إعترافات عاشق يتهجد في محراب زهرة القرنفل..!!

Quote: (العشق هـو البحر الذي لاينضب معينه أبدا كيف أوادعه وحتى القبر سوف سيلازمني).. منقول وكيف أوادعك وقلبي رادك قلبي الحنين ما أظن يلين يقبل يوادعك ويستكين وأنا كيف أوادعك مستحيل يقبل قلبي ويخادعك لا لا ما بتحمل أوادعك وبغير عليك حتى من .. خصلة شعر لما ترف تغازلك أوتهيم وتلثم وجنتيك وبخاف كمان ضي القمره لو داعب عينيك وبحاف كتير لو النسيم يسبقني ويشعل فيكي ريدو ويستبيك ومن شوقي ليك بخاف أنا وبرجف كتير لمن أقبل نون عينيك وأنثلم أصبح أسير .. وبخاف عليك لمن يحين وقت الرحيل وبعشق الحن البمطر من معاسلك وتنهزم فيني الإرادة واقول بريدك ومشتهيك وإنتي اللاهيه زي ما عليك . مستنية عين الشمس تغزل خيوط الضو أغاني وتهدي ليك لحن الأماسي تتراقصي وتتمايسي والشوق يغالبني وأقاسي وأفضل أنوح وأنا بين إيديك وأنا الكنته سايم روحي شان أقدر أجيك وأشوف الشوق مرسوم جوه في عمق الحنايا والخفر حفل خدّودك ووجنيك ... يا شـذا العاشميق يا لون الأمسية يا شذا يا زهور يا جمال مسحور يا أدب وحـبور .. أديني أمل وخليني أزور أجمل خلق الله الواقد نور إيه ناس توحه وإيه ناس نور ياساره يا حرف الغني ووهج الشعور ويا بت يا مي، إيه يكون في حداك بدر يدور وإيه البلور بالنسبه ليك وكل جميل عبر العصور سرقتي قلبي خليت البال دوام مشغول يا آية من عمر الزمان بيكي فخــور ياشذا العاشميق يا بديع يا مهول يافرحة دعاشة مرح وسرور وإحترته فيك معقول تكوني من البشر ولا من الملائكة وفي الملائكة مخلوق من أندر درر يا زول يا جميل، يا مخبوز من جرف النيل صار قليى كسير وأنا ليك أسير والريدة عمر واالعشق مصير هل يرضيك أموت محسور والقلب كسير يا ألله بريدك ميل لي مريدك ميل وخلي دموع الفرحة تسيل سوي الريدة عقيد في جيدك وسط الدارة موح يابلوم وعوم بي سدير أتمايس عوم وأنا ليكا أميل أرجوك تميل ياجنا القنديلا الفرهد دابو عصيرو سقايتو موية النيل وإحترته فيك كمان وكمان آه يا ضهاب .. يا حن منساب أديتني أمل وفتحته الريدة أبواب أبواب وفتحت جراح وملكته الروح وسكنته الدم يازول يا مهاب وأنا بيك ولهان أديني أمان جننته العقل عليكا جنان .. تتقلب فوق حريرك زي فريع البان وبشوف في عينيك الريدة عيان وبيان وفي نون خديك كاتبلي جواب مصابي مصاب عشقتو لذاتو قال لي محال أنا آه منو شفيف الروح رقيق الحال وزي ماقلته مافيش في الريدة يا سيدي مجال الولف كتال .... الولف كتال والريد أنسان .. لا بيعرف سد ولا بيعرف نان