|
Re: نقاقير سودانية/تراث الجوامعة:الوجه الآخر (Re: Kabar)
|
ول ابا عمر عبد الله ..حبابك يا صديقي وعليكم السلام ، كتر خيرك على المرور هنا ، والإضاءات الجميلة المفيدة ، وهي مهمة للغاية بالتعريف بنواحي كثيرة يحتاج الناس معرفتها.
اولا ، ومن ناحية اجرائية ، مصطلح نقاقير ليس هو مصطلح موثق ، ونستخدمه للمقاربة فقط ، ونستملحه اكثر من مفهوم الطبول ، لأن الأخير فيهو شوية رسمية قد تكون اكاديمية تحتاج اعمال واشغال كثيرة من الضبط والتدقيق. قصدي يظل المفهوم الأصح هو المتداول عند اهلنا الجوامعة في تراثهم وثقافتهم ، وهو مفهوم الدلوكة .
كتر خيرك لتقديم لمحة عن الجوامعة (مناطقهم ، اصولهم ، تاريخهم ، كياناتهم الإدارية..الخ) وهذا هو المطلوب ، فمثل هذه الخيوط غرضنا منها ان تكون مفاتيح وبدايات تلفت نظر الناس للكتابة عن ثقافاتهم المحلية.
ادهشتني فكرة وجود ثقافة (البطان) عند اهلنا الجوامعة ، وكنت اظنه فقط عند اهلنا الحمر في كردفان ، وهي ظاهرة ايضا تحتاج الكتابة عنها كثيرا..وسمعت بحكاية المداينة/الإستدانة واتكيت البطان ، حيث كل فرد بيكون ملزم يكفي/يكافي الناس ، هو عملية تبادل الشغلانة أي انجلدت ليك في مناسبتك ، بكون حاري انك تنجلد في مناسبتي وهكذا ، اضافة لفكرة أن الناس بتنجلد لأنها بتعبر عن الإعتزاز بالمحتفى به. طبعا مرة شغلت فيديو بطان في مكان العمل ، واحد الزميلات علقت بانو عشان كده السودانيين قاعدين يكوركوا طول الوكت عن التعذيب..والشغلانة اخذت مني مدة لتبيان ان هذا النوع من الجلد ليس بتعذيب وانما الناس بتنجلد بارادتها لأن ثقافتهم هكذا.
كتر خيرك على توضيح فكرة (سلطة الطمباري الأخلاقية والجمالية) وهي شبيهة بسلطة الهداي والحكامة في ثقافات البقارة ، فلا احد يستطيع اغضابهم. وحكي لي والدي عن ظاهرة البرامكة في السابق و كانت تقوم بنفس الضبط الذي يمارسه الطمباري أو الهداي أو الحكامة. ونفس المعيار يا صديقي (اكل التسالي/الفول المدمس / الأكل في السوق/الأكل قدام الناس)..كلها تكون موضوع هجاء من المغنيين المحليين (طمبارا ، هدايين ، عازفي امبربري/ربابة..الخ) . فهم يا صديقي فيهم شفافية ما عادية ، والحاجات السمحة بيدوها حقها والحاجات الكعبة بيدوها حقها برضك ، وفوق ذلك هم ذاكرة تحفظ تاريخ وقيم المجتمع المحلي.
ضروري يا عمر الناس تكتب ، لأنو لو انتظرنا القنوات والمؤسسات الرسمية ح تضيع اثار كتيرة ومهمة ، و ياريت توصوا الشباب بالتوثيق المستمر لكل الظواهر الثقافية ، لأن الجميل في توثيقهم انهم بينقلوا الظاهرة على طبيعتها ، وهو ما فعلناه مع شباب البقارة ، عشان كده مواد كتيرة اصبحت متاحة.
شايف ناس القنوات السودانية ، بقوا يهتموا بالبحث عن الحاجات ، لكن زي ما عارف دايما بيجيبوا ناس المدينة ، وهو برضك كويس ، يعني الكحة ولا صمة الخشم.
التحية لفناني المفضل ود البكري ،و الى اصدقائي ايام الدراسة بجامعة الخرطوم ، تجاني زين العابدين وشقيقه الدسوقي (الإتنين خريجين اقتصاد) ، وصديقاتي وزميلاتي من دفعتي بكلية القانون الأستاذة انتصار باهي المكي والأستاذة اشراقة بشير عمر.
كتر خيرك على المرور ويا ريت تواصل معانا هنا..
ودمت
كبر
|
|
|
|
|
|
|
العنوان |
الكاتب |
Date |
نقاقير سودانية/تراث الجوامعة:الوجه الآخر لمصعب مصطفى (من شهداء ثورة 2013)..!! | Kabar | 02-10-16, 07:47 AM |
Re: نقاقير سودانية/تراث الجوامعة:الوجه الآخر | Kabar | 02-10-16, 08:21 AM |
Re: نقاقير سودانية/تراث الجوامعة:الوجه الآخر | Kabar | 02-10-16, 08:27 AM |
Re: نقاقير سودانية/تراث الجوامعة:الوجه الآخر | Kabar | 02-10-16, 08:30 AM |
Re: نقاقير سودانية/تراث الجوامعة:الوجه الآخر | Kabar | 02-10-16, 08:33 AM |
Re: نقاقير سودانية/تراث الجوامعة:الوجه الآخر | Kabar | 02-10-16, 08:57 AM |
Re: نقاقير سودانية/تراث الجوامعة:الوجه الآخر | Kabar | 02-10-16, 09:08 AM |
Re: نقاقير سودانية/تراث الجوامعة:الوجه الآخر | Kabar | 02-10-16, 10:16 AM |
Re: نقاقير سودانية/تراث الجوامعة:الوجه الآخر | Kabar | 02-10-16, 10:33 AM |
Re: نقاقير سودانية/تراث الجوامعة:الوجه الآخر | Elmoiz Abunura | 02-10-16, 11:22 AM |
Re: نقاقير سودانية/تراث الجوامعة:الوجه الآخر | Kabar | 02-11-16, 07:21 PM |
Re: نقاقير سودانية/تراث الجوامعة:الوجه الآخر | Kabar | 02-11-16, 07:25 PM |
Re: نقاقير سودانية/تراث الجوامعة:الوجه الآخر | Kabar | 02-11-16, 07:44 PM |
Re: نقاقير سودانية/تراث الجوامعة:الوجه الآخر | Kabar | 02-11-16, 08:49 PM |
Re: نقاقير سودانية/تراث الجوامعة:الوجه الآخر | Kabar | 02-12-16, 08:59 AM |
Re: نقاقير سودانية/تراث الجوامعة:الوجه الآخر | Kabar | 02-12-16, 09:23 AM |
Re: نقاقير سودانية/تراث الجوامعة:الوجه الآخر | Kabar | 02-12-16, 09:32 AM |
Re: نقاقير سودانية/تراث الجوامعة:الوجه الآخر | Kabar | 02-12-16, 09:45 AM |
Re: نقاقير سودانية/تراث الجوامعة:الوجه الآخر | Kabar | 02-12-16, 09:52 AM |
Re: نقاقير سودانية/تراث الجوامعة:الوجه الآخر | Kabar | 02-12-16, 10:16 AM |
Re: نقاقير سودانية/تراث الجوامعة:الوجه الآخر | Kabar | 02-12-16, 10:46 AM |
Re: نقاقير سودانية/تراث الجوامعة:الوجه الآخر | محمد الأمين موسى | 02-13-16, 05:35 PM |
Re: نقاقير سودانية/تراث الجوامعة:الوجه الآخر | Omer Abdalla Omer | 02-13-16, 07:49 PM |
Re: نقاقير سودانية/تراث الجوامعة:الوجه الآخر | Kabar | 02-14-16, 06:11 AM |
Re: نقاقير سودانية/تراث الجوامعة:الوجه الآخر | Kabar | 02-14-16, 06:16 AM |
Re: نقاقير سودانية/تراث الجوامعة:الوجه الآخر | Ibrahim Ayad | 02-14-16, 07:12 PM |
Re: نقاقير سودانية/تراث الجوامعة:الوجه الآخر | Ibrahim Ayad | 02-15-16, 01:45 AM |
Re: نقاقير سودانية/تراث الجوامعة:الوجه الآخر | Ibrahim Ayad | 02-15-16, 02:36 AM |
Re: نقاقير سودانية/تراث الجوامعة:الوجه الآخر | Kabar | 02-15-16, 06:56 AM |
Re: نقاقير سودانية/تراث الجوامعة:الوجه الآخر | علي عبدالوهاب عثمان | 02-15-16, 07:01 AM |
|
|
|