|
Re: إشــتــقــت شــوقــا كـتـيـر مـا بـ تـوصــف (Re: samwal ebrahiem)
|
سموأل الصديق الحبيب القريب قمة الأبهار............. مـــدهــش ٌ حــقاً نــزول المـطـر بغــير أنتــظـار , ولكن الاكثــر أثـارةً للدهــشة والانبهــار
أنقـلاب الليل الي نصـف نهـار , مـا أجـمل
أن تهـوي صـبيةً تهـزم فيك أحتـمـال الوقار ....!!!!
وانا برضو .. الشوق شاقاي شقانا والما شقنا شاقانا
| |
|
|
|
|
|
|
Re: إشــتــقــت شــوقــا كـتـيـر مـا بـ تـوصــف (Re: samwal ebrahiem)
|
Quote: في غربة البلد البعيد يا يمه عاودني الحنين اشتقت ليك يا يمه شوق شوقا كتير ما بتوصف يمكن يكون قدر الحروف الحايمه فى بطن الكتب ؟ احسن أخلي بلا وصف |
السمــــــــؤل ... تحياتـــي
يا زول ما تروق المنقا وخت الكورة واطه .. الله يهداك
القصيدة جميلة والكلمات قمة في الروعة والله بس.. يا أخي الدنيا اخر سنة
عشان كدا اعفينا من حكاية الغربة والبلد البعيدة والشوق وحكاية الحروف والجروف ..
والحاجات البتوجع القلب دي والفينا مكفينا .. أديك الف عافية واصل ابداعتك يا سمسم .. المرة الجاية حاجة فرايحيك كدا من
بيت الكلاوي بالتميس لوووووووووووووووول
| |
|
|
|
|
|
|
Re: إشــتــقــت شــوقــا كـتـيـر مـا بـ تـوصــف (Re: samwal ebrahiem)
|
انا برضو معجب بالنص وعندي شوية اقتراحات
( وبسمع دعاءك جميل خلاص ) تصبح Quote: /بسمع دعاكي جميل خلاص/ |
=== يشمل عيالك وأبو العيال تصبح
Quote: يشمل حبيبك ابو العيال |
قوم يا سجم كفاك نوم تضاف الواو الي كفاك وتصبح بالدارجة
Quote: قوم ياسجم وكفاكا نوم |
======= قوم يا سمؤل خلي الكسل تصبح
Quote: قوم ياوليد سيب الكسل |
اشتقت ليك يا يمه شوق ذي شوق المزارعين للمطر تصبح
Quote: شوق المزارعين للمطر او زي المزارعين للمطر |
تحياتي لك علي هذه المشاعر الدفاقة
| |
|
|
|
|
|
|
Re: إشــتــقــت شــوقــا كـتـيـر مـا بـ تـوصــف (Re: خضر عطا المنان)
|
الاستاذ خضر عطا المنان
Quote: الحبيب : السموءل
محاولة جادة وفي الاتجاه الصحيح دون شك . |
شهادة عظيمة من انسان متمرس فى كتابة الشعر الجميل
Quote: وفقك ربي أيها الرجل الوفي .
|
أخذت الوفاء من منزلكم العامر لا تنسي بانني خريج منزلكم العامر
Quote: وتحياتي بلا حدود للوالدة الفاضلة .
|
تحياتك وصلت إيها الاصيل السمؤل
| |
|
|
|
|
|
|
Re: إشــتــقــت شــوقــا كـتـيـر مـا بـ تـوصــف (Re: Elmosley)
|
الاستاذ الموصلي
Quote: انا برضو معجب بالنص وعندي شوية اقتراحات
|
الاستاذ الموصلي اعجابك بالنص يزيدني اعتزاز وفخر
اقتراحاتك مقنعة للغاية وسوف أقوم بتنزيل النص مع أضافة اقتراحاتك .... وشهادة للزمن والتاريخ فعلا تستحق بـ جدارة عمل مكساج ومؤنتاج للشعر الغنائي
Quote: شوق المزارعين للمطر او زي المزارعين للمطر |
من راي الاحسن شوق المزارعين للمطر
السمؤل
| |
|
|
|
|
|
|
Re: إشــتــقــت شــوقــا كـتـيـر مـا بـ تـوصــف (Re: لؤى)
|
القصيدة بعد اضافة اقتراحات الاستاذ الموصلي
Quote: في غربة البلد البعيد يا يمه عاودني الحنين اشتقت ليك يا يمه شوق شوقا كتير ما بتوصف يمكن يكون قدر الحروف الحايمه فى بطن الكتب ؟ احسن أخلي بلا وصف
************
يا يمه خايناني الحروف من شدة الشوق الشديد يا يمه فاض بي الحنين هيج مشاعري بلا سبب اشتقت لي قومتك فجر ذي البتتحدي النجوم بتصلي يا يمه الصبح * ( وبسمع دعاكى جميل خلاص ) * يشمل حبيبك أبو العيال اشتقت لي صوتك كتير لمن تنادي علي فجر
***********
* قوم يا سجم وكفاكا نوم قوم صلي يا ولد الصبح ما قلت ليك بطل سهر رأسك قوي ذي الحجر * قوم يا وليد خلي الكسل بنقنق الولد الكسول يا يمه فوتي خلاص بقوم
************* اشتقت ليك يا يمه شوق * شوق المزارعين للمطر أحسن تسيبي بلا وصف اشتقت لي شاي الصباح اشتقت لي جيتك معاي لحدي باب حوشنا الكبير مولعة التيمان بخور تدعي بـ قلبا حـنـون ينقنق الولد الكسول يا يمه ما عايز بخور ( ليه يا ولد ) بـ يحفظك من عين حسود حـسود شنو وعين شنو يعني خلاص ولدك جميل يا يمه خليهو البخور دي كلام حبوبات كبار وحاشاك انت من الكبر تضحك ألام الحنون ويضحك الولد الكسول ويفضل سعيد طول الوقت وفي الختام برسل سلام سلام كتير وبالحيل قوي مليان محنه وشوق دفين مليان محنه وشوق دفين مليان محنه وشوق دفين
|
ملحوظه الابيات التي علي يمنها علامة نجمة هي الابيات التي تمت عليها اضافة اقتراحات الاستاذ الموصلي والتحيه ليك يا موصلي السمؤل
| |
|
|
|
|
|
|
|