|
Re: في أخطر تصريح له بعموده الراتب في الرأي العام :حسين ملاسي ينتقد الحاج وراق !! (Re: عبد المنعم سليمان)
|
يا عبد المنعم
تتذكر قبل فترة كدا إنت ظهرت في صورة مع الحاج وراق في مناسبة في الخرطوم (الظاهر في بيت أبو ساندرا). ها بتاع الشظايا دا قام كتب ليك وقال ليك ما معناهو إنو الصورة دي مكسب كبير ليك عشان اتصورت مع الحاج (طبعا فيها تهكم عليك لن يكون فات على فطنتك). من الزمن داك أنا عرفت إنو الزول دا معجب ومعقد عديل من إمكانيات الحاج وراق الصحفية. لكن الإعجاب دا انقلب لي حسادة ليه ما باعرف.
اها طالما ناس الراي العام جابوهو يكتب ليهم حقو برضو يبجيبو أبو رزقة في محال وزيري.
لكن عنوان العمود فعلا خطر عديل. يعني كأنك في بعقوبة.
| |
|
|
|
|
|
|
Re: في أخطر تصريح له بعموده الراتب في الرأي العام :حسين ملاسي ينتقد الحاج وراق !! (Re: ALI KHAIR)
|
Quote: وعلى ( راسهم ) كيكي |
سلام يا تمبس وبركة الجيت بركة الجيت.. وانت عارف ياتمبس (كيكي) الان صار (كيكيان)..كيكي ما قبل العمود وده كان (كيكي) فاره داقس (مخ خربان) وكيكي بعد العمود وده بقي كيكي (الخاتي) سفة بمزاج ومتجدع جديعة السنين ومنتظر (الكور المرتدة) الرباعية الشظايا من الصحفي التاريخي (ابوعلي) وكل الشغل القادم مع (ملاسي) سيكون تحت عنوان (ملاسي (عمر اومو) الصحف السودانية)...ومين زي انا يا تمبس ده عمود هدية من السماء بس الناس تسوي صبر..
| |
|
|
|
|
|
|
Re: في أخطر تصريح له بعموده الراتب في الرأي العام :حسين ملاسي ينتقد الحاج وراق !! (Re: ناذر محمد الخليفة)
|
يا ناذر الحمد لله الفكيت الصرة فى الصورة الفاتت وسامع انك على قبايل عرس والتحية لى حسين ملاسى لانو السبب الرئيسى فى تغيير الصورة لكن مسعول من الخير حسين ملاسى ده بقصد بى فنان الشعب(كل الشعب) انو وردى انتقل من شعب لى شعب تانى هو كل الشعب(هم زبدة المجتمع رئاسة الجمهورية ووزارة الدفاع) فى احداث قومية وطنية كبيرة(سماية مرة عبدالرحيم حسين)بدل ما كان يغنى للاتحادات الطلابية والمهرجانات الجماهيرية الكبيرة,مبروك لى وردى الاصدقاء الجدد (كل الشعب كما قال ملاسى) وزى ما قال وردى ليناس الانقاذ لو كنا بنعرف انكم بتحبوا الغنا ما كان مرقنا خلينا البلد
| |
|
|
|
|
|
|
|