|
|
 Re: المغترب السوداني بي القديم وبي الجديد.. (Re: عمر الفاروق)
|
عمر الفاروق
سلامات
فى الزمن اللى كان فيه المغترب والاغتراب عندو هيبة ماديا واجتماعيا فى المجتمع , الشباب اللى بيمنوا انفسهم بالاغتراب كان بيقولوا ( السعودية ترفع بيتا لا عماد له والعلم يهدم بيت العز والشرف) وهنا السعودية رمز للاغتراب , والكلام ده كان فى الفترة من سنة 1975 الى سنة 1986,و فى الفترة من 1986 الى 1999 و بعد ما اغتربوا بقوا يقولوا ( الاغتراب ما بيغنيك, لكن بيستر حالك ) وسؤالى ليك هل مازال الحال مستور فى الغربة او من الغربة وبالذات الخليج ( الغربة التقليدية) ؟
بالنسبة لاغتراب النوبة هربا من الاستعمار , اول مرة اسمع منك الكلام ده , لكن عندما اغتربوا بداوا الاغتراب بمصر من زمن بعيد, يمكن من تعشرات القرن الماضى و الخليج (السعودية) من النصف الثانى من الخمسينيات , ووالدى الله يرحمه بدا الاغتراب بمصر فى الثلاثينيات وختمه بالسعودية عام 1972والسعودية مشى ليها من مصر عام 1956 وجيل الوالد اغترابهم كان فى جده , يعنى زمان ماكان بيعرفوا الرياض والمدن الشرقية الاخرى , لدرجة الزول الجاى من السعودية الزمن داك , كان بيلقبوه بالجداوى , نسبة لجده , وفعلا كلامك صح فى الزمن داك السودان كان احسن حالا من السعودية حسب كلام ابوى , كان بيقول لينا تحويل 1000 ريال سعودى كان بيعادل 20 جنيه سودانى والكلام ده فى الستينيات , ولدرجة السودان كان بخيره فى الزمن داك وفى المقابل السعودية ما كانت مغرية , ابوى من الذين رفضوا التابعية السعودية , واليوم دفعة ابوى هم واولادهم واحفادهم يحملون التابعية السعودية ويمتركزون الان فى جدة فى كيلو 7 و6 ومن ابرزهم المرحوم سيد على قاضى وشقيقه سوركتى ( حفير - مشو).
|
|
 
|
|
|
|
خالد حاكم
فيس بوك
تويتر
انستقرام
يوتيوب
بنتيريست