح
وبي كل ذرة في ها الكون...اكتبها ليك وأرسلها فوق جناح الريح
أكتب ليك في الأشجار
علي الأزهار
وفي الأنهار
محل ما تمشي قدامك ..تلاقي حروف رسالاتي
لأنك انت من ذاتي...يا ذاتي
ومهما كتبت ما بقدر أعبر ليك عن الجواي..مهما طاوعت أقلامي كلماتي
****
وليه ما اكتب وانت الماضي بي احزانو... بأفراحو... والمستقبل الآتي
كتاباتك ...شويي خلاص
وانا الراجيكي تكتبي لي كم دفتر وكم كراس
ومنها داير أفصل جبي وأندروش ..كمان طاقيي فوق الراس
ومن كلماتها اسوي السبحي والبخرات ..وكم حجبات ..اداريبن عيون الناس
وكمان تقروقة في محراب هواك أجلس مع الجلاس
وأخلي الباقي اتغتابو ..لو بعدك غشاني نعاس
وانا الراجيك تكتبي لي ..كتاباتك تكون في الظلمة لي نبراس
انا العايش فراقك لي ...بشوفك في عيون الناس
وعاذرك لو كتبتي قليل..رضيان بيهو مادام بي وفاء واخلاص
**********
أريت يوما فرقني معاك ..يكون محذوف من التأريخ
وتبقى ايامنا سته ونبقى بيها قراب
أريت بلدا تحرمك مني...لوما انت تبقى خراب
ويسكن في خرابها البوم ... ويصايح عليها غراب
وصاعقي تقع تدكها ..ما تفضل فيها ذرة تراب
وتولع فيها نار الله ..تصبح كوم رماد وهباب
تمرقي انت.... والناس المعاك قراب
ما دعّيت خاتي...الا الفراق اسباب
والآن ما رأيكم ....اليس ود ابنعوف بعبقري ؟؟؟؟؟؟؟؟؟؟؟؟؟؟؟
اذا كان لديك شك
فأقرأ القصيدة مرة ثانية
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:27 AM #10
osly2
المشرف العام
--------------------------------------------------------------------------------
خضر عطا المنان
حبابنا وأهلنا أصحاب الطنبور الحنين :
أوسلي ومامان وبقية هذا العنقود المتلألأ والوضاء
اذا كانوا هم قد أسعدونا طربا ونغما
فها أنتم تطربونا وفاءا وعشقا
لكم مني السلام من دون فرز
سلاما يسافربكم مع المراكب والرواويس وكل طنابرة الحي شرقا وغربا
الانحناءة والتجلة ممزوجان بأمانيي الطيبات
أخوكم : خضر عطا المنان
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:31 AM #11
osly2
المشرف
--------------------------------------------------------------------------------
osly2
وانا الراجيكي تكتبي لي كم دفتر وكم كراس
ومنها داير أفصل جبي وأندروش ..كمان طاقيي فوق الراس
ومن كلماتها اسوي السبحي والبخرات
..وكم حجبات ..اداريبن عيون الناس
وكمان تقروقة في محراب هواك أجلس مع الجلاس
وأخلي الباقي اتغتابو ..لو بعدك غشاني نعاس
وانا الراجيك تكتبي لي ..كتاباتك تكون في الظلمة لي نبراس
انا العايش فراقك لي ...بشوفك في عيون الناس
وعاذرك لو كتبتي قليل..رضيان بيهو مادام بي وفاء واخلاص
مخلوقة تراب الجنة والطيب خالطوبو جسيمة
كان حاكا القمر محياها لو ما في القمر ضليمة
يا مامان توفيق دا أقفرو
خضر عطاالمنان . سـلامى
هل درست بكورتى الثانويه ؟
الصفاقين فئه مجهوله فى فن الطنبور ياريت نفرد ليهم بوست خاص
ناس عثمان حمد ..محى الدين عبدالوهاب ..حتى جيل عبود سورج
ووليد الحكيم ورحمة الله وابن الباسا الحريف الشيخ الشريف
وفرقة اكروبات الكرى.القرير. حمد وعد العظيم صالح . عمر الجاك
ود الطاهر
يا اهلنا العنده القصيدة دى يلحقنا بيها
ادينى امانك قوودينى
لو قتل الحب عاشق عمدا
العدل مع القاتل على طول
صديقى الفاتح
لو عارف طريقه نربط بيها اسامه معاويه هنا قولها لى
ابو قصى راجع دروس تمبس وخالد الحاج
فسـراع يا نسائم اشواقى
ودلى السلام مطــــبوق
لى اهلنا وجميع حبانا
فى البوست التحت والفوق
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:35 AM #12
osly2
المشرف
--------------------------------------------------------------------------------
منيرة ضيف الله
الاعزاء:القرير، أوسلى وبقية الأخوه
إيه رأيكم فى جلسه فى البالتوك عن الشاعر
ابراهيم ابن عوف???
تبهجونا بأشعاره وتطربونا بسماعها وهى أغانى
أقترح السبت 24 يوليو الرجاء التكرم بقتراحاتكم فى ما يختص بى
ميعاد الجلسه
حبوبتكم أمدر
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:38 AM #13
osly2
المشرف العام
--------------------------------------------------------------------------------
osly2
بلقاك فى الصباح واشراقه
فى نـــــــــــــغم البلابل
فى كلمات كتبتها ليك
تب ما قالا قــــــائل
مرحب بك باشمهمندسه امدر
لاحظت تاثير لغة البالتوك على كتابتك
.. القورير .. هنا ظهرت الواو البالتوكيه التى كادت ان تعصف
بالقرير الحيرنا بى الخضره
ممكن نلتقى بابراهيم بالتوكيا . بس كيف نلم فى صديقك الشايقى
دكتور على محمد سعيد دفع الله .
يا امدر كان لميتنى فى الشايقى بلمك فى ابراهيم ابنعوف
اقدم اقتراح للعمده مامان بمنح امدر الجنسيه
ويا عشى البيت يا قطع الخيط
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:41 AM #14
osly2
المشرف العام
--------------------------------------------------------------------------------
شرووم
الاخ القرير
الاخوة الكرام المتداخلين ،، لكم التحايا بريحة الجروف وطعم المنقة ونكهة المشرق وودلقاي
أعجبت كثيرا بشعر الاستاذ إبراهيم ابنعوف ، رغم اني لم التقيه في حياتي الا انني احس بأني اعرفه منذ القدم لقرب اشعاره الى النفس وتقلقلها في الذات ودغدغة الاحاسيس اسمعوا معي هذا الكلام ،، ( والمصدر فيه شريط عثمان عبد العظيم ) لذا قد تكون هناك بعض الاخطاء فنرجو العذر مسبقا
يا حبي قبال نتلاقى طمــني قلبي وكوني معاي
أنا راجيك اتنين فوق عشرة هدن صبري كفاية
كل ما تبعدي عن عيني احسن أخاف ما تبقي نهاية
فكري يقولي مابتلقاها وقلبي يقولي صباحك جاي
بين وعدك والشوق واللهفة فوقي الهم ينشر تخاية
وأسال اقول ياربي جنيت ولاكمان دي الريدة بداية
*********************************************
أنا وحياتك دون مااشعر القي عليك سايقاني خطاي
لي لقياك يا اغلى هدية ارسلك الرب لي دنياي
نتلاقى وتتلاقى الفرحة ترسم معنى هواك وهواية
واصلو الحب لمان يتجسد في العينين مابدورلو قراية
*********************************************
انت الخاطرة الشغلت عقلى واجج نار الشوق جواي
ما متخيل يوم نتصادف تصبح واقع اعيشو براي
رغم سنين العمر الضاعت وأنت بعيدة على مسعاي
يلا وريني سعـــادتك لي وامسح من عيني اساي
*********************************************
فيك حنية بلــــدي وفيك بشوف اهلي ومأتاي
واتمناك كل لحظة تعدي لحظة تعدي فيها تكوني قريبة حداي
وأتامل في ليلك وصحبك صحبك والبسمة الضواية
يملا وجودي حديثك نشوى وروحي تحلق فوق في سماي
*********************************************
لا تتأخرى في غيباتك شدي خيول شوقك تالاي
وابني لي في حضنك جنة ، جنة افجر فيها غناي
لاتنسي العهد البيناتنا شاهدي عليهو يداك ويداي
ياما كتير ضحيت من اجلك اوعك صدك يكون ده جزاي
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:45 AM #15
osly2
المشرف العام
--------------------------------------------------------------------------------
خضر عطا المنان
أهلي الأفاضل : مامان و اوسلي وشروم ........................ الى آخر ( سبيطة القنديلةالحلوة )
هكذا يكون الوفاء يا صحابي
أماأنت يا أوسلي أقولك : أنا خريج مدرسة النعام آدم
واسماعيل حسن وليست كورتي الثانوية!!!!!
عموما أنا أملك في رصيدي الكثيرين من احبابكم أهل الطنبور
منهم على سبيل المثال لا الحصر : محمد جبارة وعثمان اليمني ( قبل أن يتلوث !!!!!! ) وعيسى بروي وعبد الرحمن عجيب .. من هؤلاء من كان يقيم بمنزلي سواء في اليمن أو السعودية أو الامارات .. ولي من بعضهم أحلى ذكريات العمر يا سيدي والعديد من التسجيلات الخاصة والخاصة جدا ..
وأنا أذ أشيد بمجهودكم الوفائي .. أضع يدي بيدكم .. فرنة طنبور عندي خير من فرقة من عينة ناس ال........ خاصة أن الساحة هناك ( في العهد الانقاذي الشوم!! ) تعج بمليون ( نانسي عجرم سوداني !!!!! ) واللبيب بالاشارة يفهم !
لكم مليون تحية وتحية
خضر عطا المنان
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:49 AM #16
osly2
المشرف العام
--------------------------------------------------------------------------------
اسامة معاوية الطيب
اوسلي
الطريقة الوحيد البتربطبها اسامة هنا ترجعو نادي الطنبور تاني ... تقدر ؟
اه والغربة تقعد بنا عن القراءة والحياة
انا والله بحاول اخش كل مرة بس عارف الدخول لعالم ابراهيم ابنعوف ما بحتمل السليقة محتاج لاعداد واعداد ضخم لاني اعتقد انو الشعر المنشور في معظمو شعرو الحديث واعتقد انو دا مضر جدا لشاعر زي ابراهيم ابنعوف لاني ( اعتقد ) انو شعرو الاخير غلب عليهو الطابع التجاري ( اظن اني حر في اعتقادي ) ومن الظلم بمكان نحكم عليهو من خلالو لانو كتب شعر جميل عميق قريب جدا مننا ومن وجدانا بل واتشكل وجدانا اصلا منو
ارجو ان نتدارس في الجزئية يا اوسلي ومامان ويس واعتقد انو توفيق الطيب لو حضر بتتوازن المسألة شوية لانو مركز علي الشعر القديم لابنعوف
اخشى كثيرا علي ماضي ابنعوف من حاضره ( بصراحة)
حا اواصل حتى لا اكون متجني عليه
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 01:52 AM #17
osly2
المشرف العا
--------------------------------------------------------------------------------
الفاتح عبد الله طه
لولا الامل ما عاشوا ناس **** في الدنيا... بالحظ القليل
يا فاقد الامل العريض **** من قالك المضى لا يعود
---------------------------------------------------------
الاخوة الاعزاء ..عبركم يكون ..التواصل ....لنغوص في اعماق " ابراهيم ابنعوف " وغيره من شعراء المنطقة ..نتناول ..حياتهم..شعرهم ....سيرتهم الذاتية..
احيانا ..مسيرة الحياة بمجملها...والمنعطفات الاجتماعية ، السياسية ، وحتى الدينية .. التي يمر بها الشاعر او الاديب..تنعكس على مفرداته وكلماته....من هذا المنطلق ..كلمات الاخ " اسامة معاوية الطيب " بان قديم الاستاذ " ابراهيم ابنعوف ..من الشعر ..اجود واجمل ..من شعره الحالي ..هذه وجهة نظر ..لا بد ان نحترمها .. ..بس مطلوب من الاخ اسامة ..( وهو اهل لذلك وسليل بيت عموده الشعر والادب )ان يوافينا بتفاصيل اكثر ..ويستشهد ببعض النماذج ..لانو ربما يكون هنالك بعض الاخوة ..( وانا احدهم ) لم يتمكنوا من الاطلاع على كل شعر الاستاذ " ابراهيم ابنعوف "او ربما تعرّفوا على شعره الحديث من خلال الشعر المغنّى فقط...وهذا وحده لا يقيّم الشاعر ..
عموما نحتاج لمداخلات من اهل الاختصاص ..واتمني ان تكون بداية لتوثيق اعمال كثير من شعراء المنطقة ..الذين لم يوفّوا حقهم من الدراسة العميقة ..التي تحتاجها الاجيال القادمة..
شكرى الجزيل ..لكل الذي زارنا ..وفرحنا كثيرا بركوب الاخوان " خضر عطا المنان.. شرووم ..انا زاتي امدر ..لهذه القافلة .. ( وبدايات المطر ..نقناق..) ..
" اوسلي " الكتابة عن الصفّاقين ..تحتاج ايضا " لبوست خاص " ارجو ان تجهّز نفسك وتاتينا بدراسة وافية ... تبدأ من " اب خبته " وما عليك نحن " بنشيل " معاك..
" اخونا خضر عطا المنان " نعود بك وبعجلة الذاكرة للوراء قليلا ..ابوظبي 1987 ..وبها الكثير من محطات الذكريات ..ارجو ان تنعش الذاكرة .. مع خالص الود..
حبوبتنا ..ام در .. كل ادوات البالتوك جاهزة ..لتفعيل اللقاء ..لكننا ننتظر الاستاذ " ود ابنعوف " ...واوسلي .. ولك التحية..ولهم ..
ومزيدا من التواصل...
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
osly2
مشاهدة ملفه الشخصي
إرسال رسالة خاصة إلى osly2
البحث عن المزيد من المشاركات المكتوبة بواسطة osly2
أضف osly2 إلى قائمة الأصدقاء
08-02-2008, 02:43 AM #18
ناصر عبد الوهاب
عضو مميز
--------------------------------------------------------------------------------
شكرا ياكمال وانت كنت سفيرنا فى كل المحافل ومثلتنا خير تمثيل وهذا الصرح العظيم يدل على حبك لبلدك وجعلت الكثيرين يتكلمون عن ابراهيم ابنعوف و بالصدفه دعانى صديقى الى منتدى العفاض واول ما وجدت ابراهيم ابنعوف ومرثيته ياسين جاك غريب اغفرله يامولاى
وصوره ياسين وعنوان كبير ما كان قصدى اجامل فيك يوم الشين* قصدى القاك عريس بين العديل والزين
عندها عرفت رمال اوسلى تسرسرت ووصلت الى كل مكان فى ارض فى الشمال واعتقد كل انحاء السودان
وياخى كمال انت اسلفت القول وقلت عندنا قوه الراس ولو سمعت هذه الاغنيه تعرف ان ود ابنعوف كان يملك قوه شخصيه مع قوة الراس
لو راجاني ارجع ليك ما ترجينى
انا اترك الاغنيه تتكلم عن قوه شخصيه ابراهيم و لك تحياتى كمال المريخابى
وبالجد كنت رسول اوسلى الى الخارج وكنت استمتع عندما اجد كتاباتك فى سودانيز اون لاين
التوقيع :
الشمال دايمن معانا في خواطرنا وحروفنا
الشمال قبلة غنانا والشمال ايقاع دفوفنا
الشمال نيلنا وسمانا الشمال ثمرة جروفنا
الشمال غاية منانا لما تتماسك كتوفنا
ونبقه فوق واديه غيمه وبهجه للزول البشوفنا
ده الشمال انبل امانه حقو نحملو فوق كتوفنا
آخر تعديل ناصر عبد الوهاب يوم 08-02-2008 في 02:45 AM.
ناصر عبد الوهاب
مشاهدة ملفه الشخصي
إرسال رسالة خاصة إلى ناصر عبد الوهاب
إرسال رسالة بريد إلكتروني إلى ناصر عبد الوهاب
البحث عن المزيد من المشاركات المكتوبة بواسطة ناصر عبد الوهاب
أضف ناصر عبد الوهاب إلى قائمة الأصدقاء
08-02-2008, 02:56 AM #19
عبد الخالق عثمان
زول داقس
--------------------------------------------------------------------------------
الليل وصل آخره والافكار مشتته وكان لابد من الكتابه ,, كتبت على امل العودة وقت آخر لان الموضوع بالفعل يستحق ان نقف عنده طويلا
ساعود باذن الله
عبد الخالق عثمان
مشاهدة ملفه الشخصي
إرسال رسالة خاصة إلى عبد الخالق عثمان
البحث عن المزيد من المشاركات المكتوبة بواسطة عبد الخالق عثمان
أضف عبد الخالق عثمان إلى قائمة الأصدقاء
08-03-2008, 05:15 AM #20
osly2
المشرف العام
--------------------------------------------------------------------------------
osly2
قالو الدنيا يا محبــــوبة تجمــع يوم ويوم تفـرق
بس نان مالا مابتجمعــنا والله دا ما ماهو متحقق
صح ماليها أمان واللـــه لي مضيقي المشـــق
مادالي اليمين تضحك لي بي إيدا الشمال إتعــق
مامان
ماقصرت تب ومجهود د. توفيق الطيب البشير وافر ومقدر
وكما قال د . توفيق فلتكن هذه الدراسه موشر لبحث شامل عن
اشعار المبدع ابراهيم ابنعوف فابراهيم اكثر من شخص واحد
ففى اى لحظه تجالس فيها ابراهيم تحس انك امام ابراهـيم جديد
غير الذى جالسته من قبل
جيل مامان قد يفك لنا الشفره للدخول للبيئه والظروف التى اهدتنا
ابراهيم . والسر عثمان الطيب ومحمد سعيد دفع الله وعبد الله
محمد خير ومن قبلهم الرائد حسن الدابى رحمه الله
نحن مدينين لهذا الجيل بالكثير اقلها انه شكل دواخلنا على حب
تراب تلك البقعه الجغرافيه وشكل احاسيسنا على ان الجمال وان
كان باديا فى فى لوحات الطبيعه فانه ابرز فى المفرده التى تحمل
فى احشاءها الكثير من حنية اهلنا
التوقيع :
اوســلي يا بلـــد الحضـــارة
يــا مساجـــــد ويـــا منـــارة
فجـــر أهـــل العلــــــــم لاح
فجـــر أهـــل الجــــهل راح
( بركلاوية )
|
|
 
|
|
|
|
|
| |
محمد احمد ابراهيم
فيس بوك
تويتر
انستقرام
يوتيوب
بنتيريست