هل "شطارة" السودانيين كذبة كبيرة؟

Quote: هذه فقط صورة مصغرة لدائرة اوسع هي السودان وسيد الشواهد ما نعيشه يوميا: 1- فلان احتار الاطباء في تشخيص مرضه سنين، مشى القاهرة/ الاردن اسبوعين لقوا عنده كدة وأسة جاء راجع كويس. (هوووي التشخيص ما ليه علاقة بالامكانات والسياسة). 2- كُبري / مبنى وقف عليه أمهر المهندسين واسة واقف ليه سنين.. لييه؟ مكانه غلط/ أساسه ما صحيح…. الخ 3- منبرنا (العزيز) دة ذاااتو ما اكبر شاهد الكل مقتنع انه القصة دي ليها سنين شغالة ولا بتودي ولا بتجيب وبرررضو كل زول مُصر انه يفرغ الفي راسو دة لو الباقين يسمعوهو ولا لأ. يحدث ذلك وفي نمرة واحد عندنا احسن الاطباء .. وفي اتنين احسن المهندسين.. وفي تلاتة احسن الكُتّاب والعقول (واذكر المهن ولا اقول الكفاءات لان الكفاءة هي ما اتحدث عنه).