تشاد والسودان: تهديدات وسط دوي المدافع وأزيز الأنتنوف .. أهي الأخيرة؟

Quote: كلام أخونا ملامح دا لو كان قالوا زول أغبش من عامة الناس لا حظ له من التعليم والوعي السياسي والإجتماعي ما كنت حأقيف عندو خالص .. عاشرت كتير من السودانيين من النوع ده .. النوع الأول ما يعرف إنك تشادي يشبكك حسين هبري ده كان صحبي وكان بيتسلف مني .. والبيقول ليك إدريس ديبي لاقيته في المواصلات كتير وكنت بدفع ليه .. ولا اليقول ليك الوزراء التشاديين ديل كلهم من سكان الحاج يوسف ولا كانوا ببيعوا ترمس في سوق ليبيا .. المصيبة الأكبر إنو الكلام ده أحيانا بيجي من ناس مثقفين والله .. أنا أقدر جدا غضب أخونا ملامح البيتكلم من منطلق مواطن غيور على بلده ضد دولة معتدية.. وأدين معاه وأشجب هذا التدخل السافر لتشاد في شئون دولته الداخلية.. وأتفق معاه أن ديبي وصل السلطة بدعم مادي وعسكري ولوجستي سوداني.. لكن فات على ملامح أن هذا يعد أيضا تدخل في الشئون الداخلية للدول.. وكان على ملامح إدانة ذلك قبل أن يصب جام غضبه على تشاد والتشاديين .. فنفس هذا الموقف الذي يرفضه الأخ/ ملامح من ثبل النظام التشادي نجده مفاخرا به عندما يتعلق الأمر بمساهمة السودان في تغيير النظام التشادي.. كل الذي أرجوه أن نكون موضوعيين في أطروحاتنا .. جميعنا يرفض الحرب ويعشق السلام .. فلندين المواقف الخاطئة أيا كان مبتدرها..