|
Re: أشكر الله، أصدقـــــــائي وأحبــــابي (Re: Saifeldin Gibreel)
|
الاعــزاء .. أم وضـاح العزيزة .. تحياتي الشديدة ليك .. وواحشانا قوي .. تشكري على الكلمات الحلوة وفي انتظارك .. ليك تحيات معتصم .. سلامي الشديد لدكتور وضاح وللدكتورة .. ... ابوعســل العزيز .. تشكر يا صديقي وحمد الله على سلامة رجعتك، وطلتك البهية ـ مافي عتاب يا صديقي كما تعلم فقط مشاغل الحياة تجبرنا أن نبتعد عن اماكمن نحبها ونجد فيها كل البراح .. وكل ما نهوىـ اتمنى ليك كل التوفيق وربنا يحق حلمنا الواحد بوطن معافى يضمنا جميعا.. .. العزيز ود العباسية .. جــون ، تشكر يا صديقي وما تشوف شر .. .. العزيز صلاح واسبه .. شكرا يا صديقنا ويا حبيبنا على اتصالك المتكرر والسؤال والمتابعة .. كنت وانا في المستشفى تصلني الأخبار من الأخوان .. واصبحت متابع جيد للبورد بالاحساس عن بعد اسمح لي من خلالك أن احييي كل الأخوان والاخوات والزملاء الذين مروا من هنا حمد لله على سلامة تمبس يا جماعة طلع من العملية .... وادين لهم بالفضل الكبير أن جعلوا من تلك الأيام .. أيام لها وقع خاص بالذاكرة وستسجل في ذاكرتي من أيامي الجميلة في هذه الحياة تجدني ابادلهم جميعا الحب .. بالحب ودا شرف عظيم جدا لي يا صلاح أن اجد كل هذا الحب .. اشكرك .. اشكرك .. أشكرك يا صلاح.. دا التلفون : 966568371878+ .. العزيزة الوالدة حواء سليمان .. كلمات الشكر عاجزه أمامي شخصك العطوف . اشكرك لاتصالك المتكرر وسؤالك عن شخصي فغذا كنت انا افتقد لوالدتي واسرتي والكثير من أهلى واحبابي في هذا المكان كنتم أنتم اسرتي .. شكرا يا والدة لكلماتك،، ولرحابة صدرك الذي ضماني بحنان .. أتمنى ليك موفور الصحة وربنا يبعد عنك كل الأحزان .. .. العزيز بشاشــا .. طبعا عامل فيها ما ناقش حاجة وشابكنا أنا الأعور بقول ليهو اعور أو آمنت بأمون وبتاع .. يقولو ليك الزول دا عامل عملية تقول ليهم نورونـا .. طيب ما كان تسال آمون والله فعلا جلابي مستنكح .. شكرا يا بشاشا .. وما نجيك في شينه.. .. اشكرك يا صديقي الزاكي .. وربنا يباعد عنك كل شــر .. .. عزيزنا ابوبكر يوسف .. شكراجزيلا على كل ما كتبت هنا واشكرك احساس الاخوة في لمتنا الواحدة .. واشكرك أنك كنت معي حتى ولو بي حروفك .. واتمنى ليك موفور الصحة والعافية .. على الوعد أن التقيك قريبا بإذن الله .. .. العزير أحمد العمـار .. سلام يا اهل الدار وسعيد جدا بأأني اكون بينكم .. ما قصرتوا معاي يا أحمد في اي حاجة .. اتمنى ان اقدر ارد ليكم ولو الجزء القليل .. جدا. .. فتاق شنـو الجاك من بشاشا وتراجي يا بكــري .. ياخ اقول ليك انا قاعد اكتب ليهم بي يدي الشمـال .. ومرات بي اصبعي الكبير كمان .. إنت قايلني بكتب ليهم بي ( بطني ) .. تشكر يا منقه .. على متابعتك واتصالك .. وتشكر لكل الوفرتو لينا هنا دا والخلق لينا هذه المعرفة وهذا التواصل .. تخدمك السعادة .. .. العزيز سيف الدين جبريل .. تشكر يا صاحبنا .. وسعدت انا اكتر بي سماع صوتك اتمنى نتقابل في جناين ( الشيطة ) في الجزيرة الفي النص يا جمب الاصلاحية شوية .. اعمل حساب انو عازمك رحلة بحرية من حسع .. بكامل اكسسوارته.. .. ليك تحيات معتصم ..
| |
|
|
|
|
|
|
Re: أشكر الله، أصدقـــــــائي وأحبــــابي (Re: awad okasha)
|
السلام عليكم ورحمة الله وبركاته
اجمل تحية عبر اشراقات الصباح لاخونا تمبس
وما تشوف شر ،،، حمداً لله ع السلامة و منور المنتدى بوجود الراقي
لكـ مني خالص المنى و التحايا العطرة و الف صحة و عافية و نقول ليكـ
ما تشيل هــم
لك التحية مجدداً
| |
|
|
|
|
|
|
Re: أشكر الله، أصدقـــــــائي وأحبــــابي (Re: tmbis)
|
غايتو رجال الزمن ده !!! قالوا فى المثل الرجال ماتوا فى كررى تمبس بعد ما الناس نسو عمليتك دى تجى تزكرهم بيها تانى؟؟؟ هسع دى عملة والا (عملية تعملها) ان شاء الله واحده من البنات تسالك وتقول ليك كان عندك شنو؟ نشوفك بترد كيف.. شوف ليك زول اجرو يرد ليك... والله زمنا ..سؤال زى ده..السكين كان حدها العود...
| |
|
|
|
|
|
|
Re: أشكر الله، أصدقـــــــائي وأحبــــابي (Re: عبده عبدا لحميد جاد الله)
|
الأعــزاء .. استاذنــا حيدر قاسم .. تشكر وتسلم من كل شـر ربنا يديك الصحة والعافية.. .. عوض عكاشة .. كيفك يا حبــوب ..؟ الله يسلمك ما ملاحظ انك طولته ..؟ .. حاتم تاج السر .. كيفك يا صديقي ..؟ الف شكر ليك .. ولولا زحمة العمل كان وفينا بوعودنا السابقة؟؟ في انتظار ما ياتي من طرفك .. .. تماضر الخنســاء .. تشكري يا طم طم .. الله يديك العافية .. .. عماد عبد الله .. يا شفت لو عندكم حفلة قريبات دي .. انا جاهز بس ظبط عشاء الفنانين والاكسسوارات للعازفين وكدا .. تسلم يا صاحب .. وكويس انو سمعنا صوتك من خلال (الفتقه) دي. .. العزيز عماد محمود .. تشكر يا صديقي .. زيارتك لي وانت ما زلت تتماثل للشفاء جميلم ا انساه ليك .. ربنا يواليك بالعافية .. وإن شاء الله الصحة بمب واسمع كل جميل عنك .. .. صديق المــوج .. يا بوحيدر .. يا بوحيدر ..هذا خبر فــاسد ، .. الحملات المنظمة لاغتيال شخصي الضعيف من خلال ترويج اشاعات كاذبة .. كان مصيرها الفشل .. والله نحن الواحد من شدة ما اصلي .. بس خليها ساكت .. يا مووج .. عليك الله زمان لما كان بسالوك .. كنت بترد بي شنــو ..؟ كنت بتقول ليهم (باص واللا مربوطة ) يا معفــن. .. بلقيس .. الله يسلمك ـ بلاي بعد العملية دي الواحد بقى ضعيف جدا زي التقولي عامل ليهو ريجيم .. .. نــاهد علي .. الف شكر .. ربنا يديك الصحة والعافية وما تشوفي شــر .. .. تشكر يا عبده عبد الحميد .. ما عدمتك يا صاحب..
| |
|
|
|
|
|
|
Re: أشكر الله، أصدقـــــــائي وأحبــــابي (Re: إيمان أحمد)
|
الاعــزاء .. نــاذر الخليفة .. (1) شبع يعني واللا شنــو..؟ (2) اهــا عملت البتاعه واللا لسـه ..؟ عشان افتح ليك بوست .. .. تشكر يا ابو النيز .. وما تشوف شر يارب. .. بلاي يطرشك يا رشــا حاتم .. دي مكنتك يعني ..؟ قالو ليك الزول دا عيان .. وعامل عملية .. اتحركي رسلت ليك اي حاجة كدا .. .. عبد الله كــع .. سلامات ومراحب ـ اقرب لمة لبورداب الرياض أجمل مكان ممكن نتلاقى فيهو .. في انتظار شوفتك .. شكرا جزيلا .. .. نهــا ابوراس .. تشكري يا نهــا .. وما عدمناك يديك الصحة والعافية .. .. نور الدين الفحل .. مرحب بيك جوه الشبكة يا حبيبنا .. بوست قفشات البنج دا حالة خاصة جدا .. وانا لسه ما رجعت للشرامة ديل لكن شوف ح اعمل ليك فيهم شنـو .. طبعا لقوني ضعيف وقتها .. لكن حسع دي انا فضيت ليهم .. عندك فكرة الفـورة كم ..؟ .. تسلم يا حاج أحمد .. ربنا يمتعك بالصحة والعافية .. .. مي بت الاسيد .. الف شكر .. وما تشوفي شــر إن شاء الله .. ومرحب بي جيتك. .. د. إيمان أحمد .. تشكري ياصديقة يا طيبة .. ربنا يطمنك ويبعد عنك كل نكد الحياة .. تذكري دائما لحظات اليأس قليلة يجب أن لا ندعها تسيطر علينا.. ممنون ليك..
| |
|
|
|
|
|
|
Re: أشكر الله، أصدقـــــــائي وأحبــــابي (Re: tmbis)
|
علاءُ الدِّين " تِمْبِسْ " ..
أهْلاً بِكَ وبالجمالِ حيثُمَا
حلَّ وارتَحَلْ ،
ومَرْحَباً بعوْدِتِكَ منْ جديدْ ،
ولقد سُررْتُ جدَّاً بمقابلتِكَ
ومعرفَتِكَ هُنَاك ..
وأتَمَنَّى لكَ على الدَّوامِ
مَديدَ صحةٍ
وموفورَ عافية ..
ولكَ التَّحايا جِبَالاً
ولكَ الوُدُّ أبْحُرا ..
احترامي ..
أخوك / محمَّد زين ...
| |
|
|
|
|
|
|
Re: أشكر الله، أصدقـــــــائي وأحبــــابي (Re: عبد الرحمن الطقي)
|
Quote: قالوا فى المثل الرجال ماتوا فى كررى |
هديلاكـ يا صديق عملوا بمبدأ.. أصنع جميلاً وأرميهو البحر.. إذا تجاهلو السمك.. الله بيحفظو..
تمبس:
الأكثر فقراً لا يستبدل صحته بالمال.. ولكن الأكثر غني زي البرجوازي صديق الموج يدفع كل ماله..
الصحة تاج يا أهلنا..
| |
|
|
|
|
|
|
Re: أشكر الله، أصدقـــــــائي وأحبــــابي (Re: nadus2000)
|
Quote: بعدما باءت جهود التيم العامل معاك بالفشل في رصد النواحي الفنية المتعلقة بي البنج وكدا .. اعلن عن حصولنـا عن ملف تسجيلي من داخل غرفة العمليات تم تسريبه ويناقش بعض المواضيع الحساسة تدفعي كم ونرسل ليك نسخة منــو |
انت تدفع كم وانا ارجع ليك نسخة الملف الاصلية ..؟؟
لانو النسخة الاصلية كانت على الهواء مباشرة ياحبة وانت كنت عامل فيها ما واعى
نسيت انو نحن كنا متابعين اول اول .....
| |
|
|
|
|
|
|
Re: أشكر الله، أصدقـــــــائي وأحبــــابي (Re: Amira Elsheikh)
|
Quote: انت تدفع كم وانا ارجع ليك نسخة الملف الاصلية ..؟؟ لانو النسخة الاصلية كانت على الهواء مباشرة ياحبة وانت كنت عامل فيها ما واعى نسيت انو نحن كنا متابعين اول اول ..... |
يا اميرة الشيخ: الكلام دا بدينك .. لانو دا ترويج واشتراك في محاولة اغتيال الشخصية التي اتنظمت جهات متفرقة من العالم .. وما يثبت صحة كلامنــا أنو خطوات الحرص التي تمت من جانبنا كانت عالية السرية (بمكان) واستخدمنــا عدة برامج غير متعرف عليها حالياً .. من ضمنها برنامج شهير سأقوم بطرحـه قريبا في الاسواق .. لأصحاب القلوب الخفيفه البرنامج اسمو .. ( يا قلبي .. لمهـا قدرما تقدر ) .. تتلخص فكرة البرنامج في التشفير التلقائي لي اي بيانات تحاول التسرب بي فتحة (الفتــاق) قبل وبعد الرتق .. من خلال قفل الثغرات الخارجة من الدماغ من خلايا (الفت) .. معدل ضخ (البنج) في الجسم وفقدان الاحساس ومن ثم الهزيان .. من ضمن العوامل المساعدة التي تعمل على تحسين جودة المنتج .. يعني بالواضح كدا يا اميرة .. شفرنـا اي حاجة جوة .. شفتي انوار غرفة العلمية المخيفات ديلاك .. ديل كانو آخر شهود قبل البنج .. دا بالاضافة لي (الفلبيني) و(الفلبينية) الكانو معاي لي آخر لحظة حتى لحظة التفويق وما تم بعده من اجراءات روتينية .. لحدي ما جا استلمني معتصم من الحتات الغريبة الكانو خاتيني فيها دي الفلبينين اكدوا (دغالتي) .. وجودة ما انتجته من برنامج تشفيري .. خاص بملفات ( الفت ) اي كلام يقولو معتصم لا اساس له من الصحة .. ولا يعتدى به لانو معتصم زاتو كان في فتيل كدا قاعد جوه الغرفة قبلما اطلع من العملية .. بعدما طلعت لقيت الماده الفيهو مافيشة .. مش احتمال صاحبك دا يكون ضرب البتاع دا .. وهو زاتو يكون راح فيها .. على العموم في حال وجود اي محاولة للهجوم .. سنستعمل آخر نسخة من الحديث المباشر معاك قبل الدخول لغرفة العمليات بخمسة دقايق .. وما جاء فيها من كمية بتاعت تخويف وارهاب وابتزاز لي زول مفترض انو يكون في اللحظة ديك خايف .. لكن نحن ما قاعدين نخاف .. وزي ما قلنا ليكم قبل كدا .. الواحد كان شرب ليهو برميل كامل بتاع بنج ما بيمشي فيهو .. وإذا عدتم عدنــا..
| |
|
|
|
|
|
|
Re: أشكر الله، أصدقـــــــائي وأحبــــابي (Re: nadus2000)
|
الأعــزاء .. محمد زين الشفيــع .. بالرغم من أنو اول مرة الواحد يشوفك مربوط بي يوم مرعب جدا .. يوم العملية .. بالرغم ما اني ح ادين لي الخوف دا بي فضل عظيم انو لاقاني بيك .. تشكر يا محمد زين علي كل شئ .. وتحياتي لاصدقائي الصغار .. .. عبد الرحمــن الطقي .. الحمد لله على نعمة العافية .. ومرحب بيك "والجايات اكتر من الرايحات" .. تشكر .. وما تشوف شر إن شاء الله. .. عبد الرازق الطالب .. الظاهر لي كلامك كلـو حكم يا رزقـة .. بس طبعا عارف اخوك ما بيفهم في السريالية دي .. لكن مبدئيا كدا يازول معاك طوالي في اي حاجة والرهيفة التنقد .. محمد الطيب حسن .. سلامات .. وبركة الجيت .. بعدين عماد عبد الله الايامات دي لا يعتدى بي كلامـو انا القدامك دا مختلف معاهو فكريا لي فترة .. تشكر يا صديق .. وما تشوف شــر. .. الله يسلمك يا د. معز .. وشكرا للزهور والورد ..وعارفك ما بتقصر يا بروف .. ما تشوف شر إن شاء الله .. .. نــادوس العزيز .. الحمد لله المسالة كانت فوق شوية .. وما دخلت اللحم الحي .. ربك ستر وجات صلاخية .. تشكر يا صديقي وما تشوف شر ..
| |
|
|
|
|
|
|
Re: أشكر الله، أصدقـــــــائي وأحبــــابي (Re: انتصار محمد صالخ بشير)
|
استـــاذ ابو بكــر سيد أحمد سلامات .. اشكرك شديد على المرور وعلى كلماتك الطيبة .. وفرصة عظيمة انو التقيك هنـا .. سمعت ليك اعمال كتيرة جدا .. إنت مكسب بالجد .. خليني قعدما افضى من الحاجات الحواليني دي واكيد بيناتنا كلام كتير .. ..
الأخت العزيزة انتصــار محمد بشير .. أول حاجة الف شكر .. وربنا يديك الصحة والعافية .. متاسف جدا على اني ما رديت ليك كان الجوال بيكون بعيد جدا مني يا الصوت موضوع في الصامت ..وجدت ارقام كتيرة جدا معظمه من خارج السعودية وكنت بكون حريص جدا اني ارجع اتصل بيها أو ارسل ليها رسالة .. الكتير من الارقام ما كانت في استجابه منها لانو يظهر طريقة الاتصال او استعمال الكروت من غير الاتصال من الهاتف المباشر دا السبب .. اشكرك يا انتصار .. وأجيك في ساعة خير إن شاء الله .. وإن شاء الله ما تشوفي شــر، تحياتي للصغير ولكل الاسرة ..
| |
|
|
|
|
|
|
Re: أشكر الله، أصدقـــــــائي وأحبــــابي (Re: Mahmoud Mustafa Mahmoud)
|
الأعــزاء .. صديقي العزيز كبـر .. متعك الله بالصحة يا كبـر .. ومشتاق ليك شديد.. .. محمد علي طه المك .. الله يديك الصحة والعافية .. وما يحرمنا من جمال طلتك.. .. دكتــور مصطفى محمود .. تسلم يا صديقي .. ومعاك للطيش في بوست أفراح .. بعدين حاول كدي نزل لينا حاجة .. زي بتاعت المرة الفاتت بتاعت التلفون ديك .. ما ملاحظ إنو المسالة محتاجة لي دهشـة شوية كدا.؟
| |
|
|
|
|
|
|
|