|
|
 Re: القنصــلية العامــة بجــدة .. ماذا تقــول عن نفسـها وماذا يقـول المغـتربون عنها؟؟ (Re: اساسي)
|
Quote: اولا المعروف ان الجالية السودانية الموجودة في المنطقة الغربية والمارين بيها ومحتاجين خدمات القنصلية بجدة يعبروا من اكبر الجاليات الموجودة لسودانين حول العالم ... خلينا نتكلم علي شكل القنصلية ومبني القنصلية (الفضيحة)
حقيقة شخصيا اعتبر مبني القنصليةا لسودانية القديم المتداعي بمثابة ( احراج) شخصي لكل سوداني مبني (يعر) مبني اقل ما يمكن وصفه بانه زيادة في اذلال السودانين المقيمين في جدة حين تكون كل القنصليات والسفارات الموجودة بجدة من المباني الجديدة والتي تعكس روح بلدانها الا المبني القنصلي السوداني والذي اظنه يعكس واقعنا ايضا بالداخل ...
مبني قديم متداعي اثار الرطوبة والخرائط الملحية والتشققات علي حوائطه موجود في منطقة الثعالبة اقدم احياء مدينة جدة الشعبية جدا وسط الازقة والحواري البائسة وسط مجمعات الشحن والتفريغ . والترلات . كل القنصليات الاخري موجودة في احياء جدة الراقية او علي الاقل الوسط .. ولكن نحن نصر علي المحافظة علي الارث الموروث كاقدم قنصلية في جدة حينما نضيع تراثنا واثارنا بالداخل نحافظ علي هديم حوائطنا ومهتريها بالخراج كوجه يحدث عنا .
هنقر او راكوبة بامتداد حوش السفارة للمعاملات القنصلية للمواطنين صفوف طويلة من المعقبين علي معاملاتهم ساعات طويلة تضيع في الشبابيك ... مع العلم ان نظام العمل في السعودية يخصم كل ساعات الغياب التي يقضيها المواطن في شبابيك السفارة التي اقل معاملة فيها تحتاج يوم او يومان .
امام القنصلية العجب العجاب ... سراويل عراريق طواقي علي قارعة الطريق شرايط كاسيت لمغنين سودانين واشياء اخري للبيع ..رغم ان هناك باب شريف علي بعد خطوات من المكان فيه كل المنتجات السودانية الا اننا نصر علي عرض بضاعتنا امام قارعة السفارة المنظر الذي لا تجده في اي سفارة اخري او قنصلية او حتي مكتب شحن .
ما مررت من امام السفارة ومعي زملاء عمل او بعض الاصدقاء من غير السودانين حتي طأطات راسي خجلا وانا اسمع التعليقات اللاذعة منهم
يازول شوف خرابتكم ... يازول ما عايز ليك سروال من السفارة .. يا زول يازول وكثير من التعليقات السخيفة ..حتي انه اصبحنا نتجنب المرور من امام القنصلية . |
|
|
 
|
|
|
|
|
| |
إدريس البدري
فيس بوك
تويتر
انستقرام
يوتيوب
بنتيريست