|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
أوووووووووووووو
الطاهر أو ضياء الدين ميرغني ...
Quote: اولا خلينا نبارك للعروس فى الاول وبعد داك نجييك ونوصيها بيك خير مع انه ما عارف مع لسانك الطويل وسخريتك الامور حتمشى كيف ؟ |
والله عروستي ولله الحمد إتعودت علي لساني الطويل دا من زمن الخطبة داك وعرفت إسطايلي تمام التمام .. بتضرب لي تلفون بتماسخ عليها لي رب السماءْ .. باكتر كلاما معاي بقول ليها داير أنوم .. تقول لي : طيب ودعني بي كلمة حلوة بقول ليها : طحنية .. طوالي هي بتفهم وتقول لي : والله احسن منها ما في ومنها ننخمد ننوم
Quote: ربنا يتمم عل خير . حسع عليك دينك فى زول غيرك يجيب سعد الصغير دعاية لى عرسو .؟ بس اوع فى العرس تجيب الاسامى العجيبة البتكتبها ديك (حواء شنو .ومنو بُنية)
|
يا ضياء ..
بالمناسبة دي .. مناسبة الاسامي وكدة ..
فنانة المناسبات والطهورات وسد الاموال عوضية كوجيم مصرة إنها تجي وتغني لي في عرسي كـ تشييع منها لي مثواي الأخير وأنا طبعا ما عندي شي غير أقبل عرضها
Quote: اها جيناك للجد : ارجو ان لا يحرمنا الزواج من حيويتك ومتابعاتك وحسك الرهيف الذى بدونه البورد زى الراكوبة فى الخريف
|
دي والله أنا ما بضمنها ليك
كدي بعد ما نجي من شهر العسل بعد تلاتة أربعة سنة كدي
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
صلاح شكوكو .. الفنان ..
Quote: العريس (( ناذر محمد الخليفة )) ولعله أحد الأحلام الممتدة .. فحينما يتحقق الحلم ويلامس تراب الواقع .. تصبح الدنيا موشحة بلون الفرح ..
نتمنى أن تصدق الأحلام .... وتستحيل الأماني واقعا معاشا ..
مع دوام الإخضرار ومعذرة إن إنضممنا للمحفل في خاتمة المهنئين
|
الله يبارك فيك يا حبيب ..
بس يا ريت كلامك الفوق دا لو ترجمتو لينا بالعربي عشان جهازي ما بيدعم الهيروغلوفية
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: elnawrani margan)
|
أحمد عبد الله ..
Quote: وأنا جني و جن جعليين نمرة 3 ديل ما يقوموا يجيبوا سيطانهم و يجوا كتر ليهم من أم رقيقة عشان يتخمدوا بدري
|
صراحة كدة أنا جايب بعد الغدا في يوم العقد فنان الدلوكة عمر الحواري وانا هنا وريت كل البورداب بما فيهم الزعيم بكري أبو بكر إنهم يشدو حيلم في اليوم داك ويتجهزوا للجلد والبطان لانو الشغلة حا يكون فيها عرضة وضهرية بالطريقة الصاح
| |
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
ناذر العريس تحياتى وحاتك لا بنعرف ننقل الورد نجيبو هنا ولا كروتكم السمحه دى يعنى بس بنفك الحرف فى الكمبيوتر وهذا الفضل من الله.. لكن بنقول ليك بخيت وسعيد وبيت مال وعيال كم وددنا ان لو ان نكون معكم ولكن تلك هى المشئيات وبعدين كلام مولانا اسماعيل ما ترمى واطه كان فى طريقه لو عملت العرس فى 07/07/07 بكون اجمل وبتعمل ليك تاريخ مسبوق ومافى زول عايش حا يعملوا بعدك المهم حار تهانينا ليك والعروس ودمتم،،،،
| |
|
|
|
|
|
|
|