ناذر
لقد لفت انتباهى هذا الخبر,,,
صدقنى الفكرة جيدة وستجد سوق لها,,لانها قريبة من الموتور(الدباب) قليلة الصرف وقليلة الثمن يعنى معقولة بس ب سعر 4875 جنيه سودانى تجد لك سيارة,,,طبعا نحن فى السعودية سنحرم من هذا النعيم على حد فكرتى,,لان الشارع السعودى على الرقم من جمال سلففته وخطوطه العريضة,,لكن ينقصه احترام الاخر
ستجد لها سوق فى الهند وسط الطلاب ومندوبى المبيعات,,,لكن 100 الف روبية يافردة مش كتير على ناس راجو وراميشوطبقة الشدو كاست,,,
طبعا انت تعرف السايكل ركشا المنشرة فى الهند,,احد زملاء الدراسة طور فيها وكان مشروع تخرجه يعنى عمل ليها كم ترس زيادة,,يعنى عمك الباى ساب بنصف بدال يكون قطع ليه عشرات الامتار,وقد اخد ليه رواج
وقد باع مشروع لشركة السايكلات وقتها لكن ما بعرفه وصل لوين,,
عموما نتمنى من الحكوكة ان تعوض المواطن الغلبان وتطرح ليه حقو فى البترول زفت,,,صدقنى ناس الخرطوم احسن ولكن نحن فى الاقاليم نعانى نعانى,,وضرائب قاصة الضهر,,وما بتنجح عندنا الا البكاسى موديل 80 و81 و82 لما تجى من السعودية بكون جديدة من الورقة
عاوزين حقنا زفت ياود جمعة رايكم شنو حتى نستمتع بنعمة الهنود التى لا تحصى ولا تعد
صدقنى يا نادر انا ركبت فى ركشة من بيتنا للنادى الاهلى ابقوتة,,,وهى تنطط فى الدقداق زى الضفدع
لكن روعة روعة روعة,,,رايك شنو تطلع لينا تصديق ونفتح مكتب استيراد ونعمل لينا بوست نجمع فيه راس المال من اعضاء سودانيز اون لاين,,ونعملها شركة مساهمة قبل ينط فيها واحد غيرنا
اطرح الموضوع دا للنقاش وانا بقنع ليك 50 من بورداب الرياض,,ولا تنسى ان جميع الشركات ذايعة الصيت كانت فكرة,,حتى سيارتك دى كانت فكرة
ولك خالص ودى
|
|
abuguta
فيس بوك
تويتر
انستقرام
يوتيوب
بنتيريست