object width="425" height="355">" />
object width="425" height="355"> />
ده شنو يا عوض الكريم عبدالله يا رزين وتقيل!؟ ده شنو يا عوض الكريم عبدالله يا رزين وتقيل!؟
ده شنو يا عوض الكريم ما خليناك زول تقيل ورزين بتغني الحقيبة الصاح وكنابنموت فيك وبقيت اخر العمر تغني في ( راجل المره وفكيهو عكس الهوا... بشربو الليمون)! افكك ان شاء الله من ناطحة سحاب .... ما تركز يا زول وخلي البتبتة دي! ده غنا ناس حمادة البت....علي بالطلاق ما بشبهك ولا بشبه شلاخك ديل ومركوبك النمر وخاتمك الكبير,,,اركز اااا زول وغني للوطن بدل البهدلة دي!
LOOOOOOOOOOOOOOOOL يا هشام ديل ناس الهيلاهوب عملوا شرايط كتيرة زي دي في نفس الكود الفوق ده في واحده لود اللمين بغني البنسلين ياتمرجي و سلاح (صلاح)شايل السلاح وتراح تاح ياخي معقول ود اللمين يغني كلام فارغ زي ده? في شريط برضو في نفس الكود لـ ول إسمث مدبلجنوا للعربي. أسمعوا. الشغلانية كلها دبلجة ممكن تكون ( فن ) بس محتمل الأساتذة ما يهضموها.
01-29-2008, 11:43 PM
هشام هباني هشام هباني
تاريخ التسجيل: 10-31-2003
مجموع المشاركات: 51298
* * الأخ هشام لك تحياتى والأسرة ،،،،،،،،،، ما أوردته أعلاهـ ليس صوت الفنان الهرم عوض الكريم عبدالله أبدا .. أبدا فعوض الكريم إبن منطقة الحلاوين لا يمكن أن يكون كذلك . ومعروف عنه حبه الدائم للأشياء الثمينة و الجيدة و المسبوكة سبكا حتى فى لبسه و طريقة أدائه والتى يظن كثيرون أنه متكبر و متعال فيها وهو غير ذلك . وهو احد رواد فن الغناء الشعبى و الحقيبة المجيدين و تقلد أيضا رئاسة فن الغناء الشعبى بالسودان لفترة من الزمان . وقد كنت بصدد فتح بوست خاص بفنه للتوثيق بعد الإنتهاء من التوثيق للراحل المقيم المبدع المسكون البروف بادى محمد الطيب . ولكنى سأقوم بإنزال أغنية أو أثنين للفنان عوض الكريم فى اللحظات القادمة.
وأقول أخيرا للأخ الفنان أنور عبدالرحمن (أبوغيدا) ما هذا العبث .
01-31-2008, 08:29 AM
هشام هباني هشام هباني
تاريخ التسجيل: 10-31-2003
مجموع المشاركات: 51298
والله غايتو كان دي منتجة ودبلجة تكون فرحتني! لكن بيني وبينك في السودان السجمان الايام دي كل شيء جايز! ربنا يوفقكم في انجاز هذا العمل التوثيقي بهذا الفنان الجميل والله اكضب الشينة!
01-31-2008, 02:24 PM
هشام هباني هشام هباني
تاريخ التسجيل: 10-31-2003
مجموع المشاركات: 51298
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
فيس بوك
تويتر
انستقرام
يوتيوب
بنتيريست