|
Re: يا ناس الIT ...الحقو.. موقع الصحافة اتهكر!! :o :o (Re: Emam Hassan)
|
الاخ امام تحيه مره اخرى نعم كلامك صاح..المشكله فى اداره النيلين ...يجب عليهم تصليح اللنك(الوصله) او اذالتها اذا ارادو..و لكن لا يصح وضع الوصله بتلك الصوره الا اذا كان بينهم و جريده الصحافه شئ لا نعلمه.. واحده من مشاكل المواقع السودانيه عدم المتابعه و التجديد..فمجرد اكتمال الموقع يظل كل شئ غير متجدد محلك سر ما عدا بعض الاخبار و المقالات هنا و هناك تحياتى مره ثالثه النصرى
| |
|
|
|
|
|
|
Re: يا ناس الIT ...الحقو.. موقع الصحافة اتهكر!! :o :o (Re: محمد حسن العمدة)
|
العمدة
ياسيدي أنا عارف أنو العتب على النظر وزي ما قال ترباس واخشى عامل السن
انت عارف حالتي بقت زي سناير الجامعة: بيبدو يفرفرو وينشطو كدة شوية ويكتبوا في الصحف الحائطية لما ينزلو البرالمة ..عشان كده عاذرك والله!
يا سيدي يسلم ماعندك اي مشكلة بس ما تنسى تقسم
تخريمة ياربي هنا زي الجامعة: بيبدأ موسم فك و اعادة "التسجيلات" (الكبكبة والريح والتشانيط) مع ظهور البرالمة..قصدى الأعضاء الجدد؟
| |
|
|
|
|
|
|
Re: يا ناس الIT ...الحقو.. موقع الصحافة اتهكر!! :o :o (Re: newbie)
|
Quote: راودتني أسئلة بريئة وأنا أفكر في اسباب هذه الظاهرة:
> هل السبب هو سهولة اختراق المواقع سودانية (زي الأحزاب السودانية) نتيجة لسعي مسئولي المواقع للحصول على تكنولوجيارخيصة دون الأهتمام الكافي بتأمينها؟
> أعلم بأن لدينا مبرمجين سودانين على مستوى Microsoft .. لكن هل عجزت العقلية لسودانية مؤخرآ من مجارات ال Development in IT & websites security؟
> أخيرآ وليس أخرآ:حتى متى سيستمر هذا الشعور بالدونية؟؟ أفتونا يا ناس ال IT.... |
الأخ العزيز عصام حسن تحية طيبة الحقيقة سؤالك دة مؤلم جداً لأنو فيهو جزء كبير جداً واقعي و حاصل لو ما كان كلو فرغم وجود عقول سودانية لها لمسات واضحة على الشبكة العالمية "في الخارج طبعاً" إلا أننا في الداخل نعاني ما نعانيه من ضعف واضح جداً في فكرة تصميم المواقع الإلكترونية و سبق أن نشرت إحصائية مفصلة و مبكية عن ذلك قبل فترة وجيزة هنا. موقع صحيفة الصحافة موقع صحيفة الأنباء موقع صحيفة الأضواء دة مثال بس لاحظ التشابه الكبير خاصة في الأول و الثاني بس الفرق في الإسم. العقول موجودة لكن الجماعة ديل ما مستعدين لتقبل التقنيات الجديدة رغم إنهم ممكن ببساطة يدفعوا فلوس ما ليها حد و دونكم ما ساقه الأخ أنور كنج قبل فترة عن تكاليف تشييد موقع الفضائية السودانية بالدولار التي فاقت تكاليف تشييد موقع الجزيرة نت و الفرق بين بينهما.
| |
|
|
|
|
|
|
|