|
|
 الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها!
|
مـقدمة:
______
1 - جـرت العادة عـندي ومنـذ سنوات طـويلة وان اقوم صـباح كل يوم جـمعة
( بـحـكم انـها إلاجـازة الاسـبوعية بالسـودان ) بالاتـصـال بأهـلي فـي السـودان والسعوديةودبـي ومـصـر لـمعرفة اخـبارهـم واخـر الـمسـتجـدات ببـلادهم الـتي يقيـمون فيـها.
فـي كل مـرة (وبـحـكم الـخبـرةالطويلة!!) كنت اعـرف سـلفآ قبل الاتـصالات بـهـم ان كـل اخـبارهـم الـخاصـة والعامـة ستكون مـحـبطة وقاتـمة.
2 - واليـوم الـجـمعة، قـمت وكالعـادة بالاتصال باهـلي ومـعارفـي الذين
وجـدتهـم كـلهـم هـذه المرة وقـد طــفـح بـهم الكيل وكالوا مـاكالوا مـن
شـتائـم ولعـنات عـلي هـذه الحـكومةالتـي لاتسـتطيع كـبح جـماح الاسـعار ووقـف تـصاعـد اسـعار السلـع الضـرورية والأدويـة وتسـهـيل حـصـول الـمواطـن علي الـخـبـز اليومـي بصـورة مـضـمونة.
قال لـي احـد اقاربـي وهـو فـي قـمة انفعالـه: ( هـل تـصـدق يابكـري اننـي اعـمل مـوظـف بالـحكومة مـنـذ 15 عـامـآ وخـريـج جـامعـي... هـل تـصـدق اننـي لااسـتـطـيع تامـيـن خـبـز يـومـي للاسـرة!!! ،هـل تـصدق يابكـري انوالـحـصـول علي (العيـش ) مـن (الـطابونة ) اصبـح بالواسـطة!!).
عـنـدما اتصـلت بأهـلي فـي حـلفاالـجـديـدة وجـدتـهـم يشـتكون مـن الـملارياالتـي انـهـت حـياةالأف، ولادواء بالصـيـدليات او بالـمسـتشـفي الـمركزي!! ولكـنها مـوجـودة بالسوق الاسـود... وبكـثـرة!!!
3 - وعـنـدما اتـصلـت باهـلـي فـي دبـي وجـدتـهـم هـم ايـضـآ يشـتكون مـرالشـكوي مـن ارتفاع اسـعار الرسـوم بالـجـامعات السـودانية.
وان ادارات هـذه الجـامعات والتـي يـدرس بـها اولادهـم وبناتـهـم راحـت وتتـلاعب بالاسـعار بـحـجـة ان السـودان لـم يـعد يتعـامل بالـدولار وانـما ب ( اليـورو ) وعليـه- وبـحـسـب كـلام ادارات هـذه الجـامعات - اصـبـح هـناك سـعـرآ اخـرآ يفوق ثلاثـة مـرات السـعـر القـديـم بالـدولار!!!
4 - يقـول احـد اقاربـي ، ان الأسـرة التـي يـمـرض احـد افرادهـا مـرضـآ شـديـدآ.... يـصـبـح اهـم شـئ عـند الاسـرة فـي هـذه الحالة كيـفية اقتـناء ...( كـفن ) بسـعـر مـقبول!!!
5 -واخـيـرآ، هـاكـم حـال مـواطـن ســودانـي كـما وصـفـته جـريـدة (السـوداني ) اليـوم الجـمعة.
بروميد الأخطاء الطبية!!
________________________
جميع الحقوق © 2006 لصجيفة ( السودانى ).
العدد رقم: 860 2008-04-04
عبد اللطيف أحمد:
أخذ حسان يبذل مجهوداً خرافياً لاقناع والدته التي كانت تقول له:
= ما عافية منك يا حسان أكان وديت ولدك المستشفى!!
- يا أمي الولد دا عندو حمى شديدة.. وأحسن نوديه نفحص ليه الملاريا!
= أحسن ليه ملاريتو دي هسا توديه المستشفى يقولوا ليك عندو قرحة، انت ما سمعت بالحصل لآمنة الساكنة جيران خالتك؟!
- حصل ليها شنو؟!
= دخلت المستشفى عندها لوز.. طلعت من المستشفى كاتبين ليها مية دواء غلط.. عمل ليها فشل كلوي.
يدخل في هذه اللحظة شقيق حسان ويستمع للحوار الدائر فيتدخل قائلاً:
- شوف يا حسان.. المستشفيات دي كلها أكان خاصة واللا عامة بقت تستعمل بروميد الأخطاء الطبية و...
= بروميد شنو؟!
- الأخطاء الطبييية!
= أول مرة أسمع بالبروميد دا.. سمعت بس ببروميد البوتاسيوم بتاع الرغيف!
- دا كمان زيو واسوأ منو.. مش داك بُدرة وحاجة صغيرة برأس الملعقة منو تخلي ليك شوال الدقيق يعمل ليك تلاتة آلاف رغيفة بدل ألف واحدة بس؟!
= ايوا.
- أها دا كمان هنا (جامعة) صغيرة كدا بكم ألف دولار في السنة.. تخرج ليك تلاتة آلاف طبيب!
= وبرضو بجي (تهريب) من برا؟!
- لا.. دا بجي (تخريج) من الجامعات الكتيرة ومسيخة دي.
= وبعدين يعني هسا أنا أقعد كدا ممحّن وأعاين للولد لحدي ما يموت.. أحسن أقوم أشوف ليه مستشفى خاص؟!
ضحك شقيقه ثم قال:
- مستشفى خاص.. ياخي والله أنت راجل أطيب من الطيبة ذاتها..
= كيف الكلام دا؟!
- الفرق بين المستشفى العام والمستشفى الخاص إنو بروميد الأخطاء الطبية في المستشفيات الخاصة انت بتدفع عليه قروش.. بدل ما تموت ملح ساكت في المستشفيات العامة ووسط الناس، ففي الخاصة بتدفع على ولدك دا الشيء الفلاني ويموت موتة محترمة.. داخل غرفة مكيفة الهواء.. لكن علاج دا ما تعشم فيه..
ثم جلس وهو يواصل حديثه:
= الاسبوع الفات دا عندنا زميلنا عندو بتو عيانة وداها لمستشفى اسمو (فواصل)، من الاستقبال قالوا ليهم ما تدفعوا تلاتة مليون بتكم دي ما بتدخِّل كراعا.
- في زول طالع من البيت يكون في جيبو تلاتة مليون.. ديل مجانين واللا شنو؟!
= بعد ما دفعوا ليهم القروش رقدوها وعملوا ليها فحوصات كاملة قالوا طلعت نضيفة، في النهاية قالوا عندهم فحص لازم يمشوا يعملوه في ألمانيا.. بعدين...
حسان بدهشة:
- فحص يودوه ألمانيا ليه.. هي بت اخت زميلكم دي عربية مارسيدس واللا شنو؟!
ابتسم شقيقه وهو يواصل:
= تقول شنو؟!
- طالما إنو الجهاز دا مهم كدا.. مش أحسن الحكومة تجيبوا من برا؟!
شقيقه ساخراً:
= قالوا ح يجيبوه والجهاز دا موضوع في خطتهم (الألفية)، بعد اليخت، والستين مليون دولار بتاعة التذاكر، والعربات.. يعني هم يجيبوا الجهاز قبل ما يجيبوا الناس البتستعملوا؟!
- انحنا ديل ما ناس؟!
= في نظرهم.. ما أظن!!
خرج حسان حينما أحس أن الكلام مع أمه وشقيقه لا يُثمن ولا يغني من مرض.. أدار محرك عربته وأخذ صغيره معه واتجه به صوب إحدى المستشفيات عسى ولعل يجد من ينقذ صغيره.
توقف في شارع به مستشفى عام وآخر خاص، وبجوارهم محل (علاج بلدي) تقول لافتته إن علاجاته خالية من بروميد الأخطاء الطبية.. دخل حسان إلى المستشفى الخاص.. قابله موظف الاستقبال بابتسامة قائلاً:
= ممكن أخدمك بشنو؟!
- الحقيقة عندي الولد دا عندو حمى كدا قلت يمكن تكون ملاريا.. فقلت اجيبوا ليكم عشان تعملوا ليه فحوصات.
= جداً..
انهمك في تسجيل بيانات ابنه على الكمبيوتر ثم قال:
= في البداية ح نشيل منك عشرة مليون عربون نقداً أو بشيك معتمد تُكمل أو تُرد بعد خروج ابنك من المستشفى على (رجليه) أو على (عنقريب)!!
- عشرة مليون ليه.. انتو ح تغيروا ليه الجهاز الهضمي بتاعو بواحد جديد؟!
= ابتسم الموظف وهو يخرج ورقة ويقول لحسان:
ممكن نعمل ليك دسكاون لو ح ترقد معانا كتير.. وعندنا يوم مجاني في كل اسبوع تقعدوا معانا هنا.. دا غير إنو لو عاوز الاخصائي يجي يشوف ليك الولد بعينيه الاتنين فدا سعره براه.. ولو عاوز يشوفوا ليك بعين واحدة بنشيل منك نصف القيمة..
- طيب ولو الولد بعد الكلام دا كلو مات؟!
= عندنا شركة ممتازة بنتعامل معاها بتاعة دفن اسمها الـ(سبيل) مشتقة اسمها من أن الموت سبيل الأولين والآخرين.. ودي شركة ممتازة بتوفر ليك (أكفان) بمواصفات عالية.. وجايبة عمالة من شرق آسيا لحفر القبور في عشر دقائق، وبدوك قبر ناصية بفتح على عشرة شوارع.. وعندهم حنوط انجليزي، وبعملوا ليك أربع شواهد في القبر، وعندهم خدمات ما بعد الدفن.
- بعملوا ليه شنو بعد ما يندفن؟!
= بعملوا (سبيل) لروحه؟!
- طيب لو ما عندي قروش؟!
= بنقبل منك حاجات عينية.. ممكن تجيب لينا شهادة بحث لقطعة أرض درجة أولى في منطقة كويسة.. أو أوراق بيتك.. أو عربيتك، أو ممكن تعمل تمويل من البنك، كمان ممكن نقبل منك دهب المرا لو كان كتير.
خرج حسان مهرولاً بابنه وهو يسب ويلعن متجهاً إلى المستشفى العام، وقد حدثته نفسه بأن يذهب لمقابلة المدير الطبي حتى يجد ابنه الاهتمام اللازم.
ما أن دخل إلى المستشفى حتى بدأ في البحث عن مكتب المدير الطبي فأخذ يقرأ في لافتات المكاتب الكثيرة الموجودة في حوش المستشفى العام، فقرأ لافتة موضوعة على مكتب امجلد بالسيراميك ومكتوبا عليها:
(الناعي) للنعي الأليم والشُكر والعرفان!!
دخل إلى المكتب فوجد رجلا يجلس على كرسي وثير ومن خلفه مكيف فيريون.. القى حسان السلام على الرجل ثم قال متسائلاً:
= لو سمحت بسأل عن مكتب المدير الطبي!
رفع الرجل رأسه وهو يحاول التذكر:
- المدير الطبي.. المدير الطبي.. والله الاسم دا ما غريب عليَّ أنا سامع بيه.. لكن ما عارف وين.. يمكن تلقاه بعد الترزي الهناك دا!!
حسان بدهشة:
= الترزي البجيبوا هنا شنو كمان؟!
ضحك الرجل ثم قال:
- اظنك ليك زمن ما مشيت مستشفيات.. هنا بقى في ترزية، ومكاتب تأمينات.. ومحلات بتاعة (أكفان) اصلو طبعاً بتكون سمعت ببروميد الأخطاء الطبية؟!
= ايوا سمعت بيه!!
- أها فقالوا قصة الأخطاء الطبية دي صعب علاجها مع سرطان الجامعات الكتيرة دي.. فعشان كدا قالوا أحسن يتعاملوا بمبدأ (الوقاية خير من العلاج) فعملوا في كل مستشفى ترزي، وبدل ما يفتحوا ليك فايل فالترزي بركِّب ليك (سوستة) في بطنك كـ(وقاية).. عشان لو في حاجة اتنست جوا بطنك بعد ما تمشي البيت لمن تجيهم راجع يقوموا يفتحوا ليك بطنك بالسوستة دي بدل ما تاني يدخلوك عملية.
= طيب وانت مكتبك دا بتاع شنو؟!
- مكتبي دا بتاع نعي أليم وشُكر وعرفان.. أصلوا أنا مندوب لجريدة (اللحد) الدفنية اليومية.. وعشان نخفف على الناس من تعب البحث عن مكاتبنا فقلنا أحسن نفتح مكتب دائم في المستشفى.
حسان وقد ابتلع ريقه بصعوبة:
- معقولة بس يا ناس؟!
= الما معقولة شنو.. الأخطاء الطبية والاهمال بقت حاجة عادية زيها وزي الملاريا، وزيها وزي الصُداع، وأي 100 نفر بدخلوا المستشفى عيانين بطلع منهم (150) على المقابر نتيجة أخطاء طبية واهمال.. فعشان كدا قلنا (نرفع المعاناة) عن المواطنين الغلابة ديل ونعمل لينا مكتب دائم للنعي الأليم.. وأسعارنا ممتازة.. حسب نوع الخطأ الانت مت بيه.. يعني لو نسوا ليك شاشة جوا بنعمل ليك ربع صفحة بخمسمائة ألف بس.. ولو نسوا ليك مقص فدا لازم تعمل ليه نص صفحة بمليون.. كمان لو كان الخطأ دا اهمال او علاج ادوك ليه بالغلط فدا بحتاج لصفحة كاملة.. عشان انت ح تشكر ناس كتار زي جيرانك التلتلتهم الليل كلو تكورك في رأسهم.. وأهلك الجو يزوروك في البيت واللا المستشفى.. كمان عندنا خدمة تاني يعني لو عندك تلاتة اربعة ماتوا في شهر واحد فنحن بنعمل ليك دسكاون كبير وبنحاسبك حساب إجمالي وما بنقبل منك شيكات.. لازم كاش أو بشيك معتمد.
= يعني أمل في علاج في المستشفى دي مافي؟!
- والله ما تتعب نفسك.. الدكاترة ذاتهم والمسؤولين الهنا لو الواحد لو جاه وجع راس ساكت طوالي يسافر برا.
= ووين توطين العلاج بالداخل؟!
- كيف ياخي.. وفروا ليكم علاج جذري لكل الأمراض؟!
حسان بدهشة:
= علاج جذري!! ما سمعت بيه..
- كيف ياخي (الموت) و(مجاناً) كمان.. ووفروا ليكم كل أسباب (الموت) الكريم، أما انتو شعب حاسد وجاحد.. بعدين ياخي بلدنا دي أساساً بلد بتاعة موت.. هسا انت عايش.. ما هو زي الميت.. والميت ذاتو اخير منك ألف مرة.. على الأقل عرف مصيرو.. وراسو من رجليه.. الدور والباقي عليك انت.
خرج حسان وبداخله حسرة كبيرة.. اتجه يميناً فإذا به وجهاً لوجه أمام لافتة لأحد المكاتب مكتوباً عليها:
الأمين للتأمين والفحص الطبي الحديث
دخل إلى المكتب فوجد عددا كبيرا من الناس جالسين بالداخل ألقى عليهم التحية ثم قال:
= بسأل من مكتب المدير الطبي؟!
نظر كل واحد منهم إلى الآخر.. المدير الطبي.. المدير الطبي.. قالوا ليك جنب شنو؟!
- قالوا لي في (الايريا) دي.
= الحقيقة يا ابن العم انحنا ما طولنا لينا يا دوبك زي خمسة سنين بس.
- وبتعملوا شنو؟!
= أنحنا بنأمِّن على المعدات الطبية البتتنسي داخل البني آدمين ديل.. أصلوا انت عارف الزمن بقى صعب.. وأي واحد داخل المستشفى دي ونسوا ليه حاجة في بطنوا بالغلط يقوم يعمل بيها نايم.. فعشان كدا انحنا بنعمل فحص طبي تاني بواسطة الجهاز الزي اجهزة المطار القدامك دي ولمن تجي انت ماري بي هنا بنشوف لو نسوا ليك حاجة جوا واللا لا!!! وإذا لقينا حاجة منسية بنديك نمرة وايصال وتعهد من المرافق ليك انو يجيبوا لينا راجع.
بعد جهد جهيد وجد حسان مكتب المدير الطبي، فدخل فوجد أن مكتب المدير الطبي عبارة عن شركة مصغرة ففي الحائط الذي كان يجلس أمامه شخص يرتدي فُل سوت كانت البوسترات التي كانت في السابق للتوعية أصبحت إعلانات عن شركة المدير الطبي الحديثة.. لدينا (تحويل) دربات جلكوز، وقزايز دم دفع مقدم بفصائل مميزة تبدأ بـ(او.. اي.. بي نقتف).. كان الرجل الجالس يتحدث عبر الهاتف وهو يقول:
= شوف يا حافظ.. بي صراحة كدا أنا جهاز تنظيم ضربات القلب دا أقل من خمسة مليون ما بغطي معاي..
يصمت قليلاً وهو يستمع للطرف الآخر ثم يقول مرة أخرى:
- خلاص عشان خاطرك انت بس.. أنا بشوف ليك واحد كدا استعمال برا يكون أورنيك جمارك يمشي ليك أبوك دا سنة سنتين.. أصلوا أبوك دا أكتر من كدا ما بعيش..
= ما أن انتهى من المحادثة حتى التفت إلى حسان وهو يسأله:
- طلباتك؟!
= الحقيقة أنا جبت ولدي هنا عندو حمى شديدة.. قلت يمكت تكون ملاريا.. و..
انهمك الرجل في الكتابة على ورقة أمامه ثم مدها إلى حسان وهو يقول:
- دا موضوع بسيط شيل الورقة دي وأمشي أصرف ليه العلاجات دي.
خرج حسان بعد أن دس الورقة في جيبه دون أن ينظر فيها.. وقد أحس بفرح فأخوه وأمه لن يشمتوا فيه.. وها هو أتى بالعلاج من المدير الطبي نفسه..
أخرج الورقة بعد أن دخل إلى الصيدلية ومدها إلى الصيدلي الواقف خلف الكاونتر.. أخذ الصيدلي يقرأ ثم ابتسم وارجع الروشتة وهو يقول لحسان:
- دواك دا ما عندنا هنا.. دا تمشي بيه سوق الخدار؟!
حسان بدهشة:
= سوق الخدار كمان فيه علاج؟!
ابتسم الصيدلي وهو يقرأ ما في الروشتة لحسان:
- اصلو كاتب ليك ستطاشر حبة بتاعة قريب فروت.. تقشر لولدك دا أربعة طوالي.. وقريبتين بعد تمنية ساعات.. وتاني كل يوم قريبتين!!
لسعة:
----------
في ظل كثرة الأخطاء الطبية والاهمال سيأتي علينا زمان تذهب فيه إلى الطبيب بملاريا فيعطيك روشتة مكتوب فيها:
أُكل عجور وأجري عكس الهوا!!!
___________________________________________
::::: ونـواصـــل...
|
|
 
|
|
|
|
|
| العنوان |
الكاتب |
Date |
| الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-04-08, 09:54 PM |
 Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-04-08, 10:43 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-04-08, 11:23 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | shaheed gadora | 04-04-08, 11:36 PM |
 Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-05-08, 01:17 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-05-08, 02:35 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | الصادق خليفة | 04-05-08, 09:10 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-05-08, 10:55 PM |
 Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-09-08, 01:50 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | خضر حسين خليل | 04-09-08, 07:02 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | خضر حسين خليل | 04-09-08, 07:02 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-09-08, 09:35 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-10-08, 01:23 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-10-08, 04:16 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-10-08, 04:42 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-11-08, 01:33 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-12-08, 09:26 PM |
 Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-12-08, 09:48 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-13-08, 03:08 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-15-08, 03:32 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | almogira alemam | 04-15-08, 03:44 PM |
 Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-16-08, 12:12 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | حليمة محمد عبد الرحمن | 04-16-08, 12:21 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | almogira alemam | 04-16-08, 12:53 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-16-08, 01:13 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-17-08, 11:19 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 04-21-08, 00:02 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-01-08, 02:31 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | عبدالرحمن الحلاوي | 05-01-08, 08:13 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-01-08, 08:49 PM |
 Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-06-08, 00:41 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-08-08, 00:05 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-14-08, 12:57 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-16-08, 09:54 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-16-08, 10:11 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-18-08, 11:34 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-19-08, 04:40 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-23-08, 00:27 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-25-08, 10:55 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 05-26-08, 05:10 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-08-08, 01:33 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-09-08, 12:15 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-09-08, 10:50 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-10-08, 12:00 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-15-08, 09:11 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-17-08, 00:14 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-17-08, 02:14 AM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-19-08, 03:30 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | newbie | 06-19-08, 04:10 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-19-08, 10:07 PM |
| Re: الخرطوم أغلي مدينة في العالـم..وهاكم أخر الفساد والغلاء ونشاطات (المافيا) العالـمية فيـها! | بكري الصايغ | 06-20-08, 11:25 PM |
|
| |
فيس بوك
تويتر
انستقرام
يوتيوب
بنتيريست