كشاب سوداني، أدعم إلتحاق بشرى الصادق المهدي بجهاز الأمن والمخابرات الوطني

Quote: يعجبني حشرك للصادق المهدي في هذه الجزئية بالرجالة كده الزول ده أرحمو شوية يا عادل...ميّل على مولانا الميرغني شوية

يبقى يا اخوي حكاية يسوق ركشه وامجاد دي اصلا لا ترد له على بال لانهم خلقوا
ليحكموا كما قالت السيده سارة الفاضل.


اها الحكم الكايسين ليه ده يا ريتهم استعدوا ليه ولو فكريا.
يعني قدر علم ابوهم هم بقى ما عندهم,يعني ايه يعني قرأ كلية حربيه بمصر؟؟؟؟
ولاحظ عقم الفهم ناس بعد ابوهم قرأ في بريطانيا ولا اعتقد قرأ كلية حربيه
للاسف زي بقى في دواخله بيخاف من العسكر ففرض العسكريه على ابنائه!!
يعني واحد عسكريه في الاردن وواثنين عسكريه في مصر
وما اتفه عسكرية الاردن ومصر على افق الانسان
يعني احنا ناقصنا ضيق افق عشان كمان نستورده؟؟؟

يا اخي القرايه في الغرب بتصلح امور الزول
يعني لما يحب يكنكنش في السلطة زي المرحومه بنازير بوتو بيكنكش فيها بطريقه فنانه
تخلي تبكي الدكتاتور و الفاسد عند موته,يعني احنا ما رافضين يحكمونا ويطلعوا زيتنا
زاته لكن خليهم يلموا باصول تطيلع الزيت زي ابوهم.


ثاني يا غالي ما تسمع كلام ناس السر ديل وبقية الشباب
الزول ده مش حزب امه وبس وخليفه للصادق كمان وتشوف الكلام ده براك
ولو ماعمل اي حاجة ماضيه خطوته هذه بمثابة القفز بالزانه لاعلى مستويات
القرار الاسري وحتشوف براك وبكره تقول تراجي قالت لي.


المهم يا عزيزي
يقفزوا بالزانه او يقفزوا بالسلم الكهرابائي ذاته خليهم يمشوا يشوفوا ليهم
مكان يفزوا فيه,نحن الناس ديل انتهينا منهم في دواخلنا خلاص.
وحننتهي منهم في دواخل غبشنا كلهم باذن الله.


حزب الامه عايز يلمع اعضاء من غير هذه الاسرة فاليفعل
لكن وحياتك خلاص زمانهم فات وغنايهم مات.

وحتى الخط الثاني من من يسمون انفسهم اشراف
والكلام لكم يا المنططين عنيكم ..آخير تعرفوا انه
لن يصعد على اكتاف شعبنا اي من المتمسحين بمثل هذه الالقاب.
ولن نستبدل سيد بسيد آخير يطوروا قدراتهم وينكربوا سمح
مع الغبش وكل زول يمشي يفتش بيته ومزارعه ويحرر العبيد السمتغفلين باسم الدين
وناس مندي عبد الكريم قبل ما يفكر في التصعيد الاعلامي لاسمه.


لانه في ظل التكنلوجيا والتطور الاعلامي آخير
يعرفوا انه لن تظل هنالك اسرار كثيرة.
ومابعيد يلقوا صور الناس الزي مندي عبد الكريم منشورة هنا قريبا.

(عدل بواسطة Tragie Mustafa on 01-18-2008, 06:28 PM)