|
|
 Re: لندن تشجع علاقات أفضل مع البشير لحل أزمة دارفور!! (Re: jini)
|
جنى ازيك وانشالله الاسرة كلها بخير
عارف ياجنى الدول الغربيه دى كلها ماتسمع حكايه دعم حقوق الانسان فى الدول الاخرى والاهتمام بها ده كلو كلام ساكت
خاصه الدول التى مرتيطه تاريخيا ومعروف عنها استعمارها للدول الاخرى ديل عندهم مصلحتم فوق كل شى ويبعو ويشترو
فى حكايه قانون حقوق الانسان الهو مجرد زريعه لاستعمار جديد .
فى خلال السنوات الماضيه كلها والى الان لم تتغير العلاقات السودانيه البريطانيه بالعكس العلاقات الثنائيه بيناتم
احسن الف مرة من قبل نظام البشير فى عز الوقت الكانت بريطانيا بتهدد مع امريكا بالعقوبات على السودان وعلنيا
تدين وتشجب مايحدث للمواطنيين كانت تقدم له المنح والدعم سرا عن طريق وزيرة التنميه ودى حاجه كشفا عضو من المجموعه البرلمانيه المختصه
بالسودان فى البرلمات البريطانى وهى كانت متبنيه الخط المنحاز لااهل السودان داخل البرلمان والمجموعه بدات بعضويين
وزاد العدد بفضل جهود المعارضه السودانية الى ان وصل الى 23 وعشرين عضووعضوة وكنا نجتمع معهم بصورة ثابته شهريا وفى حاله الامور المستعجله تتم جلسات طارئه فى هذة الجلسات كان يحضرها الوزراء المختصين فى وزرات لها صله بالشاءن السودانى ليتم مناقشتهم فى الشان السودانى من اعضاء المجموعة وقبلنا ، والله بدون مبالغه الدعم القاهو نظام البشير منهم ماظنيت فى حكومة سودانيه لقتو ذى ماقلت بدات بعد كده تتكشف اشياء كتيرة خفيه علينا بتصدق انو فى تدربيات للشرطه والاستخبارات والاجهزة الامنيه الاخرى بتجى بصفه دوريه للتدريب هنا وغير الفرص الكثيرو الممنوحه للنظام فى مجالات مختلفه ، اتخيل لمن كان الكلام عن حظر السفر للمسؤلين السودانيين بريطانيا عادى جدا كانت بتديهم فيز للدخول .
وده الخلا الناس لجاءت الى وسيله فتح البلاغات عليهم لعدم مقدرة الحكومه البريطانيه تقديم اى شى لهم فى حالة كان
يوجد امر قضائى خلاصه للموضوع كلامك انت صحيح ماممكن حكومة لندن تقعد تتفرح على فرنسا وتسمح ليها انهاتتمد داخل ماتعتبره
هى حقوق قديمه ومشاريع جديدة لها فى السودان وبالرغم من انو فى بعض من هم فرحين بتدخل فرنسا فى تشاد الاخير الا انو تاثير
التدخل ده هيكون فى مصلحه النظام السودانى وخصما على دارفور لما هو معروف للجميع مابين فرنسا وبريطانيا وفى نهايه الامر
اتاكد من حاجه هو انو فرنسا نفسها لمن تلقى انها هتخسر تاكد انها برضو هتقدم مصالحا الخاصه على اى قضيه تحرر .
تحياتى جنى تسلم يارب
|
|
 
|
|
|
|
|
| |
ماجدة عوض خوجلى
فيس بوك
تويتر
انستقرام
يوتيوب
بنتيريست