|
Re: مسادير يا أهل المسادير إلى ما شاء الله........ (Re: munswor almophtah)
|
منصور المفتاح و ضيوفه الادباء هذا لون من الادب الذي يتضوع أصالة تروني هنا أقف إحتراماليكم و للرسالة و ما عندي غير كلمتين و التالتة ليهم نفالة واصلوا الجمال و الحب مبذول ليكم يتواله
بوعسل أبوعسل
أبعسلا فى البخس والناس مشرفه واقفه طالبه أكان تدوق فى الجوف قلوبهم واجفه من طعم العسل قبال تدوق كم راجفه كم بتدور عقب دايره الحنيذ مو عاجفه
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
الأخوة والأخوات الأعزاء اللطاف رواد مسادير يا أهل المسادير,أولاً السلام عليكم ورحمة الله وبركاته ,,, والله أنا من مدمن عاشق للمسادير كلامكم حلو بالحيل وبشد الحيل نمو وقولو ونقرو فوق الفوق,,, لا املك ملكة الشعر حتى انظمه لكن احبه واتذوقه احفظه,,, ويا منصور نم بالصوت الجهور أنسنا ,,, أبدأ بالغزل أشجينا ونعشنا,,, وأختم بالحماس والبفينا قول لي نحــــــــــن دا كلام مرتجل من عجبي الشديد بكلامكم
سائل ربي الكريم وليهو رافع كـــــــفي يخدر ضراعتكم وفي رزقو ليكم يزيد ويوفي الشكره حارسكم يا البترقعو المستـــهزي انتو تسوو الزين وناديه توزع وتكفــــي
دي ابيات مرتجله ومناي تعجبكم
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
متل الصيد بتقدل للرهيد بارياهن أم غنجا مشتت فوق مواقى إياهن مخروطة الضمير قبضة صباع فايتاهن يوما بى ضحوتو أكان تقيف راجياهن
وقفت احوالي وحرت يوم وقوفها معاهن ميل بي ضميرا وانا قالو عنى الكاهن محزوق عجاين وفيها استقامة اوقافهن قوانين في حساب ياخلاني كيف خارقاهن ...................................................................................... محمد السيد
| |
|
|
|
|
|
|
Re: مسادير يا أهل المسادير إلى ما شاء الله........ (Re: ثابت محمد)
|
يوسف عبدالله المشهور بود نفوره عليه الرحمه كان من آخر من أحتفظ ببعض التراث خلفا لست النفور بنت سليمان وبنت بندق وبخيت عبدالمحمود حسن ليقف من ورائهم أم النصر الولى والولى أحمد الولى ومحمد يوسف محمد حسن وربما عبدالقادر الزين والأمين عبدالله حامد أفندى...أما يوسف كان بهجة بظرفه ولطفه ومدنيته كان يحدثك عن ذلك التراث ويصف ظروف قوله حتى تسمع نبيح كلاب قائليه وتشتم عبق البوخه من اللواتى وصفن وترفع يدك لتغطى رأسك من صوت المطره فكان يوسف مطرا لثراث السروراب الشعبى القومى له الرحمه وليتك جئتنا بالمزيد يا ثابت لك الود والسلام والشكر
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: خالد علي محجوب المنسي)
|
غاب نجم النطح والحر علينا اشتد ضقنا طال ليلو ونهارو امتد نظرة منو للقانون بقيت اتحدى نظرة منو فتحت عندي منطقة الغناالانســدا ودالمفتاح فرحنا فرح شديد لي صورتك الجديدة رجعت فيها لدقون اهلك الدقن الدايرة جميلة وقيافة ...عيب لي شكلك كده مالو مكمل الوجاهه واخر قيافة وقرض على كده وأمتعنا بالمسادير الجميلة متعك الله في الدنيا والاخرة
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
اعجبنى جدا بوست المسادير وهذه منى مشاركة املا ان ينضم اليكم بعد افراد اسرتنا الذين دابنا على المجادعة فى مابيننا
اعاين فى النجوم لمن كبيرن غاب
ولى سمح الخصال سطرت الف خطاب
الطبعو الادب ماجانى منو جواب
يكون منعو الخجل ,اصلو الطبع غلاب
ضرب الهمبريب ظنيت البرد بغشانا
ومن ام در شدينا سرنا عشانا
عند سمح الخصال ناوين نصلى عشانا
دى المن زمان هالكانا وسبنا اهلنا عشانا
ولك كل الود
اخوك / مدنى محى الدين
ابوظبى
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
عبدك ياكريم راجيك تعلى مراتبو
تصلح حالو ,لاتغضب عليهو تعاتبو
ناسو العزاز تطراهو وديمة تكاتبو
تهدى كفيلو يبقى ظريف ويزود راتبو
طالت ليالى أساى ونجومو قط ماغبن
ومن بحور الهم غرفن مراكبى وعبن
يامنشىء سحاب الخير وسايق رياحا الهبن
مدنى الضعيف راجيك امطارا عنده يصبن
ختاما
الصلى للرسول عد مايحتويه كتاب
ماهب نسيم فاح من قبلة الاحباب
تصلو فى المقام والآل والاصحاب
نكون مع الفايزين من غير حساب لا عقاب
ولك الود اخى منصور
مدنى محى الدين/ ابوظبى
| |
|
|
|
|
|
|
Re: مسادير يا أهل المسادير إلى ما شاء الله........ (Re: Ibrahim Adlan)
|
من بعد العشاء والليل نسيمو غشانا والنار انطفت سكتت سواقي عشانا شديت اللجام لي شوقي رحت عشانا بسمت لي صحت و رمتني بي نيشانه بقت فيني نار حرقت قصب حيشانه
بكاية المقل مطر الخريف رششانا وإن تنت لحاظا العين بزيد طششانا إن قدلت مشت هرد القلوب فششانا وإن وقفت تنت فرع الجريد هرشانا
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: Bakhaf)
|
سمح السعد والناس تقيف بي جمبو ما مهم المكان نادي او في كمبو بعد سرح الغرام بالابو واتمكنبو زفيناه لي سعدو الفبيل بحلمبو
الزول إن عشق سيد الدلال شن ذنبو وإن كتم الغرام فى جوفو مين برحمبو كان الصيد سدر مرواح معيز رجعنبو زى كبش المراح يات من تحيل فى جنبو
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: الناظر)
|
مشاغل الدنيا ديل قسن على ايامي خلنى زى زولا ً اثير منتظر اعدامى اقول ارجع عشان احقق جميع احلامى تلقانى احسب و اعد فى مشاكل اخوانى
الناظر خت ترس أرمى الهلب قدامى والغدر إن وقع بحر الغرق هدامى أخوانك رجال فيهم حريف صدامى ما فيهم سفيه خالى الجراب عدامى
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: tmbis)
|
Quote: نسألو كان يجيب فى الجنه ناس واديك ونسألو مو بخيل من برو يوت يهديك خالق الميسرات من نعمو طب برضيك ومن قبس الجنان فى الدنيا كم يوريك |
إيماناً عميق.. يغشاكا ويهنيك ... وفي الجنه أم ظلال ألقاكا وأسعد بيك ومن حرّ اللهيب .. رب الانام يحميك ... تسلم يا الجميل .. محريه أبداً فيك ..
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
آه عبد الله ابكبس عز البطانة وفخري وفي وجوه العرب بنعد ماهو الوخري كريم وهميم كان للقبائل دخري بت شيخ العرب هيلك صحيح تفتخري
توقد نارو ديمة الما بكوس الجمرة في الضيفان إهوش سكينو دايمن حمرة بكأس ما عبر لبنو بجيك بالعمرة هيلو الرائسة وهيلو الآمارة وهيلة الشكرة
المرحوم ابوك كان للقبيلة عطاها عزك قديم عمك حسين.... ابو طه أن شاء الله أخوك دي السكة ما تخطاها
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
في لونق بيتش كانت الخلوق متلمة مكاسيك, وايت, والبلاك ولاد العمة قال لي: بهم خريف الرازة البجلو الغمة قت ليهو: حرم يمين زولي الهناك يضوي في ها الأمة
لونق بيتش = Long Beach مدينة بقرب لوس أنجلس بكالفورنيا
مكاسيك = تطلق علي الشعوب القادمة من المكسيك المجاور لكالفورنيا
وايت = ًWhite البيض من سكان كالفورنيا وهم الذين قدموا من أوربا
البلاك = Black يقصد بها سكان كالفورنيا من أصول أفريقيا أولئك الذين أستجلبوا كرقيق والذين استجلبو حديثا بتأشيرات دخول أو الذين تسربوا من الحدود كمايفعل معظم الناس هنا
أسفين للشرح الكثير ومسيخ
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: يا الشايقى الغزل فجاتو ناس الكبره وقناصن لبد كجامتو خاطيه الهبره بريب التمام بحواهو كلبو بتـبره ما بعيق ماخدن وام الرضيع العبره
منصـور |
حـرقت فرقـتو ال عشـاقو مي منـسـترة
يا منصور .. ختر.. مرنوع ومو زول خترة
سال دمّـاع وحاكى من الهـميع (النتـرة)
عاشـقو وجيع.. شغلتو بقت .. محاية وبخـرة
ود الشايقي
| |
|
|
|
|
|
|
|