قناة النيل الأزرق تروج للعلاقات المشبوهة .. اما من وجيع ..

Quote: اول حاجة قبل ما تقرا الهراء الحايتكتب هنا خت في بالك كم حاجة مهمة انا لا مستعدياك ولا بعرفك زي ما قلت انت ولا عندي معاك شئ شخصي وما بيجمعني بيك شئ غير سودانيتنا وغير المنتدى ده والشئ البنكتبه انت او انا هنا ده بس عشان تقراني بدون تصورات اما بخصوص موضوع الخلاف وعشان تستوعب هدفي من مداخلاتي عليك ده منتدى بتتكتب فيه كمية من الموضوعات بعضها بتتكتب من ناس متخصصين وبعضها بيتكتب من ناس ما عندهم علاقة تخصصية في البيكتبوا عنه وديل بيكتبوا مجرد الراي الشخصي ويا وجدوا الدعم يا وجدوا العكس ولما شخص يجي يكتب عن رسومات ويعرضها هنا بنقرا كلامه ونشوف رايه ولو لقيناه شخص ما ليه علاقة بفن الرسم بيهمنا بس مضمون الكتبه ويا اتفقنا معاه يا اختلفنا اما لو الشخص ده كان فنان ولا طالب في كلية الفنون الجميلة فبيبقى المعيار الاستخدمه في طرحه لازم يكون مقنع وبيؤهله لابداء راي في الرسومات الجايبها هنا يتكلم عنها ونفس الكلام ده بينطبق على الجايي يكتب عن مغني لما زميل في المنتدى ده يجي يقول صوت الفنان حمزة سليمان فارق بشوف وانا بقرا اول شئ لو الشخص ده موسيقي وعنده علاقة بالموسيقى وفي الحالة دي بيهمني طرحه يكون مقنع وبيسنده سنده العلمي التخصصي اما لو مجرد زميل ما عنده علاقة بالموسيقى فبقرا وبمشي ونجي لموضوعك انت عن النيل الازرق لما قريت مداخلتك ما لفت نظري راي الشخص الزميل العادي الجايي يكتب راي في برنامج وانما هماني راي الشخص الانا قارية في كم حتة انه صحفي واعلامي وما عارفة كنت حقيقة الحاجة دي فاثار انتباهي اكتر تعليقك عن مقدمة البرنامج تسابيح مبارك خاطر الانت قلت عليها غبشاء اعلاميا ولو انت الكنت قلت الكلام ده او قاله اي شخص اعلامي غيرك كان رد فعلي انا الطبيعي اني اشوف طرح الشخص ده مقنع ولا لا عشان انت متخصص وجايي بتطلب سند وبتسال لو ما في وجيع فلما القى الشخص المتخصص الجايي يوصف زميلته الاعلامية انها غبشاء لما القاه ما بيعرف الهمزة بتتخت وين ومتين ولا بيعرف الفرق بين الالف المقصورة من الياء وما بيعرف الذال من الزين بيبقى ده شئ ملفت للنظر بالنسبة لي انا القارئة الانت كتبت ليها جيت وسالتك باسلوبي الاستفزازي التهكمي المهم اسلوبي الما عجبك ده ما شتمتك ولا اسئت ليك سالتك شغال شنو وما رديت وعملت انت مداخلة جديدة كلها اخطاء لغوية واملائية وانا ما ضليعة في العربي زي ما قلت انت لكن على قدر البعرفه كنت عارفة لو انت كاتب صاح ولا غلط كتابتك ما كانت كتابة اعلامي او صحفي يقول راي في زميلة وبلادنا وشعبنا بيعانوا من الحاجة دي شديد عشان بقت في كمية من الناس بتتخرج وبتشغل وظائف هي ما مؤهلة ليها تاهيل كامل ولا حتى ربع التاهيل الكامل انا اكتب بدون همزة اغلط اسوط الدنيا ما مهم عندي عشان انا ما طارحة روحي اعلامية ولا مصححة ولا حاكمة على اداء الغير اما انت الصحفي الاعلامي الجايي تقول راي في قناة اعلامية وفي زميلة اعلامية مفترض تكون حريص على اقناع القارئ وتكتب بمهنية وده غير انك موضوعك هنا كان اقناع القارئ بسفاهة قناة النيل الازرق البتروج لشئ لا يرتضيه مجتمعنا فهل انت البتدعو للشئ ده طبقت ده على روحك وعرفت ترد علي بالشكل المفترض بيه يكون مقنع في دعوتك؟ يا ربي رايك في روحك شنو طالما عندك راي في القناة؟ بالنسبة للغتك الاستخدمتها في الرد علي فده متوقع وطالما الامر كتابة وكيبورد فبكتفي بالرد عليك بما سبق وحاظل اقول رايي في اي شئ يتكتب هنا وبالطريقة البتناسبني طالما قلت انك ما كفؤ وما مؤهل وما متعلم اما لو جيت قلت عليك غبي ولا حمار ولا اي نوع من انواع الاساءة ليك الحق في الوقت داك تركب اعلى ما في خيلك وحايكون معاك الف حق اما كتابتك كصحفي وكاعلامي وكناقد صدقني تسابيح مبارك خاطر الاعلامية الغبشاء حسب رايك تديك دروس عشرين سنة لقدام حتى تصل مستواها وانا هنا بتكلم عن اعلاميا ولغويا عشان ده موضوعي ما موضوع شنو البرنامج الاتقدم في القناة ولا الاراء الطرحت ولا اتقالت في البرنامج كلمة ستك كانت رد على سؤالك ايمان دي شنو؟ صدقني لو قل ايمان دي منو كنت رديت عليك رد تاني لكن عشان شنو دي بتتقال للاشياء ما للناس كان ردي انه الشئ ده ست بالنسبة لشخص زيك