|
Re: سودانيزاونلاين دوت كم ترحب بالفنانة نانسى عجاج و تفتخر بوجودها بيننا (Re: بكرى ابوبكر)
|
الاصدقاء والصديقات، تحياتي ليكم فرداً فرداٌ
بشكر اولا الاخت او تراجي مصطفي علي دعوتا لي للمنير، وبقول ليها تسلمي يا ام حازم
واكيد الشكر موصول للاخ بكري ابو بكر لاهتمامه وسرعة استجابته ووضعه للترحيب بي كعنوان رائيسي. حقيقة انا سعيدة بانضمامي ليكم . وسودانيزاولاين فيها ملامح شبة كبيرة من المجتمع السوداني كله ، بتنوعه واختلافه ومفارقته ( لكن دا موضوع تاني ) واكيد انا من المكان دا وليه وسعيدة بيهو .
الاخوة والاخوات انا شاكرة ليكم كل حرف اتكتب في حقي ، وشاكرة ليكم تعزيتكم . ووقوفكم المعنوي في اوكات مختلفة معاي ، وكم فرحت بناس ما بعرفوني ولا بعرفهم ، لكن كانو دايما في . في بي محبتم واجمل حاجة في الدنيا دي تلقي ناس يحبوك انا ممتنة ولي قدام نانسي عجاج
| |
|
|
|
|
|
|
Re: سودانيزاونلاين دوت كم ترحب بالفنانة نانسى عجاج و تفتخر بوجودها بيننا (Re: نانسي عجاج)
|
نانسى !!!
مرحب بيك وشرفتى ,, فرحانة بيك شديد
وح نضمك للعصابة ،،، ودا رقمك ن.ن. 45 !!
ياخ انا سعيدة شديد واتشرفت كثير بانو تكون اول كلمات تكتبيها فى سودانيز اونلاين تكون لى انا ... وفى الخاص بتاعى !!
خلينى افشر بكلماتك معاى ... عشان تانى اى واحد فى البورد دا
يووااف وهو بيكلمنى !!
سعيدة بشوفتك والونسة معاك فى الخرطوم ,,,, عموما كدا سعيدة وبس !!
وليموت الحانقون والحانقونات بغيظهم ,,
ـــــــــــــــــــــــ العايز يكون قريب من نانسى لازم يكون قريب منى انا **** مفهوم ؟؟ الاقرب ثم الاقربون ... استووووووا ... بكرى ؟؟ لقيتك بتاع خيار وفقوس والله ,, هسه انا ماااا عتتافى البنبر دا ولا بتقول عينك فى راسك ؟؟ قايلنى هينا؟ اها طلعت صاحبة نانسى تانى شوف البسلم عليك !!
| |
|
|
|
|
|
|
Re: سودانيزاونلاين دوت كم ترحب بالفنانة نانسى عجاج و تفتخر بوجودها بيننا (Re: محمد أبوالعزائم أبوالريش)
|
يا ســـلام ... خبر جميل و قد خرج اهل المنبر عن بكرة ابيهم وهم يرددون طلع البدر علينا من وين ما عارف المهم وجب الشكر علينا لكل من ساهم فى حضور الفنانة الانيقة.
مرحبا نانسى بالحضور البهى، مزيد من الابداع رغم انف الطفابيع
و لو فضل فى العمر خطوة وسّعى الاحلام و اهربى منو ضِيقِك! او كما قال مولانا يحى فضل الله
______________________________________________________________ يا تراجى و الله ايامك هآبه شديده، الفنانة الانيقة جاءت على اثر دعوتك لينا بى حالك!
| |
|
|
|
|
|
|
Re: سودانيزاونلاين دوت كم ترحب بالفنانة نانسى عجاج و تفتخر بوجودها بيننا (Re: محمد علي ياسين)
|
الف مرحبا بك بيننا
نانسي عجاج
ستجدين بيننا في هذا المنبر
اخوه واخوات اعزاء
اصدقاء وصديقات كثر
يعرفون معني الحق والجمال
ويقفون معه
زملاء وزميلات تحررو من الخوف
وانحازو الي انفسهم وضمائرهم
انهم الاكثر هنا
يحبون الوطن ويتمنون له الخير والخبز والحريه
والاغنيات الشامخه
ويحلمون مثلك بان تعود للصباح شموسه الذهبيه الانيقه
وللنهارات اشعتها في وجه الحقيقه
وللعصاري حلاوتهافي اوجه الاطفال
وللامسيات بريقهاالساحر اللمعان
مزدانه بالانس والسمر
والاحاجي وعطف الحبوبات
والبلاد مكحوله الاعين جميله
ترتشف شاي المحبه والسلام
حيث المقاهي الوادعه
والمسارح الباذخه بالمسرحيات المعتقه
والاذاعات تغني والقطارات
كل شئ يدندن
حتي الاحزان تصوغها الحناجر الحانا وقصه
اهلا بك بيننا
| |
|
|
|
|
|
|
Re: سودانيزاونلاين دوت كم ترحب بالفنانة نانسى عجاج و تفتخر بوجودها بيننا (Re: بكرى ابوبكر)
|
Quote: وبعد انضمام نانسي عجاج الاوديو فيزوال (صورة وصوت)! بى مليون يورو ما تبيعو! مرحبا بنانسي التى ستزيل الغبار عن الغناء السودانى الأصيل بصوتها الملائكى المفعم بالشجن والمترع بالدفء جنى |
مداخلة لى فى بوست عن بيع سودانيزاونلاينز! دى الوسائل السمعية والبصرية ولا بلاش! وانشاء الله سفيرة السودان الى القمر اسوة بفيروز سفيرة لبنان الى النجوم فمبدعتنا لا تقل عنها فى جمال الصوت وتفوقهاحرارة الآداء والتوهج! يلا شدى حيلك فالموهبة نعم من نعم الله لايستاثر بها الا الأصفياء! جنى
| |
|
|
|
|
|
|
Re: سودانيزاونلاين دوت كم ترحب بالفنانة نانسى عجاج و تفتخر بوجودها بيننا (Re: بكرى ابوبكر)
|
هنالك العديد من الرائعون الذين يزينون حياتنا ومخيلتنا بالروائع فيسكنون فينا ويتسكعون في دوأخلنا لحناً جميلاً فتظل تسري النشوة في أوصلنا وقلوبنا ... لك للحب و أنت بيننا وأقعاً معاشا وفي دوأخلنا لحناً أصيلاً ... فمرحباً بك وبطلتك البهيةً ... وخالص التعازي في فقيدنا الراحل المقيّم عجاج أمل من العلي القدير أن ينزله منزلاً حسناً مع الشهداء و الصديقين حسن أولائك رفيقاً.
مع عاطر تحياتي ،،،
عمر مصطفي محمد الحاج بورتبيل
| |
|
|
|
|
|
|
Re: سودانيزاونلاين دوت كم ترحب بالفنانة نانسى عجاج و تفتخر بوجودها بيننا (Re: بكرى ابوبكر)
|
الابنة الفنانة الرائعة والفراشة الجميلة نانسى عجاج
بقدر الحزن الذى اصاب الجميع فى رحيل والدك الفنان والموسيقار العظيم سعدنا بمقدمك الى ساحة الفن فراشة وصوتا ملائكيا... تذكرت كيف طرب قادة افريقيا لعزف الراحل ايام مؤتمر القمة الافريقى فى الخرطوم فى عام 1978.. قبل ان ترى نور هذا الكون... نرحب بك ترحيبا عاليا لتملآى الدنيا فرحا واملا فصوتك يكفى لمواجهة كل الاحزان والانتصار للفرح القادم... ومعك والشاعر الرقيق يحي فضل الله نغنى ونطرب...
Quote: التقطني يا صديقي في الدروب الما بتجيبك ودفئ حضنك بالأغاني كلما يضهب طريقك وامسك الجمرة البتوقد بين رمادك بين حريقك رافق الدمعة البتعرف شاسع الحزن البعيقك ولو فضل في العمر خطوة وسع الأحلام ... واهرب منو ضيقك
|
نورالدين منان
| |
|
|
|
|
|
|
Re: سودانيزاونلاين دوت كم ترحب بالفنانة نانسى عجاج و تفتخر بوجودها بيننا (Re: بكرى ابوبكر)
|
الفنانة نانسي عجاج مرحبتين ومية هلا...
لاحظت من كتابتك انك بشكل ما من قبيلة البورداب، متابعة، لغة كتابة
Quote: حقيقة انا سعيدة بانضمامي ليكم . وسودانيزاولاين فيها ملامح شبة كبيرة من المجتمع السوداني كله ، بتنوعه واختلافه ومفارقته ( لكن دا موضوع تاني ) واكيد انا من المكان دا وليه وسعيدة بيهو . |
وهذا شئ مفرح لهذه القبيلة التي تتخطى حواجز القبلية والاثنية وتهتم بالانساني والاجتماعي، فمرحباً بك ، مكانك شاغر.
وقولك بأن لمجتمعنا ملامح شبه كبيرة من المجتمع السوداني، لن يجعلك مندهشة اذا ما دخلت في دوامة الُغلاط السوداني هنا!
شكراً لتراجي، بكري ولمجتمعنا هنا...
أنور
| |
|
|
|
|
|
|
|