|
شئ من الحنين (2)
|
المُغربية ياخ.. المغربية ديك.. وتباشير الخريف هابة كدة.. مساءات الخرطوم كانت عجيبة ياخ.. وتسمع صوت الملاية وهي بتهب في العنقريب.. ويجيك صوت عمنا محمد صالح ينادي للمغرب.. صوت رخيم وجميل.. رجال الحي وهم بي عراريقهم وسراويلهم يضحكون وهم ماشين الصلاة.. ريحة الشاي المقنن والفانوس في طربيزة المكوة.. ظلال امك هي داخلة وهي طالعة من التكل.. ريحة اللقيمات.. كباية الشُب.. بنبر الحبال وبنبر البلاستيك.. الماشة يحركوا بيها الجمُر عشان براد الشاي.. صوت غنم خالتنا أم النصر وهي بترضع في العتتان.. الهبابة معلقة في مسمار قدام باب التُكُل.. علبة «الختة» في عنقريب صغير جنب التكل وفيها قلم كوبيا واسامي ناس الختة.. صوت حمامة انزلقت من راس الصفيحة المعلقة في بورج الحمام.. «هنا أم درمان».. الرادي معلق من جلدة كدة في مسمار كبير في شِعبَة الراكوبة.. نشرة تمانية.. اخبار الموت في ارجاء هذا المليون ميل وأماكن الدفن.. خلف الله حمد: أنــا فــي الـتـمني ديـمـه هـديلي سـاجع مـا لـقيت لـي مـغيث ولا لـقيت لـي مـراجع
الله الله ياخ..
داير أشوف حبيبي اليوم داك شفته رايق ودمعه ناقع أســود شـعـره حـالـك أمـا صـفاره فـاقع تـتـلاصف خــدوده لا حـجـاب ولا بـراقـع أشـوف لـعسو ونـواعسو جـل الـباري صانع أشـوف فـي خـده شخصي وفي صدري المضارع
صوت الريق والشيالين.. طرب من جوة ياخ... من جوة شديد
يـفـر خـيت بـسـمه يشبه بـرقـاً لـيـله هـاجـع يـرفـع لــي رشـاشـه يـسبل نـظره واقـع دايــر أشـوفو غـافل ودايـر أشـوفو جـاذع محنن دون قنله وحدو وتوبو واقع يـتـغطى بــي سـواعده ويحنو كـانه واجـع ويلتجى بى مرافقه واطراف المضاجع وتتلب فوق شفاهه لؤلؤة المدامع يــردد لــي نـغـيماً تـشتاق لـي الـمسامع
عجيب يا ود الرضي انت ياخ كلامك بيدخل توووووووووش للوجدان
أعـاين فـيه وأضـحك وأجـري وأجـيه راجـع مـتـلاعب لـيـس إلا مــا مـوضوع مـطامع أقـيـس بـالليل بشـعره ألـقى الـفرق شـاسع اقيس الفم بودعه القى الودع واسع دي مــا بـيـلقاها زول زي صـيـده نـاجـع
وصف مبالغة ياخ.. حُب... حُب شديد..
صوت وهمهمة غناء وصوت صحون بتتغسل.. بختها العِدة بيك.. سعيدة في عضمها دة.. سعيدة ياخ.. سعيدة ليفة العدة في أناملك.. سعيد الجردل الشاف عيونك ومويته الوســـــــخانة راقت.. سعيدة السوستة وعرق الرقبة نازل فيها.. سعيدة الريح البتمايل ضفايرك ياخ..
قمرة في نص السماء.. رفعة رجل حد الركبة.. حِلِم بعيد.. جميل ممتع.. أماني حدها السماء.. ضمة إيد.. همسة ريد.. بسمة ثقر..
«هنا لندن».. صوت «المدفعجي» تجوب أركان الكون.. «صوت العرب».. الأبنودي يقرأ «يا عبد الرحمن»
ثم.. صوت مسجل ما بابه مكسور..
أي قليل يا طيف أقيف وأرجاني وين فايتني عابر وأنا شن حارس وراك أنا تاني ياني معاك مسافر وين حتى الطيف رحل خلاني ما طيّب لي خاطر
الله عليك يا محمد كرم الله ياخ.. رنة طمبور تدخل الوجدان من غير استئذان.. ومحمد سعيد دفع الله يجعل الحروف تتموسق..
رنة طمبور تاني: حبي فارق تاني ما ظنيتو يرجع.. آه يا خلايا لي قلبي الموجع..
إنا لله ياخ..
|
|
|
|
|
|
|
العنوان |
الكاتب |
Date |
شئ من الحنين (2) | طارق جبريل | 01-04-14, 02:30 AM |
Re: شئ من الحنين (2) | طارق جبريل | 01-04-14, 02:33 AM |
Re: شئ من الحنين (2) | سليمان القرشي | 01-04-14, 03:19 AM |
Re: شئ من الحنين (2) | عبدالعزيز عثمان | 01-04-14, 03:40 AM |
Re: شئ من الحنين (2) | بله محمد الفاضل | 01-04-14, 10:28 AM |
Re: شئ من الحنين (2) | طارق جبريل | 01-05-14, 12:20 PM |
Re: شئ من الحنين (2) | طارق جبريل | 01-05-14, 01:14 AM |
Re: شئ من الحنين (2) | طارق جبريل | 01-05-14, 00:59 AM |
Re: شئ من الحنين (2) | MOHAMMED ELSHEIKH | 01-05-14, 05:02 AM |
Re: شئ من الحنين (2) | مازن فيصل هلال | 01-05-14, 05:58 AM |
Re: شئ من الحنين (2) | محمد فضل الله المكى | 01-05-14, 07:48 AM |
Re: شئ من الحنين (2) | طارق جبريل | 01-06-14, 00:14 AM |
Re: شئ من الحنين (2) | طارق جبريل | 01-05-14, 04:02 PM |
Re: شئ من الحنين (2) | طارق جبريل | 01-05-14, 04:02 PM |
Re: شئ من الحنين (2) | Osman Musa | 01-05-14, 04:25 PM |
Re: شئ من الحنين (2) | Hani Arabi Mohamed | 01-05-14, 05:55 PM |
Re: شئ من الحنين (2) | علي عبدالوهاب عثمان | 01-05-14, 06:04 PM |
Re: شئ من الحنين (2) | ملهم كردفان | 01-06-14, 00:29 AM |
Re: شئ من الحنين (2) | طارق جبريل | 01-06-14, 04:27 PM |
Re: شئ من الحنين (2) | طارق جبريل | 01-06-14, 04:25 PM |
Re: شئ من الحنين (2) | طارق جبريل | 01-06-14, 04:23 PM |
Re: شئ من الحنين (2) | طارق جبريل | 01-06-14, 00:19 AM |
Re: شئ من الحنين (2) | عصام عيسى رجب | 01-06-14, 08:15 AM |
Re: شئ من الحنين (2) | الطيب شيقوق | 01-06-14, 08:22 AM |
Re: شئ من الحنين (2) | ابو جهينة | 01-06-14, 08:36 AM |
Re: شئ من الحنين (2) | ياسر السر | 01-06-14, 11:47 AM |
Re: شئ من الحنين (2) | طارق جبريل | 01-06-14, 10:03 PM |
Re: شئ من الحنين (2) | طارق جبريل | 01-06-14, 04:32 PM |
Re: شئ من الحنين (2) | طارق جبريل | 01-06-14, 04:33 PM |
Re: شئ من الحنين (2) | طارق جبريل | 01-06-14, 04:31 PM |
Re: شئ من الحنين (2) | طارق جبريل | 01-06-14, 04:28 PM |
Re: شئ من الحنين (2) | بله محمد الفاضل | 01-07-14, 10:26 AM |
Re: شئ من الحنين (2) | الطيب شيقوق | 01-07-14, 10:57 AM |
Re: شئ من الحنين (2) | وضاحة | 01-07-14, 02:14 PM |
Re: شئ من الحنين (2) | عبد الله شم | 01-07-14, 06:36 PM |
Re: شئ من الحنين (2) | طارق جبريل | 01-08-14, 06:02 PM |
Re: شئ من الحنين (2) | عبد الله شم | 01-12-14, 07:15 AM |
Re: شئ من الحنين (2) | طارق جبريل | 01-13-14, 12:59 PM |
Re: شئ من الحنين (2) | طارق جبريل | 01-07-14, 08:57 PM |
Re: شئ من الحنين (2) | طارق جبريل | 01-07-14, 08:32 PM |
Re: شئ من الحنين (2) | ابوعسل السيد احمد | 01-08-14, 03:58 AM |
Re: شئ من الحنين (2) | قسم الفضيل مضوي محمد | 01-08-14, 05:49 AM |
Re: شئ من الحنين (2) | الطيب شيقوق | 01-08-14, 10:16 AM |
Re: شئ من الحنين (2) | طارق جبريل | 01-10-14, 10:39 AM |
Re: شئ من الحنين (2) | طارق جبريل | 01-09-14, 09:04 AM |
Re: شئ من الحنين (2) | طارق جبريل | 01-17-14, 10:18 PM |
|
|
|