محمد حامد جمعه: ورقة التوت الأخيرة علي عورة الانقاذ

Quote: طبعا يا أخوانا الناس مترقبة السنة الجديدة .......عشان شنو .......... عشان في ناس متوقعة تجى ديمقراطية وتعددية راجعة و(كدا ) وتخرج علينا الأحزاب بشيوخها ومكاتبها السياسية الماسكة الأحزاب دى من زمن حفرو البحر .........حفرو البحر شنو ....ياخ من زماااااااااااااااااااااااااااااان ، يعنى هسة الحاج مضوى دا واحمد عبد الرحمن والتيجانى الطيب ديل دفعتهم فى باقى العالم مش ناس النحاس باشا وتشرشل وإيزنهاور ! ولسه مساكين الاحزاب السودانية وشابكننا الديمقراطية والنشاط الحزبى .......... وديل كوم وناس الأحزاب الجديدة كوم تانى ما عارف الاسود الحرة وحركة العدل والحركة الوطنية و(حركة فى شكل وردة ) وكدا وديل نصهم كانوا وزراء ومسئولين وقرون فى الحكومة دى ولمن البشير (شات ) الكورة فى قوون الشعبى اها الناس دى قامت وجاطت وشبكونا التهميش والتعميش وحرقو دارفور وخربو فى (بير الباشا ) وقطعو الطريق بتاع بورسودان ....... فى نوع تانى من الاحزاب كمان دى فروع ناس زعلانة من الشيوعيين وبعض الحانقين على التجمع يعنى عندك ناس التحالف وحق وجاد و(عاط ) وماط وديل سبحان الله تلقى كلام رؤسائهم سمح بالحين لكنهم ناس شوية ومعظم عملهم مشاكل ونقاشات زى بتاعة الضرات مع الفروع الطلعت عليها يعنى تلقى ناس التحالف جناحين جناح خالد وجناح تيسير وكل طرف يفت ويحت فى شغل اخوهو لمن تستغرب ...هسة بالله شوفو المنبر دا فيهم كم شكلة بين الجناحين وصلو فيها (خط مافى )من النقاش والمشاكل ! طيب عاوزين المفاجاة الجديدة ......... تصدقو كل العالم دى مسطحة وتغش نفسها عارفين الشعب السودانى كجن حاجة اسمهما احزاب من (الجبهة ) لغاية حركة (حق ) اما الرموز الحزبية دى كلها بقت منتهية يعنى الترابى زمان كان عالم وكدا لكن اول من قلبو عليه عمك (افلس ) وبقى زول بتاع مهاترات ما خلى للحكومة جنبة ترقد عليها والميرغنى طوالى (مصرج الكورة ) لمن احترنا الزول دا شايت وين والصادق المهدى دا مشكلتو كبيرة يوم بره ويوم جوه وبدا بتهتدون وتفلحون لمن وصل بينا (تقوم بينا العربية ) والتيجانى الطيب يقول كلام يطلع كدودة تانى يوم فى الجرايد يقول عكسو ومبارك الفاضل حرش علينا لمن كان فى المعارضة امريكا قال يضربو منطقة الجديدة الثورة وكان يمكن لو امريكا سمعت الكلام يودى ناس اهل العوض فى داهية والعجيب الزول عينو قوية خلاص جا راجع ودخل القصر الجمهورى وبقى مسئول كبيييييييييير وطبعا عمل فيها شفت ومفتح قامت الحكومة (قطعتها فى راسه ) وما عارفو هسة رك وين ...قالو فى مصر . ويمكن وبصراحة لو فى زول يكون بره الكره الجماعى دا للسياسيين يكون الاستاذ نقد لانو من الانقاذ دى ما جات كافى شرو خيرو وساكت وبعيد لا تورط فى دعوة اجنبى ولا باع شرفو واسمو لارتريا ولا مصر ولا امريكا ولا غلط على سودانى فى الشمال او الجنوب من انصار الحكومة او معارضيها بفعل وتخريب .ورغم دا برضو فرصتو معدومة لانو اختفى واثر سلامة نفسه وبعض اعضاء حزبه يعانون . يا شباب ما تغشو المساكين ديل بان الجمهور وراهم وان الشعب منتظرهم وسيثور من اجلهم مثلما يخدعون الان العميد خالد ومثلما خدع البعض الترابى حينما قالو له ان البشير اذا حل البرلمان واعتقلك الشارع سيثور ويخرج قام المسكين صدق ودخل السجن ولى هسة ما معروف نهايتو شنو وناس على الحاج وباقى الناس الكبار ( شتت ) نامت فى لندن وباريس وبرلين الواحد عندو مرتب لاجى بالدولار وماكل نظيف اولاده بيقرو ويتعلموا فى اعرق الجامعات والمعاهد يجى يرسل ليك وانت طالب وبرولم فى كلية هنا بالداخل يقول اعمل ثورة عشان يجى يبقى وزير وطبعا ممكن المسالة تطرشق تروح انت فى الرجلين ويقعد هو يتجدع من نيكول تنورى وجميل عازر ويشبكنا السلام والحرية والديمقراطية والشفافية .... تخريمة : يا غادة عبد العزيز خالد ... اسمعى كلامى وشوفى طريقة هاتفى ابوك خليهو يشوف ليهو مخرج من ازمته – بما يحفظ تاريخه وجسارته المعلومة بالطبع – وبلاش يصدق كلام الخرطوم تتميز من الغيظ والثوار تنسق ... دا سراب كبير الناس جوه البلد يا غادة كفرت بالسياسية وبقت تركز فى حاجات تانية وما ضاربة فى نمرة اى زول خاصة من المعارضة