|
|
|
 Re: فكونى مافى زول يمنعنى !! (Re: نهلة عمر)
|
نهولة الحبيبة
Quote: الحبيبة ناديا
و هل يخفى القمر |
يازولة انتى القمر والله ولسانك زى العسل وتسلمي يارب قولي امين
Quote: لكن تقولى شنو فى الطرطشةو عدم التركيز
لك العتبى |
يازولة مابينا وزي ماقلت ليك اسم ندي بحبو اكتر من اسمي كمان
و
ممكن تناديني نهلة لانو برضو بحب الاسم ده  
و
فكى ياخ
| |
 
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
Quote:
نعم رحل عنى شريكى من عام ونصف العام وكنت ابكى موته والان صرت ابكى حياتى عندما تضيق بى الوسيعة وافشل فى التجاوز لرحابة البدايات الجديدة فعفوا ان اشعرتك بالهم معى !! |
ناديه النديه
والله لكن نفسياتك تجنن اريته نفيساتي ياخي نططي وادردقي هنا زاتو لو عايزه
ومافي زول بمسكك
نفسيات زي دي مفروض يدوها جائزه افضل نفسيات
| |
|
|
|
|
|
|
|
|
|
Re: فكونى مافى زول يمنعنى !! (Re: nourelhadi awad)
|
صباح الهيير
| Quote: كلامكم ده هو الدافع الحقيقى لى عشان اتجاوز محطة (قنب.. وين دى هى )؟!! |
محطة قنب دي في الجزيرة ..كنا زمان ايام الكلية بنبدأ منها الايام العلاجية ونتوجه الي قري الحلاوين
بعدين رسخت في الراس لانو اسمها قنب لكن مافيها مكان يقعدوا فيهو
!!
خلاص ياستي ....فكيناك لله والرسول
| |
|
|
|
|
|
|
|
|
|
Re: فكونى مافى زول يمنعنى !! (Re: عبد العظيم احمد)
|
| Quote: الاخت الغالية نادية القصيدة من وحي البوست |
الأخ العزيز عبد العظيم
والله سعيدة جدا عشان ميلاد القصيدة الحنينة دى كان من وحي الهام هذا البوست العجيب الملئ بالمتناقضات ضحكا وبكاءا وعويلا .. ثم جنونا وتعقّل !!
خليك قريب فلوجودك طعم الطمانينة
سمح؟
| |
|
|
|
|
|
|
|
|
|
Re: فكونى مافى زول يمنعنى !! (Re: Safa Fagiri)
|
الغالية جدا صفاء فقيري
Quote: الدنيا تحلى
صعابا ساهلة |
وبتروووووق بتررررروق وتحلاااااااااااااا
Quote: اصنعي من
الليمونة
الحامضة
شرابا لذيذا ... |
الليمون شطّب بطيخ كيف
انا اقايتو سمعت بالسرليون لكن الشئ القلتيهو ده يخربنى ماسمعت بيهو
| |
|
|
|
|
|
|
|
|
|
Re: فكونى مافى زول يمنعنى !! (Re: nourelhadi awad)
|
nourelhadi awad
Quote: طيب حاولي غني أي حاجة
ان شاء الله دجاجي يلقط الحبة
أو مرة جربي جازفي عومي
مالازم بحر
ممكن جوى صورة وبلليها
ولو مالقيتي تلبي جوة المرايا
واللا أقولك أنس كل الكتبتو فوق
بس عايزك تفتكري إنك
سمحة دايما ولو جوة حزنك
ولو نفكك
دا بعدك
نبقى عوره( من عويرين)
.....
كل سنة وانتي طيبة |
عارف يانور ؟
لو الدنيا دى فيها مائة وخمستاشر زيك كده بقلوب نقية وطيبة كده والله ماكان بكون فى شر كتير فى العالم ياخ !!
أفرحتني مداخلتك حد البكاء والله
و
فك
خلينى أفرح
| |
|
|
|
|
|
|
|
|
|
Re: فكونى مافى زول يمنعنى !! (Re: Abuelgassim Gor)
|
الاستاذ العزيز أبو القاسم قور
Quote: هذه قصة قصيرة كاملة
بها صدق .سنامها (فكونى مافى زول يمنعنى ).وأنا على يقين تلك هى القفلة المناسبة. نحن هنا أشبه بمشاهدين داخل مسرح فى لحظة (فكونى )هذه بالذات أسدل الستار بسرعه فائقة . هكذا يتلفت الجمهور ، متسائل ، ماذا سيكون مصير هذه الشخصية ؟؟ القصة درامية ان كنت تقصدين أم لم تكن تقصدين ذلك. أهم شيئ الصدق داخل القصة . بطل قصتك هو الصدق |
أقول ليك على حاجة ؟!!
أنت حصل قريت لي هنا بوست بعنوان (الولد الغياظ) ؟!!
اها لو ماقريتو بتلقاه فى مكتبتي بهناك .. المهم انو فكرة البوست ده فى الأصل كانت زي فكرة بوست الولد الغياظ يعنى مجموعة قصص قصيرة على شاكلة هذه التي حللتها عاليه .. لكن فهم بعض الاهل والاحباء والاصدقاء هنا انها حالة قد اعترتني أنا شخصيا فطفقوا يدثروننى بدفء مشاعرهم النبيلة بحب ونقاء كعادتهم فصار الأمر الى ماصار اليه كما تري .. وبالفعل أنا مازال بداخلي حزن وهم فكان لوقع كلماتهم الطيبات اثرها الطيب فى نفسي وامتلأ البوست بشتي العبارات الحكيمة والانسانية النبيلة وجنح حينا الى البكاء وحينا الى الغناء وحينا الى الابتسامة تماما كما الحياة نفسها فشكرا لانك ستعيد البوست الى مساره وكن متابعا فسأكتب قصصي القصيرة المستوحاة من الخيال ومرارة الواقع التى تنتج قصصا وشعرا !!
وعيدك سعيد يارب
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
الأخت الأستاذة نادية
السلام عليكم وكل عام وانت بألف خير،،
نشعر معك بالألم. ولكن يجب أن لا تدعي الشيطان والهواجس تنفد إليك من باب الحزن.
أفضل ما سمعت في "فقه العزاء" أننا نحزن على من نودع لأننا نجهل مصيرهم. ولكنهم بالقطع في حال أفضل منا. أو هكذا نطمع.
الدنيا كما يقول السلف سجن كبير. والأموات من الأبرار هم الأحرار وملكوت ربك أعظم من الدنيا بما لا تعلمين. ندعو الله للفقيد الرحمة وبدعواتنا سيسري هو بإذن الله في ملكوت ربه من درجة إلى درجة ومن بهاء إلى أبهى بإذن الله.
وتذكري قوله صلى الله عليه وسلم في ما معناه :
" إذا مات ابن آدم انقطع عمله إلا من ثلاث صدقة جارية أو علم ينتفع به من بعده أو ولد صالح يدعو له "
أما أنت - في خويصة نفسك - فتذكري نعم الله الاخرى عليك. وعندها ستهون عليك مصائب الدنيا.
أرجو أن أكون قد ساهمت في "فكك" من الهواجس. وبالله التوفيق.
.
| |
|
|
|
|
|
|
|
|
|
Re: فكونى مافى زول يمنعنى !! (Re: abdelwahab hijazi)
|
abdelwahab hijazi
| Quote: ندعو الله للفقيد الرحمة وبدعواتنا سيسري هو بإذن الله في ملكوت ربه من درجة إلى درجة ومن بهاء إلى أبهى بإذن الله. |
اللهم اجعل هذه الدعوات الطيبات جدا من نصيب محمد ابو ايمان له الف الف رحمة ونور بقدر ماكان رجلا نبيلا جميلا كريما طيبا يارب
وتسلم اخى عبد الوهاب وجعل الله ايامك جميعها سعادة وحبور يارب
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
منقول من نجمة اصحاب كول...
بكت عيوني.. آلام الفراق..
فردد قلبي الحزين باحتراق...
كيف للقلب أن ينساكم...
يا من في الفؤاد سكناكم...
فضرب لي موعد مع الفراق..
فكان الحزن الآت....
فقال لي الفراق...
ما بال هذاالقلب بالحزن قد مات؟!!!
فحاولت أن أتكلم..
أو أفسر ذلك الحزن العميق..
ولكن هيهات.. ثم هيهات!!
وفي غمرة من السكون والوجل..
سمعت همسات و احتفالات!
أتعلمون لمن هذه الاحتفالات؟؟!!
إنها احتفالات المآقي بالدمعات!
فتراقصت الدمعات.. على شفاه هجرتها البسمات..
فاختلطت الآلام بالدمعات..
فكانت حرة الزفرات..
حاولت أن أتكلم..
حاولت تفسير ذاك الشعور المؤلم..
حاولت أن أعبر للفراق..
عن ألم اجتاح الفؤاد!!!
ولكن مااستطعت...
فجائتني حروف الفراق...
الألــــــــــــف..
آه.. آه.. آه
من القلب أبثها..
ومن الروح أرسلها..
ومن الوجدان سطرتها...
أنتم يامن في القلب حللتم...
الـــــــلام...
لامتني نفسي لفراقكم...
ولامتني عيوني لرحيلكم...
ولامني القلب الحزين لغيابكم...
أنتم يا من في القلب حللتم...
الفــــــــاء...
فارقتكم وقلبي أسيركم...
فارقتكم وعيوني تبكيكم...
فارقتكم وما نست شفاهي اسمائكم..
أنتم يا من في القلب حللتم...
الــــــراء...
رميتم قلبي بسهم من الأحزان..
فاستقر سهمكم في صميم الوجدان...
فبكى القلب على ذكرى من كان...
أنتم يا من في القلب حللتم...
الألـــــــف..
أتت مرة أخرى!!
لتؤكد ألم الفراق..
فآه.. ثم آه... ثم آآآآآآآه..
لقلب حلف ألا ينساكم...
أنتم يا من في القلب حللتم...
القـــــاف...
قلبي الحزين سيظل يذكركم...
وقلمي المتألم سيظل أسير ذكراكم...
فاختلط دم القلب... بمداد القلم ليذكركم...
أنتم يا من في القلب حللتم...
وفي نهايةالمطاف..
بكى الفراق...
حزنا علي...
وقال:
لابد.. لابد.. لابد... من فراق الأحبة
| |
|
|
|
|
|
|
|
|
|
Re: فكونى مافى زول يمنعنى !! (Re: haider osman)
|
haider osman
Quote: وفي نهايةالمطاف..
بكى الفراق...
حزنا علي...
وقال:
لابد.. لابد.. لابد... من فراق الأحبة |
وجعي من فراق الاحبة!!!
شكرا نبيلا لهذا الدفق الحميم جدا رغم زفرات الروح وحرقتها وجعا من نار الفراق !!
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
العزيزة ناديااااااااا
الحزن .. الدبرسة .. الهترشة
كل واحد بجيب التاني معاهو
بعدين رفقا بنا .. البوست ده من أمس يودينا شمال ويرجعنا يمين
مرة نضحك .. ومرة (ما نضحك)
دبرستي بينا في العيد
قاتل الله الحزن ..
الله يفكنا كلنا
كل سنة وإنتي طيبة
| |
|
|
|
|
|
|
|
|
|
Re: فكونى مافى زول يمنعنى !! (Re: Manal Mohamed Ali)
|
Quote: الجميلة ناديه
ابكي واحزني.. فالحزن هو من الاشياء الحقيقية القليلة في هذه الدنيا..والحزن هو ما يصقل الروح ويعلو بها
منال |
منال سلامات يازولة وشنو من ديك وعيييييييك انتى وين ياخ الكرت بتاعك مافيهو رقم تلفون موبايل والارضى بدخل فاكس طوالى !!
| |
|
|
|
|
|
|
|
|
|
Re: فكونى مافى زول يمنعنى !! (Re: محمد عبد الماجد الصايم)
|
ود الصايم اخوى الغالي سلامات
Quote: بعدين رفقا بنا .. البوست ده من أمس يودينا شمال ويرجعنا يمين
مرة نضحك .. ومرة (ما نضحك) |
هو ده اصلو بوست ولا مرجيحة ياخ
زى مابتعمل فينا الدنيا يامحمد ونحنا نعاين ليها ساى ولا نقدر نقول ليها بغم الله غالب عاد موش نحنا ضيوف عندها الدنيا بت الحلال دى 
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
العزيزة نادية عثمان .. كثيرآ ما جلست أتأمل مسيرة الحياة .. وطفقت احسب ارباحها ونواغصها .. حسبت عدد السويعات التي تمتعت فيها عيناي برؤية الأعزاء والاحباب من والد وولد وأخوان واخوات واصحاب واحباب فأهز رأسي عندما أجد أنها نسبة ضئيلة جدآ من العمر .. حتي لو كنا معهم وبينهم !!.. لا نستمتع بفرصة القرب منهم وهم معنا وبيننا .. قارني ساعات القرب والوصال مع ساعات وليالي وسنين البعاد في الغربة والمهاجر !!.. مع أن الناس علي قيد الحياة !!! .. ذلك الغم يخففه بعض الأمل في اللقيا ولو بعد سنين !!!..
ولكن الغمة الكبري نحس بها عندما يكون الغياب ابديآ !! .. إنه يجعلنا نفيق إلي أننا في هذه الحياة خاسرون إن اردنا حساب متعة القرب ومحنة الأحباب في هذه الدنيا!!.. ولكن العزاء الأكبر هو أننا موعودون بحياة أخري ولقيا ابدية سرمدية عنوانها العظيم هو : يحشر المرء مع من أحب !! .. وذلك الوعد الإلهي هو الدواء الوحيد الناجع الذي يمسح احزان الكون مهما تعاظمت !! ..
| |
|
|
|
|
|
|
|
|
|
Re: فكونى مافى زول يمنعنى !! (Re: Munir)
|
العزيز منير
تحية طيبة وعيدك سعيد عليك وعلى أحبابك يارب
| Quote: ولكن الغمة الكبري نحس بها عندما يكون الغياب ابديآ !! .. |
صدقت والله فلو ان أحبابنا هاجروا لعشرات السنين ولم نعد نراهم ابدا الا اننا نعلم انهم على قيد الحياة يعيشون حبا ومرحا وفرحا ووجعا وبكاءا لسعدنا بدلا عن ان ينتقلوا من دنيانا نهائيا ولا يخلفوا وراءهم سوى الحسرة والعويل !!
| Quote: ولكن العزاء الأكبر هو أننا موعودون بحياة أخري ولقيا ابدية سرمدية عنوانها العظيم هو : يحشر المرء مع من أحب !! .. وذلك الوعد الإلهي هو الدواء الوحيد الناجع الذي يمسح احزان الكون مهما تعاظمت !! .. |
الله عليك أخي العزيز .. رغم معرفتي بهذا الوعد الالهي الا انني أسعد ايّما سعادة بتكراره على مسامعي لانه بالفعل العزاء والسلوي وربنا يجمعنا يوم الحشر العظيم مع جميع احبابنا الذين رحلوا عنا يارب يارب يارب انك مجيب الدعوات السميع العليم ..
| |
|
|
|
|
|
|
|
|
|
Re: فكونى مافى زول يمنعنى !! (Re: Nasr)
|
Nasr
Quote: مطر ناعم في خريف بعيد
والعصافير زرقاء والأرض عيد
أنهضي من الرماد كطائر الفينيق
وحلقي كعصافير زرقاء
كطير الجنة
........
وأجمل أيامنا تلك التي لم نعشها بعد |
شمس ترسل بعض دفئها الى سكان الكرة الأرضية فيعلنوا ان هذا اليوم هو عيد الحب !!
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
نادية يا صديقة
سلامات ومعزّة..
أرأيتك لو أنّ المناديل باحت بالذي بها
هل يستحيل نسجها حرفًا في الحكايا...
وخيطًا في (إبرة) الدّموع..
... إن بلغ (العزاء) شوطه في (التّربيت)
وحظّه من المواساة..
فذا المعراج أعدّه سلمًا للخروج أو الدّخول – لا فرق –
طالعيه (مدادًا)، و(حزنًا)، و(خيبةً)، و(هدمًا)، و(منفى)، و(غربة)، و(أرق)
بغير ترتيب مقصود إلا إذا ترتّب (الدّمع) في المناديل (الطّيبات)..
وذهب الذي يأتي باتّجاه معاكس لـ(فكّوني ما في زول يمنعني!!)..
اقرئي:
(1)
مِدَادْ
بعضٌ منكَ لا يلقاكَ..
إلا في المدادْ
إذ.. هكذا النّيرانُ
تدفنُ غبنها
في حزنِ ذاكرةِ الرّمادْ
فاحفظْ لنفسكَ ضوءهَا
لو مسّها شيءٌ من التّهميشِ
في غبشِ الحيادْ
(2)
حُزن
تعِبَ الضّوءُ..
فاسترخى قليلاً
ثُمّ نامْ
لكنّما الظّلُّ
كئيبٌ ..
راح يبحثُ عن وجودٍ
في الظّلامْ
(3)
خَيْبَة
كلّ الحزن إليكْ
بعض الفرح نواحٌ
دمعٌ شاكس عينيكْ
لا مهربَ..
حتّى الصمتَ.. ضجيجٌ
غطّى باحة أذنيكْ
الخيبةُ..
أن يُحسبَ هذا العمرُ عليكْ
(4)
هَدْم
حُلمك أن تبنى بيتاً
من لَبِنٍ..
وتعيشُ سلاماً ووئامْ
ضدّكُ يستأجر أضغاثاً
تهدمُ فيك الأحلامْ
نَمْ.. في نومكَ
واحلمْ
ما أقسى أن تشتجر الأحلامْ
(5)
مَنْفَى
غنّي المُغنّي
في اشْتبَاهٍ
بين فُصْحَي
لُكْنَةٍ عُجْمَي
وفي حزنٍ.. رَطَنْ
كان صوتاً عَالقاً
أوْ غَارقاً في اليُتْمِ
صِدْقاً..
كان حُلماً نَابتاً
بين صَحْوٍ ووسَنْ
هكذا أدركتُ مَعني
أنْ يصيرَ القلبُ منفَى
لاغترابٍ في وطَنْ
(6)
غُربة
اشربْ لهَا كأساً
من الحبِّ الّذي
في غُربةِ الذّاتِ صِيامَا
ناسياً دمُكَ الّذي
في جلسةِ الرّوحِ
قد طالَ مُقامَا
يَسْتطيلُ
إذا مَا أنتَ أعلنتَ
في هَمْسٍ.. قِيامَا
نحوَ شَمْسٍ
لمْ تزلْ ترجُو من النّجمِ
ضياءً.. أو تمامَا
(7)
أرَقْ
جَالِسْ مسَاءَكَ..
فُرصةٌ أُخْرى لإحْكَامِ التّذكُّرِ
ضمنَ دائرةِ القلقْ
وَاشْرَبِ التّنْبيهَ من فِنْجَانِهِ
هيَ قَهوةُ الإيْقاظِ
من طحنِ الأرقْ
أنا لنْ أُسمِّى مَا سيأتِي..
صَحوةً..
لكنّهُ نومٌ
يُعذّبُهُ المَلقْ
إنْ صحَّ مَا قد قُلتُ
يَكفى إنّهُ وقتٌ
يجئُ مُبعثراً..
يَمضِى..
وكَما اتّفَقْ
تكفيكَ حَسْوةُ فَقْرِهِ
خَشِنُ الرّغِيفِ
يَملُّهُ دمعُ المَرَقْ
| |
|
|
|
|
|
|
|
|
|
Re: فكونى مافى زول يمنعنى !! (Re: الطيب برير يوسف)
|
Quote: الغالية ناديا عثمان المحترمة
العيد مبارك عليك وربنا يحقق أمانيك
عيدنا في المدينة المنورة ووالله العظيم فيها تحس بان الاحزان تتساقط من روحك كما تتساقط حبيبات العرق من البدن واراودك احساس بانك عايز تنطط زي الشفع الصغار لان الروح بقت خفيفة ومن قلبي اتمنى ان تحضري للمدينة المنورة وابوفاطنة يشيل همك وغمك وترجعي تزعططي .
اليوم قرأت لك : فكونى مافى زول يمنعنى وكل المداخلات ولكن القيد منع والبركة في الهوت ميل العفينة دي .
اخوانك واخواتك والله تب ما قصروا معاك ونحن معروفين ومافي شعب عندو زي عاداتنا ووقوفنا مع بعضنا ساعة الحارة وخاصة الملمات الكبيرة كما هو حالك وهذه الوقفات لها اثر كبير في تخفيف الحزن والألم ولكن الحزن الدفين كالسرطان يعاود ادراجه ويزيد المه حالما ينتهي مفعول المهدئات . ولكن من حكمة الله تعالى على عباده ان غرس فينا خاصية النسيان Automatic Format لكي تستمر الحياة هذه الخاصية موجودة في كل انسان ولكن تختلف درجة الاستفادة منها من شخص لاخر ومن موقف لاخر في نفس الشخص الواحد ولكن الانسان الفطن يحاول الاستفادة القصوى من هذه الخاصية ليتمتع بكل درجاتها وقطار الحياة لايتوقف اعلم يا ندوية حزنك عميق وكل الذين يحبوك يتمنون ان يتقاسموا هذا الحزن وربنا يلهمك الصبر والسلوان .
لو لا مرارة الحزن لما عرفنا حلاوة الفرح والغريبة في ناس بحبو المر اكثر من الحلو !!!!!
ما قاصدك يا ندوية ولكني اعرف ذلك واقول ليك حاجة الحزن له لذة نفسية اذا كان في حدود الجرعة المظبوطة زي المخدر اذا زادت الجرعة تدخلك في نفق يصعب الخروج منه .
ندوية ارفعي معنوياتك براك بقناية طويلة يعني شنو مثلا جيبي جريدة سودانية فيها كلمات متقاطعة وحضري قلم رصاص مبري بالجنبتين زي عبدالجليل محمد عبدالجليل لا لا احس بجنبة واحدة لان اللستيكة مهمة للمسح وقبل ما تبدي في الحل ختي ليك شاي في النار بشرط تكوني بتولعي في البوتجاز واتصفري اوس اوس حركات المصريين ديك يا خي ديل برفحوا روحن براهن يعني بعرفوا يرفعوا معنوياتهم بالصح ولا بالكضب يعني سوي الشاي وانت تصفري وتغني ويا حبذا لو معاها شوية سكسكة ، البشير بسكسك عشان ازبط السياسة بالكمونية ، لو عندك شربوت خلليهو واربطي سنة بالشربوت وبعد دا زبط شديد للصباح .... الاحزان تدغدغ النفس وتردخها لحين من الدهر وقد تصفى النفس بعد الحزن وتدخل في افراح جديدة وهكذا دواليبك وادراج الرياح تجبرك على السير في اتجاه واحد .
الانسان ليس له خيار في كيف تسير حياته انه مخير في نواياه وتفكيره فان كان حسنا يتمه له الله ويكافأه على احسانه وان كان سئ النية ايضا يتمه لكي لكي يعاقبه على النية السيئة ومن هنا جاء الحديث انما الاعمال بالنيات ولكل امرئ ما نوى ، استشهد احد الصحابة فحزنت زوجته عليه حزنا شديدا وعلم رسول الله بذلك فذهب اليها يعزيها فقال لها اسأل الله ان يبدلك خيرا منه فقالت في نفسها لايوجد افضل منه ومرت الايام وتزوجها رسول الله فتذكرت ما قالته في سرها يومذاك ..........
انت نيتك سليمة وطيبة والطيبات للطيبن ووالله العظيم انسان بهذه الصفات الحميدة ان الله لجبر بخاطرك ويبدلك باطيب منه ويبدل حزنك فرحا ..... اسع بفكك تبكي لكن ما بخليك كان ما سويتي الكمونية بالجبنة .
مخلصك
عبدالله محمد عبدالله |
عبر الايميل
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
النبيل عبد الله ابو فاطنة تسلم من كل شر يارب والعيد عليك مبارك
| Quote: عيدنا في المدينة المنورة ووالله العظيم فيها تحس بان الاحزان تتساقط من روحك كما تتساقط حبيبات العرق من البدن واراودك احساس بانك عايز تنطط زي الشفع الصغار لان الروح بقت خفيفة ومن قلبي اتمنى ان تحضري للمدينة المنورة وابوفاطنة يشيل همك وغمك وترجعي تزعططي . |
يابختكم بالأنوار المحمدية والله وربنا يوعدنا يارب ..اللهم صلي وسلم على رسولنا الكريم
| Quote: ندوية ارفعي معنوياتك براك بقناية طويلة يعني شنو مثلا جيبي جريدة سودانية فيها كلمات متقاطعة وحضري قلم رصاص مبري بالجنبتين زي عبدالجليل محمد عبدالجليل لا لا احس بجنبة واحدة لان اللستيكة مهمة للمسح وقبل ما تبدي في الحل ختي ليك شاي في النار بشرط تكوني بتولعي في البوتجاز واتصفري اوس اوس حركات المصريين ديك يا خي ديل برفحوا روحن براهن يعني بعرفوا يرفعوا معنوياتهم بالصح ولا بالكضب يعني سوي الشاي وانت تصفري وتغني ويا حبذا لو معاها شوية سكسكة ، البشير بسكسك عشان ازبط السياسة بالكمونية ، لو عندك شربوت خلليهو واربطي سنة بالشربوت وبعد دا زبط شديد للصباح .... الاحزان تدغدغ النفس وتردخها لحين من الدهر وقد تصفى النفس بعد الحزن وتدخل في افراح جديدة وهكذا دواليبك وادراج الرياح تجبرك على السير في اتجاه واحد . |
مابحب الشاي لكن دخلت طوالي بعد كلامك ده ظبطت لي كوباية عصير تقيل وانا بصفّر وبغنى ياطير ياماشي لي اهلنا و......طوالي اتذكرت أهلي وقعدت ابكي اها شفت جنس العوارة دي ؟!!
| Quote: انت نيتك سليمة وطيبة والطيبات للطيبن ووالله العظيم انسان بهذه الصفات الحميدة ان الله لجبر بخاطرك ويبدلك باطيب منه ويبدل حزنك فرحا ..... اسع بفكك تبكي لكن ما بخليك كان ما سويتي الكمونية بالجبنة . |
عارف ياابو فاطنة السمحة ؟!
ربنا لما قال فى محكم تنزيله الكريم (انا خلقناكم شعوبا وقبائل لتعارفوا) ماحدد وسائل التعارف بواحد اتنين تلاتة .. وهسي النت ده زاتو واحد من وسائل التعارف دي وبحمد ربنا العظيم انو سخّر لي معرفة امثالك من الانقياء الاتقياء الجميلين وربنا يديك انت برضو علي قدر نيتك الطيبة دي يارب ويخلي ليك أحبابك وأهلك ويسعدك دنيا وآخرة بحق جاه هذه الايام المفترجة ياااااااارب قول امين .ز
| |
|
|
|
|
|
|
|
|
|
Re: فكونى مافى زول يمنعنى !! (Re: Nasr)
|
Nasr
قافية تتثنّي فى دلال وغنج ..تعانق الحرف المعشوق بكل شهوة القصيد ..تبّكي تارة وتضحك تارة أخري ثم تغفو غير آبهة باكتمال النص ولا وجع المخاض !!
| |
|
|
|
|
|
|
|
|
|
Re: فكونى مافى زول يمنعنى !! (Re: الطيب برير يوسف)
|
Quote: نادية يا صديقة
سلامات ومعزّة..
أرأيتك لو أنّ المناديل باحت بالذي بها
هل يستحيل نسجها حرفًا في الحكايا...
وخيطًا في (إبرة) الدّموع..
... إن بلغ (العزاء) شوطه في (التّربيت)
وحظّه من المواساة..
فذا المعراج أعدّه سلمًا للخروج أو الدّخول – لا فرق –
طالعيه (مدادًا)، و(حزنًا)، و(خيبةً)، و(هدمًا)، و(منفى)، و(غربة)، و(أرق)
بغير ترتيب مقصود إلا إذا ترتّب (الدّمع) في المناديل (الطّيبات)..
وذهب الذي يأتي باتّجاه معاكس لـ(فكّوني ما في زول يمنعني!!).. |
وحوش الحزن تتلقّف بنهم عجيب لحيظات الفرح المنكوب !!
نلهث خلف ثانية من الابتهاج من القلب ولا نجد الا النواح بين جنباته مقيم !!
كم هو كريه الحزن ياصديقي وكم (عكليت) ولزج !
Quote: بعضٌ منكَ لا يلقاكَ..
إلا في المدادْ
إذ.. هكذا النّيرانُ
تدفنُ غبنها
في حزنِ ذاكرةِ الرّمادْ
فاحفظْ لنفسكَ ضوءهَا
لو مسّها شيءٌ من التّهميشِ
في غبشِ الحيادْ |
كن بالقرب دوما فلوجود كلماتك طعم البلسم ايها الرجل النبيل جدا ..
| |
|
|
|
|
|
|
|
|
|
Re: فكونى مافى زول يمنعنى !! (Re: bushra suleiman)
|
المرهف الرقيق بشري سليمان
Quote: الجميلة الندية .. ندوية
حرفك مُوجع .
فالفراق له ملامح كريهه ..
ورائحة مؤذية ..
وطعم مرير ..
ونتشقق ونتناثر حطامابفراق الاحبه..
نسال الله ان يمنحناالصبر على فراقهم |
يداهمني فى منامي ليؤكد انه لم يمت فيزغرد قلبي نشوة و......استيغظ ولا أجد الا السراب فهل يخدعنا الأموات ام نخدع أنفسنا ياتري ؟!!
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
أختنا العزيزة نادية حاسي بيك و حاسي بألمك ...فكري في حاجة واحدة انو في الدنيا دي في مصايب أكبر مننا و كل زول بتعرض ليها لكن المهم أنو الحياة تستمر و دي أكيد رغبة أحبابنا الراحليين أننا نعيش بعدهم و نفرح و نبتسم لمن نتذكر اللحظات الجميلة معاهم و برضو نتذكر الموت و لكن بشكل ايحابي
| |
|
|
|
|
|
|
|
|
|
Re: فكونى مافى زول يمنعنى !! (Re: عبدالأله زمراوي)
|
زمراوى ود الخالة
ان هال مندي .. كمبو شديد ان شاء الله
Quote: بنت الخالة نادية..
سريناقمي وييبو...
وهاهم الأصدقاء والأحبة يمانعون ويمنعون ,انت بيننا كضوء النهار ترفلين في البهاء! الحياة هكذا بأحزانها وأفراحها، سعادة وشقاء، فلا تبتئسي عزيزتي.
والغد أحلى وأجمل وأنضر بأذن الله وتلك آخر الآحزان. كل عام وانت بخير... |
تسلم على الكلام الطيب الجميل واكييييييييد طالما انا هنا بينكم ببقي بكرة احلي دون أدني شك باذن الله ..
خليك قريب دائما سمح؟
| |
|
|
|
|
|
|
|
|
|
Re: فكونى مافى زول يمنعنى !! (Re: modi)
|
مودي
| Quote: أختنا العزيزة نادية حاسي بيك و حاسي بألمك ...فكري في حاجة واحدة انو في الدنيا دي في مصايب أكبر مننا و كل زول بتعرض ليها لكن المهم أنو الحياة تستمر و دي أكيد رغبة أحبابنا الراحليين أننا نعيش بعدهم و نفرح و نبتسم لمن نتذكر اللحظات الجميلة معاهم و برضو نتذكر الموت و لكن بشكل ايحابي |
أروع مافي الدنيا أن تجد من يشاركك احساسك بالوجع والالم والفرح ..أسعد قلبي جدا وجودي فى وسط كل هذا الحب الاخوي النبيل
سلمت من كل شر يااارب وربنا يديك على قدر نواياك الطيبة دي يارب
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
لكن يا نادية يا بتي حقاره خلاص
تفطيني قدر ده
عاد أشكيكي لي منو
لي ود خالك ولا أمي
يعني الحقاره بالعجوز إمنتهاك لحقوق العجائز
وعاد يا بتي الأمم المتحدة ما تحلنا
المهم
بقيتي أحسن وما داير أقول كويسه فالعافية درجات
وسلمي لي على الإمام الشافعي
كان مشيتي بصلاح سالم
الشايقي
| |
|
|
|
|
|
|
|
|
|
Re: فكونى مافى زول يمنعنى !! (Re: بلدى يا حبوب)
|
بلدي ياحبووووووووب انت وين وييييييييين ياخي مطولة الغيبة مالك
Quote: الزولة الراقية نادية والله مشتافين
كل سنة وانت طيبة
وليك كثير السلام
تحياتى |
مشتاقين بالاكتر وماتختفي عليك الله
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
المكلومه ناديه ,, حار التعازى وانشاء الله ربنا يصبرك .
انا كنت مارى فى بوست ابكدوك بالشارع التانى ودخلت واستمعت للقصيده
واعجبت بالصوره الجديده وعملت شوية غزل اكترونى وطلعت , وجيت بشارعكم ده
ولقيت صيوان البكا ودخلت وحقيقة تاثرت لكمية الحزن النبيل الظاهر على كل الوجوه ,
واعذرينى اصلى برلوم واول مره اسمع بفاجعتك دى من البوست ده , اسأل الله ان يمدك بقوه
لتجتازى كل هذا الحزن , فوالله صدقك فى الالم والحزن يكاد يقفز خارجا من الشاشه , وتعابيرك
العفويه التلقائيه اكدت لى كم هى الانثى اكبر واكثر وفاءا منا نحن الرجال ,
لن اقول لك انسى ولكن تظل الرحله مستمره طالما هنالك محطات للوقود فى الطريق , فزودى
عقلك وقلبك من جديد وانطلقى فى الطريق وهذه سنة الحياه ..
لك كل الموده والحب وخالص العزاء ,,
كمال سالم
| |
|
|
|
|
|
|
|
|
|
Re: فكونى مافى زول يمنعنى !! (Re: kamal ali)
|
الرجل النبيل كمال سالم
Quote: اسأل الله ان يمدك بقوه
لتجتازى كل هذا الحزن , فوالله صدقك فى الالم والحزن يكاد يقفز خارجا من الشاشه , وتعابيرك
العفويه التلقائيه اكدت لى كم هى الانثى اكبر واكثر وفاءا منا نحن الرجال ,
لن اقول لك انسى ولكن تظل الرحله مستمره طالما هنالك محطات للوقود فى الطريق , فزودى
عقلك وقلبك من جديد وانطلقى فى الطريق وهذه سنة الحياه .. |
شكرا جميلا علي هذه الكلمات الطيبات ويبقي الحزن هو المعني الوحيد الأكثر صدقا فى العالم ..وتبقي قدرتنا على التجاوز محدودة ولكنها ليست مستحيلة وفي هذا رحمة من رب العالمين !!!
| |
|
|
|
|
|
|
|
|
 Re: فكونى مافى زول يمنعنى !! (Re: نادية عثمان)
|
بت عمة الموصلى (ح احكى) ليك نكته فى الحتة دى لمن بكرى يرجع الخاص!!
أو نتلاقى فى الأحساس اقصد فى (ندوه) أو (فعاليه) وما تنسى الشرائط معاك!
| Quote: Re: فكونى مافى زول يمنعنى |
يفكوك انت أحسن ولا ورقة دولار ابو 100 ؟؟
| |
|
|
|
|
|
|
|
|
|
Re: فكونى مافى زول يمنعنى !! (Re: تاج السر حسن)
|
تاجو
| Quote: بت عمة الموصلى (ح احكى) ليك نكته فى الحتة دى لمن بكرى يرجع الخاص!! |
اها وفرضنا بكري ده ركب رأسو ومارجع الماسنجر كلو كلو .. أموت انا بشماري ياخ
| Quote: يفكوك انت أحسن ولا ورقة دولار ابو 100 ؟؟ |
ورقة بمائة طبعا وتديني نصها سمح؟
| |
|
|
|
|
|
|
|
|
|
Re: فكونى مافى زول يمنعنى !! (Re: mamkouna)
|
ممكونة حبيبة قساي
Quote: الحبيبة نادية..
كل سنة و إنتي طيبة..
ربنا يخلي ليكِ الأمورة..
و تعيشو و تفتكرو. |
تسلمي لي ياغالية وشكرا على الاطلالة الطيبة وربنا ماحرمني قلوبكم النقية دي يااااااااارب
| |
|
|
|
|
|
|
|
|
|
Re: فكونى مافى زول يمنعنى !! (Re: محمد الطيب حسن)
|
محمد الطيب حسن
Quote: ياجماعه الزوله دي المسكه منو يمسكو البوليس انشاالله
|
مسكتني الظروف (القاهرة) والله لكن الله غالب !!
عاين
فيلمك ده عاجبني جنس عجب ..بتعرف تجيبو لي كاااااااامل في البوست ده ؟!!
| |
|
|
|
|
|
|
|
|
|
Re: فكونى مافى زول يمنعنى !! (Re: عبد العظيم احمد)
|
عبد العظيم اخوي سلامات
| Quote: الكتاب الجديد للصحفية نادية عثمان |
بالجد لو انت الصممت الغلاف ده كلمني لانو فعلا بجهز في تلاتة كتب تحت الطبع وعايزة أفكار مبتكرة للأغلفة وتكون ماقصرت معاي اخوي الغالي قلت شنو ؟؟!
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
Quote:
Quote: لم تخبرنى ياعذرائيل انك على موعد مع حبيبى لتأخذه بعيدا بعيدا فهل كان يضيرك ان انتظرت قليلا لأودعه
وما ذهب يانادية انما خٌٌُيل لك؟
لن يذهب.. فرائحته فى القلب.. فى موية الروح..
فى عطر مخلوط فى شهقة غمامة..
فى عيون عجنة روحك وروحه...فى البنت الحمامة
وفى نبضات قلبك...
انظرى.. انه يبتسم لك ويمنحك القدرة على الغناء.. |
ياأخواتنا ده شنو ؟؟؟ تغيب تجي تلقى البوستات شبعانة شجن وشحمانة حس وإحساس !!!!
نادية فكوها ... ومافي زول يمنعها ولا يجي جنبها ... أها ونحن زاتنا فكونا خلونا نسوي شنو كدا ماعارف
أوف
أوف
أوف
مع ألف سلامة للجميع ....
| |
|
|
|
|
|
|
|
|
|
Re: فكونى مافى زول يمنعنى !! (Re: انعام حيمورة)
|
ندوية ازيك !
انت لسه ممسوكه ؟؟ والله سويتى افرش وتخين !!
عارفه (جيبى اضانك) احر حاجة فى ميتت الراجل دى
الاربعة شهور وعشرة يوم !!
يابتى استغفرى ........ وارجعى !!
النسوان الماتن معاهو رجالن هسه شفعهم يلعبو !!!!!!!!
ـــــــــــــــــــــــــ
ندوية بينى وبينك الرجال البموتو ديل بتلقوهم وين ؟؟؟؟؟؟؟
| |
|
|
|
|
|
|
|
|
|
Re: فكونى مافى زول يمنعنى !! (Re: دينا خالد)
|
دينا خالد العسللي
اسوي شنو العلي قوي ..دستور يا أولاد ماما !! 
Quote: عارفه (جيبى اضانك) احر حاجة فى ميتت الراجل دى
الاربعة شهور وعشرة يوم !! |
يازولة والله (ميتة) الراجل كلهاااا حارة زي النار ..الله ماضوقك يابت أمي وان شاء الله بعد الضقته أنا مافي مرا راجلها يموت كلو كلو يارب !!
| Quote: يابتى استغفرى ........ وارجعى !! |
استغفرتك يامالك روحي !!
| Quote: النسوان الماتن معاهو رجالن هسه شفعهم يلعبو !!!!!!!! |
شفعهم بالجديد ولا القديم حددي عشان مايتلخبت علينا الاختساس وكدي !!
| Quote: ندوية بينى وبينك الرجال البموتو ديل بتلقوهم وين ؟؟؟؟؟؟؟ |
بعرف لي كم وأحد كده جاهزين يعرسوا بي جاي وبردلب يموتوا لكن تعالي بعد شهر كده هسي الطلبية ناقصة في السوق 
| |
|
|
|
|
|
|
|
|
|
الدنيا دي صحي حلوة (Re: نادية عثمان)
|
نادية الحبيبة
يا من تستحقين الفرح فقط
(طبّفي) الحزن و (تبتبيهو) كويس و ضعيه (بدون رفق) على رف خزانة مصفحة لا تنفتح أبداً
دايرة أقول ليكي حاجة يا أمي
أنهري الحزن بيتنهر
الحزن دة (إرادة) توديهو لما وراء الشمس..الدنيا دي صحي حلوة..
| |
|
|
|
|
|
|
|
|
 Re: الدنيا دي صحي حلوة (Re: lana mahdi)
|
نادية الحبيبة
الغالية..
أي دمعة
حزن
لا
لا
لا...
حفنة سالينوس
is not included here
"
A long time ago, in Victorian times, flowers had strong meaning and each specific flower sent a clear signal about how the giver was feeling toward the receiver. It was a great way for people to communicate, using the flowers to speak words that were sometimes difficult to say.
In modern times, not everyone is familiar with the meaning of flowers; but when a person gives flowers to another the gesture itself means one of caring, concern, sympathy, friendship or love. The meaning of flowers today depends on what situation is occurring when someone is the receiver.
Roses will always mean romance, especially when it comes to red roses. However, any woman who receives a rose of any color from a man is getting a very clear signal that he is using the meaning of flowers to convey that he wishes to show affection for her.
When a person has a feeling of emotion that is very strong, they may ask flower experts to tell them the meaning of flowers or may express what feeling they wish to convey and then choose that particular flower to give. Even though roses will always mean romance and when a man gives a rose to a woman, neither one of them think about the meaning behind the particular color, each color of rose does indeed say something.
A pink rose stands for friendship, while the red of course will send words of passionate love. White means purity; when red and white are put together the meaning is one of unity. Yellow on the other hand means jealousy; quite a few people are aware of this and should take notice when given this flower.
A black rose rarely means anything good; there are several theories behind the meaning of the black rose and all are dismal. It is most commonly recognized that if a person is given a black rose, the sender wishes harm. Luckily, the majority of flowers will send kind words.
Site Map
For contacts: contact (@) types-of-flowers.net Easter 2008 | Different types of flowers and plants. "
| |
|
|
|
|
|
|
|
|
|
Re: الدنيا دي صحي حلوة (Re: Safa Fagiri)
|
نادية أختي العزيزة
تحيات وسلام
وجدتني في دارك العامرة
صاحبة الدار وضيوفها
عواطف جياشة صادقة.. تستحلب عصي الدمع
صدق مشاعر .. يضيع في خضمها الكلم
نبل وطيبة .. تعوض الفرد في غربته عن عزيز فقده لمراتع صباه
سلام هو إذاً
وتأكيد حضور
وطلب لمعاودة الزيارة
إن رأيتمونا أهلاً لبهائكم هذا
| |
|
|
|
|
|
|
|
|
|
Re: الدنيا دي صحي حلوة (Re: عاطف عمر)
|
عاطف عمر صديقي العزيز
Quote: وجدتني في دارك العامرة
صاحبة الدار وضيوفها
عواطف جياشة صادقة.. تستحلب عصي الدمع
صدق مشاعر .. يضيع في خضمها الكلم
نبل وطيبة .. تعوض الفرد في غربته عن عزيز فقده لمراتع صباه |
وأمام صدق كلماتك الحانية (يتجلّط ) النزيف ويعود القلب مضخة للحياة رغما عن تيبّس الفرحة في الروح !!
لوجودك دوما طعم الطمأنينة في عوالمي وبيوتاتي فعدني أن لا تقطع عني زيارتك الطيبة كمثل هذه أبدا ..
وشكرا نبيلا علي كل نبلك معي ايها الرجل البسلم ..!
| |
|
|
|
|
|
|
|
|
|
Re: الدنيا دي صحي حلوة (Re: lana mahdi)
|
الزولة البريدها من قلبي لنا بت عم مهدي
Quote: يا من تستحقين الفرح فقط
(طبّفي) الحزن و (تبتبيهو) كويس و ضعيه (بدون رفق) على رف خزانة مصفحة لا تنفتح أبداً
دايرة أقول ليكي حاجة يا أمي
أنهري الحزن بيتنهر
الحزن دة (إرادة) توديهو لما وراء الشمس..الدنيا دي صحي حلوة.. |
كلامك الحكيم ده بحبو شديد والله وبنزل علي قلبي بردا وسلاما !
ربنا يسعدك ويهنيك وماتبعدي عليك الله وخليك قريبة جدا دائما يالنوية الحبيبة سمح؟
| |
|
|
|
|
|
|
|
|
|
Re: فكونى مافى زول يمنعنى !! (Re: نادية عثمان)
|
نادية
كل يوم بتاوق و افتح صفحة للرد وأكتب كلام كتير
وارجع امسحه
بشوفها ما مناسبة ولا بتشبه روعة المشاعر و صدقها
إنتي عبارة عن قلب عندو زول
تسلمي
لكن جابتني الجن المصرم دي | Quote: ندوية بينى وبينك الرجال البموتو ديل بتلقوهم وين |
لا يجوز تناول الشربوت بعد خامسة العيد
| |
|
|
|
|
|
|
|
|
|
Re: فكونى مافى زول يمنعنى !! (Re: غادة عبدالعزيز خالد)
|
الحبيبة القريبة للقلب غادة عبد العزيز خالد
الف تحية يادودي العسللي
| Quote: رحم الله محمد أبا إيمان وصبرك... |
اللهم أرحمه بقدر مكان نادرا هذا الرجل ..جميل الدواخل ..نقي الروح ..كريما ..ورجلا بحق ..
| Quote: يا ربي إيمان عاملة كيف؟ |
حبيبتي بت الحبيب ايمان دي ياغادة ..هي بخير الحمد لله ..بشوف فيها محمد ..بتشبهو شديد جدا ..بتسلم عليك وبتقول ليك تسلمي ياخالتو دودي العسل
| Quote: وفي إنتظار بقية القصص القصيرة |
عارفة؟؟
البوست ده اتغير اتجاهو خلاص ..لكن اوعدك بنقل فكرة كتابة القصص القصيرة لبوست اخر حاافتحو اليومين الجايين سمح؟؟
| |
|
|
|
|
|
|
| |
نهلة عمر
محمد الطيب حسن
Safa Fagiri
عبد العظيم احمد
Abuelgassim Gor
محمد عبد الماجد الصايم
Munir
Nasr
الطيب برير يوسف
bushra suleiman
Al-Shaygi
د.محمد حسن
بلدى يا حبوب
kamal ali
mamkouna
العوض المسلمي
Ahmed musa
انعام حيمورة
wd al geran
دينا خالد
lana mahdi
عاطف عمر
محمد البشرى الخضر
غادة عبدالعزيز خالد
فيس بوك
تويتر
انستقرام
يوتيوب
بنتيريست