|
من أرشيف عصام أحمد: أنا شفت ناس عملت كروش..بس ماشفت بعوضة بجضوم!!
|
حرامية كلهم..
وروني إيه ذنب البعوضة؟؟ .. تاني أبدا ما بلوما !
لما تدخل جوه أوضة وتبدأ في حملات هجوما
فاطمة مولودة بملاريا! وميري "بدرب" تم يوما!
قالوا : أدفــع للنـظــافة.. وبرضو للبيئة ولزوما..
ونحنا كل شهر بندفع!! إنعل أبو الصحة و"رسومـــا"
أنا شفت ناس علمت كروش بس ما شفت بعوضة بجضومــا!
وروني إيه ذنب البعوضة؟ تاني أبدا ما بـلــومــا..
دمي ما عند البعوضة دمي ماصاااااهو الحكومة..
وبرضو بنحارب بعوضة ولسه زايدين في الخصومة!!!
تاني لو دقيتوا بابنا.. وقلتوا أدفع للمجاري ولي ردوما..
أنا أبقي طرطور..يا حكومة . . .
أبقي بومة..
|
|
|
|
|
|