{ بس ما لقينا فيك كدة } شيوعيون لوجه الله !

Quote: بالنسبة لى كلام فتحى الضو واضح لا يحتمل التاويل ـ ومن حق الاخرين ان يشوفو تاويلات تانية ـ لكن كل ما كتبه في المقال لا يقود لما ترمى اليه. انا فهمت انو هو صديق للشيوعين و عند البعض شيوعى عديل، واهم ما في كلامو هو النقد القصير والعميق جدا ـ في نظرى ـ القدمو للشيوعيين و من مواقع الصداقة دى زاتا.

Quote: ده تفسيرى و فهمى للجملة القصدتها انتا و الحقتها ب Quote: الشيوعيون : تهليل .. تكبير .. جلاليات !!! لتحميلها غير ما تحتمل. و صحى الما بدورك "يهلل و يكبر و يجلجل ليك في الضلمة".

يعني يا عصام انت ما شايف التكبير والتهليل والجلالات دي ؟؟
ولا ما شايف التهليل والتكبير والجلالات دي ؟؟؟

Quote: و من حق الشيوعيين يفرحو و يهللو و يزغردو بي مقال زى ده من قلم زى قلم فتحى الضو ... انت موش قاعد تفرح بالثناء على الليبرالى؟ ده نظام حساده ليبرالية...

هو المقال شنو ؟؟ ثناء وزلا نقد عميق جدا ؟؟ يكمن في عنوان المقال وفي خاتمته ؟؟
بعدين اصلا انا ما بفرح للثناء على الحزب الليبرالي؛ افرح ليهو في شنو وانا اعرف عيوب الحزب الليبرالي زي جوع بطني ؟؟ انا افرح للنقد وافرح لاي مقترحات يمكن ان تؤدي لتطوير الحزب الليبرالي؛ ولو كتب عن الحزب الليبرالي مقال زي دا لاصابني الهم الشديد..

Quote: اها يا عادل ده شوف الزول الجاى يلقا حاجة تاكد حكمو المسبق الجايي بيهو. الحزب الشيوعى فيهو بالكوم ما يستحق الشوف والنقد وانت عارف، بس الشفقة الزى دى بتقود للتاويلات الزى دى، ما مهم وين و متين و مع منو.

يا زول حكم مسبق شنو ؟؟ انا سالتك تفسر لينا وتأول؛ باعتبارك من الراسخين في العلم (وما يعلم تأويله الا الراسخون في العلم) ؛ وبعد داك قمتا اتفقتا معاك ؛ بعد ما جرجرتك .. اها وين الحكم المسبق هنا ؟؟ ووين الحدر في الضلمة ..

وتحياتي ل"اهل الله" والشيوعيين "لوجه الله" ؛ (والرسول كمان وسيدي الحسن على رواية) .. عاد غيرهم في الحزب الشيوعي بقا مافي ..

(عدل بواسطة Abdel Aati on 02-27-2008, 12:26 PM)