أنور كنج ... ود بلد بالوراثة والحظوة !!!

Quote: فما فائدة أمشي أكورك فى الهايد بارك بعد ان أنتهى من توزيع البيتزا؟ توزيع البيتزا يا مظفّر ما بتشتغلها فى السودان بحكم أنك ود بلد بالوراثة والحظوة...

Quote: الأخ علاء الدين رجاء أوقف هذه العبارات العنصرية... سلامات... يعني من دون أي سبب يا علاء بديت فى هذا البوست كنا فى حفلة ليلة بزج هذه العبارة Quote: يا زول أنا شايقي شمارات شنو؟؟؟ نحن الشمارات دي بيجيبوها لينا رقيقنا رايك شنو؟؟ مازلت أعتقد ان ما تقوم به هو نوع من ردة الفعل تجاه البعض هنا... الا اذا قمت بأثبات العكس... هذا السلوك عندى مدان يا علاء وان كان ردة فعل... المثل السوداني بيقول...انت كان عاجباك نفسك... نحن برضو العزة فينا... أنتهى زمن العبودية يا أخي علاء.... حا تقول لي ما أنتهى فى بعض مناطق السودان ولسه فى منطقتنا والخ... أقول ليك موافق معاك 100%... لكن أنتهى عهد العبودية لكل من تعلم وفقه ان الانسان حر نفسه وهذه مسئولية ما تعلمناه ملقاة على عاتقنا ( متى أستعبدتم الناس وقد ولدتهم امهاتهم أحراراً)... ما تكتبه يا علاء قد يجد الاستحسان عند جدودك وحبوباتك... لكن لا أظنه مناسب لك أو لابنائك من بعدك... نحن جيل جديد يا علاء...نتعلم كل يوم ان الحروب فى بلدنا قامت على هذه العنصرية البغيضة..فلنعمل على إيقافها... موش نزيد فيها ونعمقها... بعدين يا علاء ما أتصورت اني ممكن يوم أكتب الكلام ده لزول مؤسس موقع للتجارة الالكترونية..القائمة على اللاجنسية واللاحدود.... هل مازال فيك جاهلية القرن السابع؟ سأظل أردد...انني أنتسب لقبيلة فى السودان تسمى "الجعليين" ولكني لن أزعم ان جدي هو العباس رضى الله عنه لانتهى لأني عربي الدماء! وما الذي يفيد فى ذلك... اذا فرضنا ان جدنا كان المدينة المنورة كمدينة..هل يزيد أو ينقص ذلك من آدميتنا شيئاً؟ فلنتذكر قوله تعالى: ( يا ايها الناس انّا خلقناكم من ذكر وانثى وجعلناكم شعوباً وقبائل لتعارفوا ان اكرمكم عند الله اتقاكم). وليس (شايقيكم أو جعليكم)... وقول رسولنا (صلعم): يا فاطمة اني لن أغني عنك من الله شيئاً... سأظل سوداني فقط... مآخياً لكل سوداني آخر... طامعاً فى سودانية الجميع... فلنلعن العنصرية يا علاء.... وحسبت ان سكوتي عن مثل هذا الكلام هو عين التخاذل عن نفسي أولاً. لعن الله العنصرية...

(عدل بواسطة محمد عبدالرحمن on 12-17-2004, 02:43 PM)

Quote: ولنتابع ما تبقى ...