|
|
 Re: قصة بتاع حب بين جنوبيه و شمالي (Re: منوت)
|
صباااحاتكم بنكهة البرتقال
أنا جديد صااااح؟؟
لكن اتخيل لي ماح اقول كلام جديد
صااااح؟
ياااخي نحن شعب رهيب ..حنون..بنحب بعض
بس عارفين المشكلة شنو؟
دائما الولاية فينا تكون
لاراذلنا .. لصوصنا ..اندالنا ..
اييييييك وكمااان الناس الموش كويسسين عديل كده
عشان كده كلامهم ما بساوي عندنا بصلة
وهم ذاتهم حاجة كده زي العفونة
يلااااا منهم لله..الله يقطع طاريهم
ياخي أنا شرير اوي اوي صااااح ..؟
كلام خارج مساحة الزمن المر
عَشّه .. كلّمينا
ميرى.. ذكّرينا
كل سنكى أحسن
يبقى ..مسطرينا
نحن شعب أسطى
يلا ..جيبو مونا
نبنى ..نبنى نبنى
مسرحاً..ونــــادى
مصنعــاً ..وبوسته
حرب لا لا لا لا
كبرى..استبــاليه
صالــه للثقــافــه
تســرح الغزاله
جنبها ...الزرافه
ركَ قمرى طار
قيره قيره قيره
نطَط الصغار
صفّق الترولى
طمّن ..القطار
حلقت ..وحلقت
حمامة المطار
كلّ طلقه..بينا
نحن تبقى وفر
سمسماً ..وبفره
سكراً وشاى
تترا سايكلي..
جاى وجاى وجاى
مافى حاجه ساى
كلّو عندو دِين
كلّو عندو راى
بور..وبورسودان
بارا.. والجنينه
عبرى ..ولاّ واو
حاجه مش كويسه
كلّ زول براو
هى سودانا بكره
من سودانا ناو
تكتب انت تقرا
تعرف السياسه
فى محل حراسه
حجرة الدراسه
تمشى انت تلقى
فى الضلمه..لمبه
ألف ضحكه حلوه
تسندك بجنبه
بى تمن طبنجه
أحسن الكمنجه
أحلى شتل منقه
أحسن الحليب
إيد .. وإيد وإيد
نزرع الجديد
غابة النشيد
إيد..وإيد وإيد
مافى بينا سيد
إيد..وإيد وإيد
نلحق البعيد
نحنه مش مرقنا
حته واحده جينا
جينا لى السرقنا
حقّنا..وعصينا
دمّنا..وعرقنا
ولّعوا الرتينا
*
عَشّه..كلّمينا
ميرى ..ذكّرينا
كلّ سنكى أحسن
يبقى ..مسطرينا
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست