|
Re: حتى متى ونحن لا نعرف قيمة مبدعينا حتى نفقدهم(عبد الله محمد زين)؟؟ (Re: Tragie Mustafa)
|
Quote: انا ام درمان انا السودان
انا ام درمان انا السودان انا الدره البزين بلدي وكلمه انا ما بتقدر وما بتنستر وقاسيه علي اللسان وبدرب السيل ما بتنحدر لكن انا ام درمان انا بقدره وانا بستره وبعرف حقوقه واقدره واوريك كمان سر البيان انا الحقيقه وانا الوثيقه وانا التراث وانا الاساس وانا الركيزه الساسه ناس علي كل حال انا بفتخر وانا بختصر وانا بزدجر واهتف اقول انا بت سيول منحدره من اشرف مكان انا الحقيقه وانا الشريعه وانا الطريقه وانا البيان انا ام درمان ............................... انا ام درمان لسان حالك اريتك تدري بحالي انا القدرتا احوالك وحبك بدري اوحالي اقوم باعظم الادوار واكون الساحه للثوار وابقي البقعه للاحرار وامثل عزة السودان ................................ انا ام درمان سليلة السيل قسمت الليل وبنت صباح انا الولدوني بالتهليل وهلت فوقي غابه رماح انا الطابيه المقابله النيل وانا العافيه البشد الحيل وانا القبه بالتضوي الليل وتهدي الناس سلام وامان
انا ام درمان نصرت الدين وكنت فدايه للإسلام روحوا حولي ناس صادقين فناهم في حياتي غرام زانو المبدا والفكرة وخلدوا اعظم الذكري ودخلوا المدرسة الكبري ونالوا شهادة الإيمان ................................... انا ام درمان سقاني النيل رحيق العزة من كاسو انا اللي مجدوا كنت دليل وراية وحده لي ناسو انا الفي الشاطئ الغربي وموت غردون مهر حربي انا النيل الطانا ام درمان انا الواحه وري البسقي والعطشان بروقي تضوي لواحه وتهدي الساري والضهبان وردو وشدوا فوقي الناس ونادوا بقيه الاجناس للتعمير بقيت مقياس وللتقدير بقيت ميزان ........................................ انا ام درمان دا تيلادي البشيل اسمي انا القدمت اولادي شرافه وسيف علي وسمي وكنت القوة والحولة وفزت وحزته بالجولة وكنت الرايه والدولة وفي التاريخ بقيت عنوان ....................................... انا ام درمان أصليه ومرسوني رجال اراتي القدرة والتقديس وغايتي تسابق الآجال اقلب في ربوع داري ونفسي تسابق اقداري اريتم يعرفوا مسداري ويخلو زمامي للفرسان انا ام درمـــــــــــــــــــــــانلب قربي ومزج بكافه الالوان
|
ورثاه اخونا جني بهذه الكلمات:
Quote: يا عاشق ام درمان وسودانها أ والسودان وامدرمانه ان شئت .يا من اسهمت فى صياغة وجداننا الوطنى بهذه الخريدة الفريدة التى ماهت ام درمان والوطن حتى غدت نشيدا ولحنا عذبا فى شفاهنا تختلج نفوسنا وتخفق قلوبنا وتقشعر ابداننا عند سماعها وكاننا نستمع للسلام الجمهورى السودانى وانت رحلت عننا بدنا فستبقى انا ام درمان لحنا شجيا فى شفاهنا تذكرنا بك وبالوطن الذى احببته واحببناه واحببناك لأنك أحببته
ليؤنسك الحنان المنان فى وحشتك وليكرم وفادتك وليجعل الجنة متقلبك ومثواك وليبدلك دارا خيرا من دارك واهلا خيرا من اهلك جنى |
|
|
|
|
|
|