|
|
 Re: بين شرطة امن المجتمع وشرطة لبع المجتمع وفي الحالتين انا الضايع (Re: د.محمد حسن)
|
يا د. محمد حسن والله الليلة إلا تقوم جاري
طبعا الفساد في الدوائر الحكومية بخلعك يعني تلقى العسكري بلبع وبأكل الضابط ولو عندك قروش (ضحاكات ، قنذب، صفق ، تشجير) ممكن الضابط يجب ليك كبدة غزال (الغزال عنو كبدة!!؟) المهم
أخوي كان مسافر السعودية وكان مفروض يعمل الفيش والتشبيه لكن ما عندو وقت ... قلت ليه كدي جيب القروش أنا بمشي أعمل ليك الحاجة دي ... قال تعمل شنو الشغلة فيها بصمات وما في شبه بيني وبينك ... المهم قلت أديني الصور ووالقروش ومشيت...
طبعا بتجس النبض انت بتشوف أكتر عسكري حركي فيهم وتمشي عليه ...لقيت لي واحد كدة من أولاد الثورة (ما ثورة الانقاذ) قال لي ما عندك مشكلة لكن تتسهل معانا بعدين أوكيّّ!!
أها أخوي دة ما بشبهني والبصمة ما بصمتوا وأنا بصمت ليه بالعشرة والصورة قدام الضبط وبعاين ليها وبعاين لي وما في شبه ... وبعد ده وقع والمعاملة انتهت !!
صحبك العسكري نرجع ليه ... الإجراء كان بكلف حوالي 33 ألف جنيه سنة 98 قمت حاولت أحنكه كدة وقلت ليه والله يا بن العم دي قروش الرسوم ودي ألفين جنيه وربنا يديك العافية
صاحبك هاج وقال لي ألفين .. والله يديك العافية !!! أسمع يا خوي أنا عافية من غير قروش ما داير بتدفع عشرة ألف ولا أمشي ألغي ليك دي وألبسك تهمة تزوير وتغمص شخصية !!!!
القصة انتهت
العسكري البطل ده لاقيته سنة 2000 بالصدفة في حفلة في مدينة الدمام لمن كنت في السعودية واتخيل !! كان هو الفنان واسمه منو كدة الثورة... الفنانين بتاعين الغنا ا
.
كفاية ... حرام.. حرام .. كفاية بري
شكرا
أمير
برجع ليك أنا .. حتروح من ربنا فين!!
|
|
 
|
|
|
|
|
| العنوان |
الكاتب |
Date |
| بين شرطة امن المجتمع وشرطة لبع المجتمع وفي الحالتين انا الضايع | د.محمد حسن | 04-30-07, 07:01 AM |
| Re: بين شرطة امن المجتمع وشرطة لبع المجتمع وفي الحالتين انا الضايع | Ammir Mohamed | 04-30-07, 09:41 AM |
| Re: بين شرطة امن المجتمع وشرطة لبع المجتمع وفي الحالتين انا الضايع | د.محمد حسن | 04-30-07, 12:55 PM |
| Re: بين شرطة امن المجتمع وشرطة لبع المجتمع وفي الحالتين انا الضايع | د.محمد حسن | 05-01-07, 07:31 AM |
| Re: بين شرطة امن المجتمع وشرطة لبع المجتمع وفي الحالتين انا الضايع | ابو جهينة | 05-01-07, 12:03 PM |
| Re: بين شرطة امن المجتمع وشرطة لبع المجتمع وفي الحالتين انا الضايع | د.محمد حسن | 05-02-07, 10:58 AM |
| Re: بين شرطة امن المجتمع وشرطة لبع المجتمع وفي الحالتين انا الضايع | خالدة البدوي | 05-01-07, 12:57 PM |
| Re: بين شرطة امن المجتمع وشرطة لبع المجتمع وفي الحالتين انا الضايع | د.محمد حسن | 05-02-07, 11:00 AM |
| Re: بين شرطة امن المجتمع وشرطة لبع المجتمع وفي الحالتين انا الضايع | Ammir Mohamed | 05-03-07, 09:06 AM |
| Re: بين شرطة امن المجتمع وشرطة لبع المجتمع وفي الحالتين انا الضايع | Ammir Mohamed | 05-03-07, 09:06 AM |
|
| |
فيس بوك
تويتر
انستقرام
يوتيوب
بنتيريست