لعشاق الطمبور: بعض أغنيات الفنان محمد كرم الله

الطيــــــف
كلمات: محمد سعيد دفع الله
غناء: محمد كرم الله

حتى الطيف رحل خلاني ما طيب لي خاطر
أما النوم أبا وجافاني .. وأصبح داجي ساهر
******
قليل يا طيف أقيف وأرجاني .. وين فايتني عابر
شن حارس وراك أنا تاني .. ياني معاك مسافر
******
لا لا .. لا تقول لي .. كدي استناني .. أمشي وأجيك باكر
يبقي أنا ما ألم فيك تاني .. مين عارف المصاير
******
هاك اسمع رنين الحاني .. وأبقى معاي سامر
خفف لي قليل أحزاني .. ياما أنا عشت صابر
******
شوف كيفن يسوي زماني .. ديمة علي جاير
آه مر العذاب وراني .. سهمو في قلبي غاير
******
شوف الليلة كيف بستاني .. دا الكان باشي ناضر
من حر السموم بيعاني .. طيرو يفر يهاجر
******
جف يبس صبح صناني .. لافح حرو كافر
عدمان الضليل سواني .. مجنون قالوا شاعر
******
كل ما تمر تعدي ثواني .. منو اسراب تغادر
رحلوا الفيهو صر وحداني .. نازل ومرة سادر
******
أحوم .. أرجع .. أصد لبكائي .. مقطوع راسي حاير
وين أحبابي وين خلاني .. آه يا الله قادر
******
ما عارف العلي تراني .. فوق كرعي ساير
وأسكت أسوي في أوزاني .. أشعار مالا آخر
******
وات ياطيف عليك أحزاني .. لي شوية كابر
عشان خاطر قليبي عشاني .. لحظات بس تخاطر