|
|
 من ذاكـرة الأرشـيـف : شـاعر الشـعب مـحجـوب شـريف .... وقـصـيـدة كـجـبار.
|
شاعر الشعب محجوب شريف... وكجبار...قصيدة.
--------------------------------------------
المنتدى العام ل ( سودانيز أون لاين ) دوت كوم.
مكتبة نبيل محمد حامد(nabielo)
شاعر الشعب محجوب شريف... وكجبار...قصيدة.
13-08-2007,
nabielo
------------------
كان من المنتظر ان يلقى شاعر الشعب محجوب شريف قصيدته الجديدة عن مجزرة كجبار فى حفل تابين شهداء المذبحة ليلة امس فى نادى المحس بالخرطوم والتى منعت اقامتها من قبل الحكومة.
الجدير بالذكر ان الاستاذ محجوب كان قد شارك فى حفل التابين التى اقيمت قبل اسبوعين فى منطقة المحس عبر الهاتف من الخرطوم مع رفيق دربه الاستاذ وردى واخرين
قصيدة محجوب.
-------------------
الدم شلال ..... السد ارواح
الموج اترنح في الحلال اتراح اتراح
شهداء حياتم يا لله تلال .. وظلال
ومعيشة حلال..... وضمير مرتاح
تاح... تاح .... تاح.... تاح
بينم وبين الحبة محبة
وبينم وبين الضفة صراح
جنا يا حليلو سبيط اتدلي... مرصص راح
كم الورد صباهو .. عيونو لسع فيهن باقي مزاح
اسال عنو حفيف العشب لم يكسر في عمرو جناح
غني معاهو القمري زمانك حسع راح
بابا جاب الهم والذم والسد ينسد وحسع ينزاح
بابا جاب الهم والذم والسد ينسد يوما ينزاح
نحن كذلك برضو كفاية ....
كفاية كفاية كفاية جراح
اي زيادة حنبقي نفاية
ويبقي الطمي في العين سفاية
وكل وطنا بيوت اشباح
اهي دارفور الصمت رماها جياع وحفايا
وآ اسفايا وآ اسفايا كاني بايدي طعنت قفايا
كفاية كفاية كفاية كفاية حريق وصياح
ويا ادروب سامحنا سكتنا
عرق اتصبب .. ودمك ساح
سلك.. وزلك..راحل ضلك..منهك كلك ليل وصباح
ويوم فتحتو وراكم.. تاح ترراح... تاح ترراح
السودان الوطن الواحد شبرا شبرا بقي نتاح
يا اشعار العار العار اذا ما الحنضل بقي تفاح
وتم تررم.... مع تاح ترراح
كم سفاح ارتاح واتقدل.... والكاتلنا انحنا سماح
اعتي دروع وجذوع تتهاوي.. وشتلة تقاوم اعتي رياح
مدحت عثمان(فريقنتود).
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست