|
Re: هنــــ الســـودان ــــــا (Re: sudania2000)
|
قالت سناء خالد
اسئلة بسيطة: شنو مشكلتنا احنا السودانيين مع الجمال ؟؟؟ ليه دائما بنحاول نشوه حاجاتنا الجميلة ؟؟؟ ليه دائما بنجيب مقص صدئ ونقطع بيهو رقعة من توب الفرح؟؟؟ ليه بنعمم الخاص وبنخصص العام ؟؟؟
شنو مشكلتنا احنا السودانيين مع النضافة ؟؟؟ ليه بنحب ننشر الوسخ ونخفي السطح البراق ؟؟ ليه لمن نشوف قطعة قماش بيضا بتجينا رغبة ننثر عليها الطين ؟؟؟ ليه بنحب المستنقعات بمويتها الراكدة وتماسيحها ... وبنتفادى الانهار الجارية بحلاوتهاونقاوتها ؟؟؟
شنو مشكلتنا احنا السودانيين مع الفرح ؟؟؟ ليه قبل ما فرحتنا تتم بنحاول نغتالها ؟؟؟ ليه قبل ما ضحكتنا تطلع بنطلق عليها الرصاص ؟؟؟ ليه وقت الزغرودة ببدا النواح ؟؟؟
طيب على الاقل كنا نخلي الشابة الحلوة الطلعت احسن ما فينا تسافر ... وبعدين يبدا فتح الدفاتر وتصفية الحسابات ... عشان تسافر وهي لسة فرحانة وفخورة ومطمئنة ...
ليه قبل ما تسافر بيوم عاوزين نهز ايمانا بكل شئ .. حتى بالامل ؟؟؟
احيييييي منكم يا ناس بلدي ... شتر في اي شئ ... والله كرهتونا حتى في الفرح زاتو ...
تمشي وتجي بالسلامة يا غادة ... وانشاء الله ما تقري الكلام دة قبل ما تسافري ...
الوريف الندي زي فجر الصباح
خـــ ماساــــالد
الراقي و القريب معروف حمدين
الواعية رندا حاتم
الجميلة أنعام
الصديقة سمية
المصادم منعم
العزيز معاوية كرفس
الرقيقةسمرية
النعومة
وكل العقد الفريد
صحيح انني لم التقيكم
وصحيح ان يدي مدت اليكم ولم تفلح مثلكم
و قصرت بنا ذنوبنا ان نكون مثلكم
لكم نقول
أنتم أجمل من خلق الله
قلوبا تشع بالجمال
تترك اعمالها وطلب رزقها
لتحنو علي من ليس لها قرابة دم بهم
لعمري انتم ملائكة تمشي علي الارض
كونوا بكل الجمال
وكل السودان يعرفكم
رمزا للامل
وبريقا للضياء
كونوا بخير
ولكم كل قلبي
يخفق بكم ولكم
اعجابا و ثناء
كونوا بخير يا كل الخير
كونوا كالنخلة اذا رميت بالحجر رمت الثمر
لكم الله فيما أنتم فيه
و خالص حبي و مودتي
|
|
|
|
|
|