محاكمة شرفاء مؤتمر الطلاب المستقلين والحركة الشعبية يوم السبت القادم!! فلنجعلها قضية رأي عام...

Quote: المحكمة تستمع لشاهد دفاع يسكن مع المتهم الأول في قضية طالب جامعة النيلين الشاهد : رجال الشرطة عثروا بداخل أدراج (تربيزة) على أوراق وكريمات ولم يجدوا سكيناً استمعت محكمة جنايات الخرطوم شمال أمس برئاسة مولانا عصمت محمد يوسف قاضي المحكمة الى شاهد الدفاع الرابع في قضية مقتل طالب جامعة النيلين عبد المعز حسن احمد، وقد أفاد الشاهد/ بشير حسن يوسف، الذي تربطه علاقة دم بالمتهم الاول المحكمة بانه كان حاضراً لحظة دخول رجال الشرطة (الصالون) الذي يسكن فيه مع المتهم الاول وحضر التفتيش ووصف (الصالون) وقال يوجد به سريران ودولاب و(تربيزة) بها ادراج تحتوي على اوراق وكريمات ومذكرات، وذكر ان رجال الشرطة لم يحصلوا على سكين داخل الدرج، وقال للمحكمة انه يسكن مع المتهم الاول منذ عام 2003م في الصالون حتى يوم الاحداث وافاد بانه لا يعلم أين كان المتهم الاول في يوم 8/2/2007م الذي وقعت فيه الاحداث. وفيما يلي وقائع الجلسة : المحكمة : ـ الاسم : بشير يوسف علي .. طالب بجامعة السودان. العمر : 23 سنة üü إستجواب الشاهد بواسطة محامي المتهم الاول. ü علاقتك بالمتهم الاول؟ - ود خالي، اسكن معه في بيت واحد. ü وصف البيت؟ - طابقين الاول فيه 3 غرف وهول وصالون الطابق الثاني فيه غرفتان وهول ومطبخ. ü تحديداً عثمان قاعد وين ؟ ـ في الصالون ü باقي الغرف الساكن فيها منو؟ - عمي واولاده. ü مع عثمان في الصالون من متين؟ - منذ 2003م الى يوم الاحداث. ü يوم قبضوا عثمان انت كنت وين؟ -كنت مافي. ü اجراءات الشرطة المتعلقة بعثمان شنو؟ -جاء عساكر قالوا لي عندنا تفتيش من النيابة عن عثمان. ü كم فرد؟ -حوالي 8 او 9 اشخاص. ü عملته شنو؟ جبت ليهم المفتاح فتحته الصالون وبدأ التفتيش. ü اول غرفة فتشوها وين؟ -الصالون ü عثمان كان وين؟ -ماشفتو. ü حدث تفتيش لباقي البيت؟ - فتشو السطوح. ü منو الفتش السطوح؟ -اتنين ومعاهم انا. ü بقية افراد الشرطة كانوا قاعدين وين؟ - في الصالون. ü بعد تفتيش السطوح مشيت وين؟ -الصالون. ü خلاف رجال الشرطة لقيت منو؟ -لقيت عثمان مكلبش. ü التفتيش في الصالون تم بحضور منو؟ -انا كنت حاضر. ü لقو شنو؟ - شنطة فيها قمصان وتشيرتات خاصة بعثمان شالوها معاهم. üمكونات الصالون؟ -سريرين وكراسي جلوس ودولاب. ü الهدوم الطلعتها من وين؟ -جزء في الشنطة وجزء من الدولاب. ü خلافك في أي شهود حضورا التفتيش؟ -في واحد أول مرة اشوفو لابس عادي. ü اثناء التفتيش ناس الشرطة قالوا ليك شنو؟ - قالوا لي لازم تحضر عشان ما تقول بعدين فقدنا حاجة. ü خلاف الملابس في حضورك ما الشئ الذي تم ضبطه؟ -مافي حاجة. ü شفته عندو سكين قبل كدة؟ -ابداً. ü ذكرتَ من ضمن الموجودات في الصالون تربيزة وصّفها للمحكمة؟ - مستطيلة وفيها ادراج. üالتربيزة خاصة بي منو؟ -خاصة بينا كلنا. ü لحظة التفتيش ادراج التربيزة وجدوا فيها شنو؟ - ورق متعلق برابطة دارفور وكريمات ومذكرات. ü انت عندك فيها شنو؟ -مذكرات وورق. üü إستجواب الشاهد بواسطة الدفاع عن الحق، د. موسى : ü انت من ابناء دارفور؟ -نعم. ü انت قريب لعثمان؟ - نعم. ü ايضاً زملاء في الجامعة؟ مازملاء، انا في سنة تانية وعثمان في سنة ثالثة. ü المنزل بتاع منو؟ - بتاع عمي يوسف. ذكرتَ انك وجدت العربة واقفة .. فيها منو؟ - 4 من رجال الشرطة. ü عثمان كان وين؟ -ما شفتو. ü لمّن طلعت الطابق الفوق عثمان مافي الصالون؟ -مافي ü قضيت كم زمن في السطوح؟ - 5 ـ 10 دقائق. ü فتشو الصالون قدامك؟ -نعم. ü ملابس عثمان فرزتها ليهم انت .. صاح؟ - صاح ü كل الملابس الاخذوها فعلاً خاصة بعثمان؟ - فعلاً خاصة بعثمان. ü التربيزة فيها ادراج؟ - نعم. ü كل زول عندو درج مخصص؟ -ما مخصص. ü انت على اليمين .. عثمان أسرّ ليك قال ليك أنا طعنتَ كوز في جامعة النيلين .. حصل؟ ü لا ما حصل كلام زي ده. ü يوم 8/2 يوم الاحداث عثمان كان وين؟ -ما بعرفو. ü عثمان شهرته عثمان ريك بتعرف؟ - ما بعرف ü اثناء التفتيش كان معاكم زول من غير رجال الشرطة جاء من وين؟ - ما بعرفوا لقيتو معاهم. ü الزول ساعة التفتيش كان وين؟ - كان بفتش معاهم. ü وشاف كل الحصل زي ما انت شفته؟ - نعم ü الزول ما طلع معاكم السطوح؟ - كان في الصالون. ü اثناء التفتيش ناس الشرطة حرزوا سكين صاح ولا ما صاح؟ - ما صاح. ü اثناء التفتيش كنت وين؟ - قالوا لي تعال احضر التفتيش عشان ما تقول في حاجة مفقودة. وكانت قد استمعت المحكمة في جلساتها السابقة الى ثلاثة من شهود الدفاع عن المتهم الاول ورفعت جلستها امس على أن تستأنف الجلسات يوم 23/ ديسمبر الجاري لمواصلة استجواب شاهد الدفاع الثالث الذي اكد في افاداته متابعته للمتهم الاول لحظة بلحظة اثناء الاحداث، وكان من المفترض ان تواصل المحكمة استجوابه امس ولكن نسبة لعدم حضوره حددت جلسة 23/12لسماع بقية افاداته.