|
|
 لا حــــ oh my God ــــــولـه !!!
|
يا اخوانا والله فضول ساكت دخلت ليك مقابر سودانيز اونلاين اقصد ارشيف المنبر الحر من بدايتو يعني بالبلدي كدا "من قولت تيت" لقيت ليك كمية من الابداعات والمبدعين وكمية من الاخوان والناس المنسيين والممدفونين هناك بالحياة ولأ أحد حتى يتذكرهم رحمهم الله وابدلهم بوردات خير من بوردهم وبوستات اوسع من التي كانوا عليها، وكمان اعمالهم القيمة للاسف ترقد بجانبهم جميعهم رحلوا إلى جوار الذي لا تضيع ودائعه دون حراك.
يا جماعة دي دعوة لكل واحد منا يقعد مع نفسوا كدا ويتذكر ليه زول مش كدا وبس كمان يقوم يعمل ليه نداء ودعوة للعودة من جديد في ناس لم تمكنهم ظروفهم للدخول والعودة وفي ناس مضربين وناس تانيين راجين اخوانهم يدعوهم للعودة، والله يا جماعة كدي كل زول يديها رجعه وطله انشاء الله بسيطة دقائق معدودة يشوف الاعمال الجميلة المتناثرة هنا وهناك وكمان يلقى ناسوا واحبابوا هناك وكل واحد فينا يسوق ليه واحد من الناس ديل ويرجعوا لينا تاني للمنبر والله كمية من الناس لا يستهان بهم يا ناس اي زول عندو واحد يسجلوا لينا في القائمة دي عشان نقوم بالواجب ونعمل ليه نداء ودعوة للعودة إلى الجذور وانا على سيبل المثال لا الحصر انا ببدأ ليكم بوليد مش انا طبعاً واحد تاني دخل كدا سريع وطلع حتى مداخلاتو بعدد الاصابع وكمان اذكر حنينه و....و...و...الخ لسه في ناس كتار في القائمة ... بس الزموا الصبر جايكم راجع تاني اذا ربنا امد في العمر>>>>>>>>>>>>>>>>>
|
|
 
|
|
|
|
|
|
|
 Re: لا حــــ oh my God ــــــولـه !!! (Re: waleedi399)
|
أها يا اخوان في زول فيكم مشى على الارشيف الليلة ... ما أظن الناس مشغوليات
والدليل على كدا مافي زول فقد ليه عزيز... سبحان الله زيارة اليوم غير امس اختلفت تماماً
الزيارة كانت تتبع اثار من قال الله عنهم في كتابه "الغاووين" ... شفت العجب العجاب واستعذت بالله عند الدخول ...
فكانت كلمة السر التي فتحت لي ابواب اخرى سنعرض لها لاحقاً >>>>>>  
| |
|
|
|
|
|
|
|
|
 Re: لا حــــ oh my God ــــــولـه !!! (Re: nada ali)
|
ندى ...
لك الف تحية وأديك الف عافية ... فعلا مشيت حوش سودانيات
لقيت ليك حنينه قاعد مصنقرة ... بس عاوز منك حاجة صغيرة يا ندى
انا اتكلمت معاها قالت ما بتقدر تجي ... رأيك شنو لو تكسبي ثواب
وانت تمشي تقنعيها ... وعشان خاطرنا ترجع ...
لك ولها وللجميع خالص الود والتحايا 
| |
|
|
|
|
|
|
|
|
 Re: لا حــــ oh my God ــــــولـه !!! (Re: معتصم دفع الله)
|
عصـــــــومه يا اخوي ...
الزحف دا الا يكون ظهر مع "النمتي" القضى على الاخضر واليابس
الله يستر الزحف دا كمان ما يقوم يشملنا ونروح فيها ...
Quote: بيني وبينك في ناس كتار عزاز علينا بجيك بي رواقة " أنكتهم ليك " ..
|
حبيبنا,,, نحن في انتظارك عشان تنكوت لينا الباقيين ...ينوبك ثواب وكل شئ بالرواقة انشاء بجي ..
| |
|
|
|
|
|
|
|
|
|
Re: لا حــــ oh my God ــــــولـه !!! (Re: waleedi399)
|
وليد العريس
اتلومت معاك
الف مبروك وبيت مال وعيال
اما موضوع الارشيف ده فانا بجيب لى الاستروك
شفت بالله الارشيف بتاعى الخاتيه لى بكرى ده متواضع وجبان كيف؟؟؟
بس ما قادرين نفتو..
قبل كده عمر رجب طلع خلى البورد من الزعل..حسه انا بفكر لى فى طريقة اخطر...انتحر فى الاثير ولا اعمل مظاهرة بين المواقع ولا حاجة
غايتو من الناحية دى انا ما محظوظة كلو كلو
| |
|
|
|
|
|
|
|
|
|
Re: لا حــــ oh my God ــــــولـه !!! (Re: Tumadir)
|
تماضــــر ....
| Quote: الف مبروك وبيت مال وعيال |
أديك الف عافية يا تماضر .... وعلى قول امهاتنا وحبوباتنا "انشاء الله يباركوا ليك السمـــح"... وعقبالك كدا انشاء الله
شكراً على مــرورك تماضر والله البوست نور واتشرف بي وجودك، بالمناسبة تقبلي ســلام وتحيات المدام مع سبق الاصرار والترصد....
بخصوص الارشفه يا تماضر،،، ارجو من الاخ بكري من التنسيق مع الشخص المعني في عمل ارشيفه الخاص بما يرضي الجميع، وفي النهاية مسألة تنسيق وتوثيق وكفى الله المؤمنين شر القتال...
بالمناسبة مسألة الانتحار دي ما مقبولة تحتاج لمراجعة ولا مش كدا، اما فكرة المظاهرة دي بأيدك فيهابقوة اصلو تراودني من زمان، "شوفي ناس شرطة مكافحة الشغب طوالي عملوا استاند باي وبقى جاهزين" ونحن جاهزين كمان يا تماضر ولا مش كدا ...
| |
|
|
|
|
|
|
|
|
|
Re: لا حــــ oh my God ــــــولـه !!! (Re: waleedi399)
|
قـــــبل الارشـــــفة: على وزن "قبل الطـباعــــــة"
في تجوالي الدائم ومروري عبر ارشيف المنبر الحـر وهذه هوايتي المفضلة..
عشان قالو الطبيخ لمن يبيت بكون ليه نكهة خاصة يزداد جمالاً على جماله .. مثل "قاطعوا من راسي"
هذه المرة وفي ارشيف 2002 وجدت هذا البوست الجميلـ..للاخ الرائع خـــــواضـكلــــــمات متقاطــــــــعة
فوددت ان اطلعكم عليه .. وان تستمعوا معي بكلماته المتقاطعة اخواني .. عشان داير احصل اجيب ليكم حاجة جديدة قبل بكري ما يقوم يقفل ابواب 2004 ويفتح لينا ابواب 2005 اللسه ما خبرنا دروبها الله يستر قالوا فتحوا كباري وانفاق جديدة يمكن مع التغيير دا .. البرالمة يتسنيرا علينا .. وهلم جــــرا ... ولكم التحية
| |
|
|
|
|
|
|
| |
waleedi399
nada ali
معتصم دفع الله
Tumadir
فيس بوك
تويتر
انستقرام
يوتيوب
بنتيريست