|
|
 Re: كمال الجزولي...في حوار صحفي (Re: nadus2000)
|
شكرًا العزيز نادوس
رحم الله عبد الهادي الصديق
وتحياتي للاستاذ كمال الجزولي
لي معه موقف لم انساه الى الان
التقينا بالمعتقل منتصف التسعينات
بينما نحن فيها بعد مغربٍ ما ، حضروا كلاب الامن ينادون علي بأن جهزّ نفسك
وهذه تعني واحة من ثلاث إما إطلاق سراحي
او الانتقال لتحقيق
او لحفلة تعزيب
همس لي كمال داسًا في جيبي 500 ريال وقال : الجماعة ديل يمكن يفكوك وتخرج وعادة لن تطلع قبل منتصف الليل بعد تحقيق طويل ختامي لو فكوك متأخر ما تحوم في الخرطوم برجولك تركب سريع مواصلات لانو ممكن تلقاك اي جهة امنية او شرطية وياخدوك حتت تانية ولو ما لقي تمواصلات تنوم مع ( العرب ) الفي السوق العربي جمب الوكالات او الدكاكين في العناقريب معاهم ديل ناس شهمين وبيضيفوك الليلة ولو ما قدرت تمشي لي صحبي ( فلان ) ووصف لي منزله في قلب الخرطوم وتقول ليهو انا جاي من كمال وهو عارف اني معتقل
شكرت الاستاذ كمال ومشيت مع الجماعة وخاب ظنه لانو رجعوني قبيل منتصف الليل للزنزانة التي كنا فيها حوالي ال40 معتقل في مساحة 10امتار في 3.5 متر مع حمام صغير يفتح على البرنده وهي جوار مقر الخدمة الالزامية سابقًا وكان من بين المعتقلين الاخ شهاب علي يوسف وقد اتهم زورًا بتمزيق المصحف ، له التحية حيثما كان
من مواقف كمال الجزلي في المعتقل ، إجبار الحراس على السماح له بممارسة رياضة صباحية يوميا رغم ممانعتهم في البداية لكنه بحزم وحمرة عين سمحوا له كل صباح بالخروج لنصف ساعة وممارسة الرياضة
التحية للاستاذ كمال الجزولي وارجو ممن يمتلك مراسلاته مع الراحل عبد الرحيم ابو ذكرى مدنا بها والشكر مقدمًا ودمتم
|
|
 
|
|
|
|
bunbun
فيس بوك
تويتر
انستقرام
يوتيوب
بنتيريست