|
|
 فى حضرة من نهوى ..تتواصل قافلة مشاركة المبدعين فى المنبر ..الاستاز الشاعر القدال مرحبا
|
حق لحليوة ان تفخر باهداء السودان الشاعر محمد طه القدال ,(حليوة قرية من قرى الجزيرة)فلم يهدر القدال حقها عليه فاتى بزكرها فى كثير من اشعاره
اعلن القدال انضمامه الى عضوية المنبر فى حفل تكريم الاخ بكرى ابوبكر فى الامارات
والقدال صاحب مدرسة ولونية خاصة فى شعره اجاد فيها فابدع ,واحسب ان القدال حردلو زماننا
هزا او ابنودى السودان ....فمرحبا به وفى انتظار مشاركاتك
|
|
 
|
|
|
|
|
|
|
|
Re: فى حضرة من نهوى ..تتواصل قافلة مشاركة المبدعين فى المنبر ..الاستاذ القدال مرحبـــــا (Re: صديق الموج)
|
الحليوة ليلة المولد(بقول غنوات)
محمد طة القدال ..
بقول غنوات بقول غنوات
فى البلد البسير جنياتها لى قدام
وفى الولد البتل ضرعاتو
فى العرضة
ويطير فى الدارة صقرية
ولو السمحة تلت إيد ومدت جيد
يقوم شايلاهو هاشمية
ويشيل شبال وختفة ريد وفرحةعيد
وريدة روح وحمرة عين وايدية
ويالولد البشيل مدقاق
وقولة خير على القمرة
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليهو قمرية
وقبال حول تغّيم غيمة قِبلية
ترش الدارة والحدبة الصعيد الحلة
ويا فرحة بتطارد الصفقة فى
النسمة الصعيدية
ويا جهرة نهار الليلة بدرية
رحيح جنياتنا فى الحدبة
الصعيد الحلة
يا سمحاتنا هو لبلب
ويا قمحاتنا هو لبلب
وياللوز الفتق فى الوادى هو لبلب
ويا سمحاتنا هو لبلب
ويالبحر الطمح مدّادى هو لبلب
سألتك بالذى ركز الارض معبد
وسوى الفاس عليها مقـــام
سألتك بى حجا الأُمات ودمعاتنا
سألتك بى كبيداتن ودعواتنا
شليل وين راح
يكون ضل الخريف فاتنا
شليل وين راح
************
وزى برقة السماك الجابها دغشية
وزى زغرودة البطن الكبارية
مرق من شامة القــمـرة
مهيقد بى وداعة الله
ومقدم بالعديل يبـرا
تعالوا أبشروا يا جنيات
شليل ماراح ..
شليل ما فات ..
شليل عند المسورو حرق
بقالو حصاد
شليل فوق التقانت قام خدار وبلاد
شليل مسدار شليل مشوار
شليلنا أرضنا يا جنيات
شليل قايم نصاصى الليل
يتمتم ليلو وردية
حرازنا شليل شليلنا دليب
شليلنا دليل على البلدات
بعد درب التبلدية
شليل ما راح
شليل ما فات
شليلنا ونحنا همباتة ومهاجرية
مزارع بات على عشقين
تراب بلدو وسماح فوق بت مزارعية
ملااااااااااايين من الترااااااحيب بأخونا القداااااااااااال ..
ما شاء الله على أخونا القدال .. ذكرت له اسمي للتعارف في لمة بكري في الشارقة .. على طول عرفني من وين .. من الاسم ..
وكذلك أخونا الكتيابي ... من ذكر الشيخ حاج بخيت الكتيابي .. طلعت بينا صلة قرابة ..
ياااااااااااا السودان دا ضيق بشكل ...
وكتر خيرك أخونا مهاجر ...
| |
|
|
|
|
|
|
|
|
 Re: فى حضرة من نهوى ..تتواصل قافلة مشاركة المبدعين فى المنبر ..الاستاز الشاعر القدال مرحبا (Re: ايهاب مهاجر)
|
احب ان اورد حقيقة قد قالها الاستاذ الشاعر الابنودى .عن القدال ,وواحتفظ بالتسجيل
ان القدال له معجم وقاموس ...لا يملك احدا الولوج اليه الا هو ..وانه يملك قدرات ابداعية جعلت من نسيج غزله ..حالة متفردة ..فى تركيبة طلاسم ايراد تشكيلها ..وهى تمتطى افق المدى
المشمول بانسام ترانيم الجن ..فتعكس ..عمق واصالة.. .ونفح هذا السر العجيب المدهش الذى
يجعل ركاب الاحرف يتعلق بافقاق ارتقاء مجاهل مدى موارد الابداع..
القدال ...ظاهرة فريدة .وغنية..وخلاقة..وممتدة ..ومتوثبة..ومسكونة بالجمال ..وهذا سر الربط بينه وبين ..إالهام الاساطير وطلاسم الجن...
مرحبا به عملاقا..ومنارا.واثرا..ومعنى..وحقيقة باقية فى افق سماء الشعر فى بلادى والعالم العربى.والعالم الفسيح..فهو ظاهرة نادرة جدا...
| |
|
|
|
|
|
|
| |
محمد اشرف
فتحي الصديق
Muna Khugali
عبدالماجد فرح يوسف
osama elkhawad
Elmosley
صديق الموج
خال فاطمة
almulaomar
Giwey
أحمد طه
سجيمان
alfatih
Salah Abuhigill
mahdy alamin
لؤى
المسافر
خضر عطا المنان
Raja
فيس بوك
تويتر
انستقرام
يوتيوب
بنتيريست