قناة الشروق تكشف عن وجهها القبيح...شعار...برامج ومقدمو برامج

Quote: ولنعمل من أجل عزل قناة الشروق عن المشاهدين حتى لا تغرر بهم. ولنعمل من أجل إطلاق قناة فضائية تعري برنامج عصابة مجرمي المؤتمر الوطني الناهبين والفاسدين

عزل قناة الشروق عن المشاهدين ):
قناة الروق التي يتم الإعلان لها هنا .. كدي اول حاجة امشي افتح في بكري ابوبكر دا بلاغ واللا اقول ليك حاجة .. رسل للهندي عز الدين قول ليهو بكري خاتي اعلان للشروق في المنبر .. شوفو رايو شنو وتعال وريني انا قاعد هنا دا في البوست دا وما ح افوتو ليك زي ما فت لي البوست بتاع المرة القاتت.
( قناة فضائية تعري قناة الشروق ) ..
ياخي اول حاجة كدي بدل الجوجطة والكواريك والتشنج دا .. امشي طعم الاطفال القاعدين يموتو ديل .. افتح ليك رقم حساب رسل بيهو ( كمامات ) لي طلبة كلية الطب القاعدين يشتغلو في المستشفيات لي حالات الحمى النزفية وبدون كمامات وجونتيات ... الكمامات والجونتيات دي ارخص منها الله ما خلق ,. اها حكومة المؤتمر الوطني العايز تقفل ليها القناة دي .. ما قاعده تجيب الحاجات الصغيرة صغيرة دي ..
ياخي قناة شنو التعمله انت ؟؟
والله فعلا اسهل حاجة الواحد يكتب ليهو كلام في البورد دا ويمشي يتسوك ويشرب ليهو شاي سادة ..
يللا خليك عملي يا ارسطــو .. وافتح ليك بوست تبرعات علشان تعمل ليك قناة ..
بعدين قناة التعرية دي ح تسميها شنــو ..؟
وطبعا ح تجيب ليها مذيعين ومذيعات ومقدمين ومقدمات كلهم شرفاء مش كدا..؟
مضحك هذا الاستهبال الذي يجعل مننا سخرية .. ويجعل اصحاب الاجندة يفعلون ما شاء لهم أن يفعلون ..
مضحكة هذه الحكايا التي يتوهمها البعض هنــا ..

بعدين يا سقراط:
ما عندك تلفزيون السودان دا من يونيو 89 بيكورك .. لا خلي ليهو ديش .. لا خلي ليهو مدائح .. لا خلي ليهو فتن .. الترابي دا ما كان بيجي بيديكم في راسكم كل يوم الصباح والمساء.. عوض دكام دا الله يرحمو مش شال تلفزيونو ووداهو لي ( السمكرجي ) قال ليهو هاك صلح لي الجمامع دا ..؟
ساحات الفداء دي ما كان بجيبوها للناس كدا عينك يا تاجر ..
دا ما اس البلاء زاتو .. وقاعدين يشوفوهو الناس كلهم مغمضين ومفتحين .. أين الفيلسوف العايز يعمل ليهو قناة من ذلك ..؟
عايز يعري قناة لسه ما قامت .. والله دا اجمل اعلان اشوفو في حياتي لي قناة لسه ما قامت .. بيشبه اعلان الهندي لسودانيز بس بيفرق اعلان اهندي انو بخلي الناس تجي تقرا زي الكلام الخارم بارم دا .. وتضرب كف بكف وتقول:
والله يا الهندي عز الدين معاك حق..
كدي بلاي بالتضامن مع بشاشا .. وتراجي مصطفى واستيف وخالد الطيب حرامي النت ..اول حاجة وقفو لينا قناة السودان القاعده تجيب الرئيس بيرقص .. وناس الدفاع الشعبي وبعداك شوفو لينا موضوع الشروق دا ..
ومبدئيا كدا لي قناتك دي .. الف دولار من تمبس وسجله بي فاعل خير .. والبنط يا برجع في كلامو .. ما ود ابوهو ..
أقول ليك حاجة..:؟
طقطق المعاك ديل .. وشوف اعلى مبلغ كم .. واديني خبر .. علشان نكون عمليين.. ونعمل لينا قناة نعري بيه الشروق .. ونفضحهم بيها قبال ما العيد الكبير يجي .. خليك من الانتخابات.

صياح .. صياح .. كواريك .. كذب .. دجل .. نفاق .. اتهام .. اقصاء..