ضباط الشرطة المحالون للصالح العام ....إمعان فى الظلم...وسلب للحقوق..... حشفاً وسؤ كيلة؟؟!!!!!

Quote: #18 نقد ما مات ولا حميد ولا وردي بنوها بيوت من الجالوص ولمو الفقراء والطمبارة والكادحين بيوت من طين محنة وريدة نتباكي علي الرحلو شذى الياسمين علي وطناً صبح اسود دخان ودمار وحقد دفين جريح وحزين علي وطن صبح مقسوم وكل الفيهو بتضارو خوف من خوف من الحاكمين نقد ما مات ولا حميد ولا وردي يمين عايشين ********* تعال نحسب ثواني عمرنا بالاحداث من مارس واكتوبر ولي ابريل ******* رجال مدو مد الشمس كلماتهم وبي اصواتهم وضجو نشيد وشالو الصفقة والدوباي وعمرو في دواخلنا اجمل بيت ********** دحين خلونا دون ميراث؟ كضب البقول فاتونا هديل قاعدين يا سودانا ما تحزن فاتو رجال وما فاتوك وجوك رجال ما بنسوك ولا بد يكتمل مشوارنا يا تاريخ ****** يا نيلية ما تبكي ويا ندوشنا رشي الحوش واقيفو اعرضو ود عثمان وناس عزو بلدنا الباقي بي عزو وما بتقيف مسيرتنا وما برحل بفوتنا عزيز ****** منو القال نقد بيموت منو القال رحل حميد منو القال وردي فقيد ****** مافي بلد بيرحلو منو صناعو وما في بلد بموتو بخلو اسيادو *********** __________________ التوقيع محجوب حزناً على حميد و نقد و وردي ودينكم كم علينا ؟