|
Re: السيجارة .... سفة التمباك ... الخمر .... من مقللات أمد الحياة على الأرض. (Re: كمال سالم)
|
حساب طول السيجارة بالكيلومترات لمدة 35 سنة :
35 سنة = 420 شهر = 12600 يوم = 189000 سيجارة (6 سنتمتر طول السيجارة ) = 1134000 سنتمتر = 11.34 كيلو متر طولى يعنى سيجارة طولها المسافة ما بين الخرطوم جبل أولياء . تخيّل كل ما تشرب ليك مية متر يكون راسك داخ وتجى الناس تشيلك بالكرسى ويودوك على المية متر التانية .... لما تمرق من حدود الخرطوم الناس حتجى تخليك ويقولو ليك والله الحر دى إلا تمشى فيها براك ، أها مع الشمس الضارباك ديك وانت ماسك السيجارة زى بزة لبن ود الملاجئ .... الماضاق حنان أم .. لا حول ولا قوة إلا بالله.
طول السيجارة بصورة تجميعية = 11.34 كلم .
حساب ثمن السيجارة التى طولها 11.34 كم مقدرة بالدولار الأمريكى :
189000×7= 1323000 سنت = 13230 دولار أمريكى .
ثمن السيجارة بصورة تجميعية = 13230$ فقط ثلاثة عشرة ألف ومأئتين وثلاثين دولارا أمريكيا.
دا طبعا تمن عربية محترمة أو قطعة أرض فى الصالحة غرب أم درمان. وأنا عارف المغسة تكتلك لو الدولارات دى هسى ختوها قدامك كدا وخضوووووووور كدا ومعاك أم العيال البتعضعض فى سنونا على جنس البزار دا.
حساب الزمن المستهلك والمخصص لإستهلاك السيجارة لمدة 35 سنة مقدرا بالشهور:
نفترض ان السيجارة فى أكثر أحوالها تستغرق 4 دقائق.
189000×4= 525 يوم اى 17.5 شهر إى سنة كاملة وخمسة شهور وخمسة عشرة يوما.
الزمن المستغرق لتدخين السيجارة = 17.5 شهرا تخيّل معى سنة وخمسة شهور ونصف الشهر أولادك شايلنك من ضل لضل وانتى ماسك فى السجارة لا غدا ولا عشاء يعنى اى زول يشوف دخان طالع يجى يلقى تحتو طوالى اخونا كمال سالم ..... سنة كاملة .... يعنى ولدك ولدهو وسمو ليهو وبقى ينضم وعمل ليهو رجلين وانتا الفترة دى كلها بتدخن بس وبتعاين ليهو .... ما فى اى شغلة تانية ليك غير السيجارة أم 11.34 كيلومتر دى. شفت كيف؟؟؟
حساب كمية النيوكتين التى أصبحت مكونا أساسيا فى تركيبة الدم مقدرا بالنسب المئوية:
نفترض ان الدم مقدرا بالسيسة = 600 وحدة. وإنه يتجدد بنسبة 95% كل سنة عدا النسبة المتروكة للنيوكتين تتزايد بمعدل 1% كل سنة . وعليه تبقى نسبة النيوكتين (النسبة الأولية ) + ( الزيادة السنوية لمدة 35 سنة ). تبقى 40% من دمك نيوكتين يعنى 600×40/100 = يعنى 240 سيسة من دمك ملوثة بالنيوكتين تماما. يعنى ينقلو منك دم لزول تانى ، يكون دمك شايلنو فى الحقنة ودخانو طالع زى عُصار إبليس ( التورنيدو) ، والناس كلها تكورك محمد معانا ما تغشانا.
ولانك أنتا يا كمال سالم زول ود ناس إستبعدنا بعض الإحتمالات الأخرى.
الإحتمالات الأخرى / الجبنة / الشاى / بقية المخدرات + الخمور.
النتيجة : لو ما خليت التدخين ..... ستموت واقفا بعد ثلاث سنوات .... وهذه نبوءة أعمل حسابك شوية . يعنى إحتمال كبير تصدق وتجى طق فى ميعادها .... عشان كدا بدل تيتم بأولادك أحسن تخلى الشغلانية دى .... وأنا كلامى دا بصدق قطع شك لو ما لقيت طريقة خليتو فى شهرين .... لأنو بعد الشهرين الجايات سيبدأ التدهور الفعلى ... والباب بتاع البيت يبقى ليك طشاش وتقوم تخش فى مراية الدولاب حتا تعرف إنو دا ما الباب.
يبقى الندم على القروش ، الزمن ، الصحة وتبدأ سكة نضيفة من التدخين لبيئة أفضل لقاطنى داركم الإعزاء.
....
... ونواصل
|
|
|
|
|
|
|
العنوان |
الكاتب |
Date |
السيجارة .... سفة التمباك ... الخمر .... من مقللات أمد الحياة على الأرض. | الرشيد البصيلى | 03-14-08, 02:25 AM |
Re: السيجارة .... سفة التمباك ... الخمر .... من مقللات أمد الحياة على الأرض. | doma | 03-14-08, 09:17 AM |
Re: السيجارة .... سفة التمباك ... الخمر .... من مقللات أمد الحياة على الأرض. | الرشيد البصيلى | 03-14-08, 10:00 AM |
Re: السيجارة .... سفة التمباك ... الخمر .... من مقللات أمد الحياة على الأرض. | doma | 03-14-08, 10:51 AM |
Re: السيجارة .... سفة التمباك ... الخمر .... من مقللات أمد الحياة على الأرض. | الرشيد البصيلى | 03-15-08, 06:57 AM |
Re: السيجارة .... سفة التمباك ... الخمر .... من مقللات أمد الحياة على الأرض. | كمال سالم | 03-14-08, 09:37 AM |
Re: السيجارة .... سفة التمباك ... الخمر .... من مقللات أمد الحياة على الأرض. | الرشيد البصيلى | 03-14-08, 10:11 AM |
Re: السيجارة .... سفة التمباك ... الخمر .... من مقللات أمد الحياة على الأرض. | كمال سالم | 03-14-08, 11:01 AM |
Re: السيجارة .... سفة التمباك ... الخمر .... من مقللات أمد الحياة على الأرض. | الرشيد البصيلى | 03-14-08, 05:40 PM |
Re: السيجارة .... سفة التمباك ... الخمر .... من مقللات أمد الحياة على الأرض. | عبدالله كع | 03-15-08, 07:22 AM |
Re: السيجارة .... سفة التمباك ... الخمر .... من مقللات أمد الحياة على الأرض. | الرشيد البصيلى | 03-15-08, 10:51 AM |
Re: السيجارة .... سفة التمباك ... الخمر .... من مقللات أمد الحياة على الأرض. | كمال سالم | 03-15-08, 10:01 AM |
Re: السيجارة .... سفة التمباك ... الخمر .... من مقللات أمد الحياة على الأرض. | عبدالله كع | 03-15-08, 02:49 PM |
Re: السيجارة .... سفة التمباك ... الخمر .... من مقللات أمد الحياة على الأرض. | الرشيد البصيلى | 03-15-08, 06:06 PM |
Re: السيجارة .... سفة التمباك ... الخمر .... من مقللات أمد الحياة على الأرض. | كمال سالم | 03-15-08, 09:15 PM |
Re: السيجارة .... سفة التمباك ... الخمر .... من مقللات أمد الحياة على الأرض. | الجيلى أحمد | 03-15-08, 11:27 PM |
Re: السيجارة .... سفة التمباك ... الخمر .... من مقللات أمد الحياة على الأرض. | الرشيد البصيلى | 03-16-08, 03:31 AM |
|
|
|