|
|
 عضو موديل 2005
|
بدءاً تحية ود و شكر و تقدير لإدارة الموقع التي منحتنا هذه المساحة ( رغم أن الحكومات المتعاقبة لم تتكرم علينا بأمتار قليلة من المليون ميل مربع لنتخذه مسكنا و ملكاً حرا، لأنني أحسب أنه من حقي ).
فالشكر لكم و قد تسلمت العقد و الكروكي و ربنا يساعدنا في البنيان و التشطيبات ملحوقة.....
المهم في الموضوع أنني وجدت ملاذاً يقيني هجير الغربة و أخوة أتمنى أن أستفيد منهم في شتى مجالات المعرفة لما يطرح من مواضيع جادة و سأحاول أن أساهم معكم في المحافظة على مستوى الموقع المميز و الرائد.
و تحايا للقدام و أتمنى أن أكون فزعو لا وجعه و عند حسن ظنكم. و طبعا عطشانين جدا عشان تكون الحكايو واضحة من البداية.
و أكرر شكري و تقديري لإدارة الموقع ولا أنسى أن أشكر نفسي لصمودي ما يربو علي العام و نصف العام و أنا أطل من الشباك و من خلف السياج.حتى بقينا أصحاب بيت عديل كده.
سلام للجميع و أدعو لي أن أكون خفيف عليكم
|
|
 
|
|
|
|
|
|
|
|
Re: عضو موديل 2005 (Re: awadalla agabna)
|
الاخ عوض عجبنا
مدخلك مفرح
و بوضح أنك مكسب كبير و ح تكون فزعة كاملة الدسم
اشكرك معك علي صبرك و مثابرتك
و بكري تعبنا من شكره الله يديهو الفي مراده
مبروك القطعة الناصية و علي البنيان
بس ما تقول اسقفوا علي كدا لووووول
| |
|
|
|
|
|
|
|
|
|
Re: عضو موديل 2005 (Re: Ibrahim Adlan)
|
الأخ محمد الأمين أحمد أشكرك على الإستضافة و تخيل صبرت عام ونصف ( ما صامد ) و الله الناس ديلك لو كان صبروا صبري ده كان أحسن ليهم من جريهم الحاصل ده.
لكن بيني و بينك كده دكتور تاج السر و حرمه المصون الأستاذة لنا جعفر كانوا بيطبطبوا على حتى لحظة الإنتصار اليوم.
القدير نصار نصرك الله على من تريد و أحمد لك حسن الإستقبال و أتمنى أن أكون كما توقعت .
أخي/ إبراهيم عدلان لك التحية و الشكر وإنشاءالله نتلاقى كتير هنا .
و لا أنسى أن أقول ليكم كل سنة و إنتو طيبين ( و التأخير في المعايدة ما مني من العلي )
| |
|
|
|
|
|
|
|
|
|
Re: عضو موديل 2005 (Re: Raja)
|
عزيزي عوض الله....
أعياني البحث عن الكلمات التي يمكن أن تعبّر بالفعل عن فرحتي بأننا التقينا مرة أخرى بعد بحث مضن عن أخبارك. حبابك مليون وتعال علينا بي هناك في بوست شندي... في انتظارك.
مع الود،
ع ع
| |
|
|
|
|
|
|
|
|
|
Re: عضو موديل 2005 (Re: awadalla agabna)
|
| Quote: ربنا يساعدنا في البنيان و التشطيبات ملحوقة..... |
ماتنسى فارق الأسعار والأسمنت والمطرة وعيد العمال وعربية المهندس القاطعة بنزين السنة كلها
بيتك ده للإيجار ؟
تتخيل ناس اللجان المجانين ديل قالوا بيتنا كبير دايرين يعملوهوا مركز صحي .. فعلاً محتاجين مركز صحي يداوي جنونهم . مركز صحي ؟ مركز دايرة أو متوازي مستطيلات كيف ؟
طلعت برة الموضوع مش ؟ البرد يا خينا
بس موديل 2005 فيهو كم خط ؟
أبنوسي
| |
|
|
|
|
|
|
|
|
|
Re: عضو موديل 2005 (Re: awadalla agabna)
|
سلام للجميع
أختي رجاء شكري و تقديري لك على ترحيبك بشخصي الضعيف و أتمنى أن أقوى معكم و بكم.
الأخ عادل علي / الحمدلله الذي جمع الشمل بعد طول شتات و لك الود و إنتظرني هناك في بوست شندي أنا جاييكم.
الفاضل/ سجيمان شكرا على الترحيب و ربنا يقدرنا على جزاكم جميعا دون فرز.
ودالعباسية/ ودي و تقديري لكن ما عفت شرق و لا غرب و لا عايز الدكان في محطة سنادة لي عودة لك .
الأخ/ تبلدي أقدر ترحيبك و نصيحتي ليك أن تقبل عرض المركز الصحي قبل ما يقول ليك عايزين نقلب البيت لدار لجان شعبية و لا نقطة شرطة شعبية.
الأخ/ عصام الدين عبدالرحمن صاحب الضراع الأخضر لك شكري على إستضافتك المعبرة.
الأخ/ عادل عبدالعاطي شكرا للترحيب
الفاضل المدلل / راشد يحيي مدلل أشكرك على الإستقبال ودللتنا زيادة من اللزوم وأحسب أنكم خير جيران.
الأخ/ عباس لك شكري و تحياتي.
المحترم/ ود الشيخ لك فائق تقديري و فعلا المقام سيطيب بنا في صالونكم العامر.
الأخ/ الزنجي شكر على ترحابك البي الملايين ده و قطعا سنعجز في رد ملايينك هذه. لك ودي.
الشيخ الملا عمر/ الموقع مزدان و متوهج بوجودكم فقط نتمنى إن لم نصلح فلا نضر.
الأخ/ حمزاوي لك شكري على ترحيبك.
يمنا قوتا تحيبك على العين و الراس و إنشاءالله نكون قدر المسئولية.
الأخوة / صديق رحمة النور و محمد أشرف لكم شكري على ترحيبكما.
الفاضل الصادق / شكرا على أنغامك و ترحيبك
السيد/ برير إسماعيل يوسف شكرا على حرارة الإستقبال
الأخ/ عبدالله بابكر شكري و تقديري و سنوقع بإذن الله
أخي الفاضل / أبوبكر كمير شقيق البطل عبدالمنعم نعم أنا كما توقعت و ألف مبروك التسجيل و الشكر موصول لإدارة الموقع ( تعديل بسيط.. أنا ما أخو وليد هوي أخوي لأني الأكبر و هو الأصغر و كمان أنا الدفعة القدامو يعني سنيرو ) و سأخصص لك وقتا مقدرا و أرجو مراسلتي علي بريدي الإلكتروني.
لكم جميعا و من لم يستطع الترحيب لأسباب خارجة عن إرادته التحية و الشكر و التقدير و قبلكم جميعا لإدارة الموقع الأخ بكري و رفاقه الصامدين و الذين إستشعروا لهفتنا و صبرنا فمنحونا النصر
لهم لكم للجميع ودي و تقديري
| |
|
|
|
|
|
|
|
|
|
Re: عضو موديل 2005 (Re: awadalla agabna)
|
الاخ الحبيب عوض اللة
انا في غاية السعادة لهذة الفرصة السعيدة التي جعلت لقائنا ممكن بعد كل هذة السنين و في اول يوم لي في هذا الفضاء الرحب. جزيل شكري و تقدري للاخ بكري الذى سخر لنا هذا الوسيط و طبعاالشكر ايضا موصول لباقي العقد الفريد: خالد الحاج و القائمين علي المنتديات الاخري و انشاء اللة ربنا يعوض تعبهم و صرفهم من مالهم و وقت اسرهم اجرا عظيم. يا سيدي انت رجل ما ساهل و سوف يحفظ لكم التاريخ مساهماتكم الثرية في حماية عزة و كرامة شعبكم. طبعا انا قلت شقيق وليد بحكم احتكاكي المباشر بة لكن رغم عدم احتكاكي بك لكن اتابع اخبارك السارة. و با المناسبة مبروك التخرج و اتمام دراستك رغم القهر وطبعا العلم و المعرفة سلاح قوى نحارب بة هذة لطغمة الفاسدة. تحياتي لوليد و الاسرة الكريمة و سوف اكون علي اتصال مستمر.
| |
|
|
|
|
|
|
|
|
|
Re: عضو موديل 2005 (Re: كبسيبة)
|
يا حليلك يا الحليلة
شكري ليك يطول يبدأ من الليلة
إنشاءالله الحال ينصلح و نقدر نشيل الشيلة
و أقدر ترحيبك و كلماتك الجميلة
الفاضلة / ميادة البيت منور بأسياده و لك شكري
الأخ/ كبسيبة تحياتي و طبعا سجلونا بعد ما كابسنا كبسيبة جد ، شكرا لك
أخي/ كمير لك ودي و تقديري موضوع إنو الوليد هو الأخوي مداعبة لا تحمل شئ و كم أنا متشوق لسماع صوتك و ياريت أتحصل على تلفونك أو إيميلك
شكرا لكم جميعا و للإدارة مرة أخرى و مرات قادمات
| |
|
|
|
|
|
|
|
|
|
Re: عضو موديل 2005 (Re: awadalla agabna)
|
في مقام الترحيـــب
ألف مليون مرحبــــــا
ومنوريـــــــن
ويسعـدنـــــا انضمامكــــــــم
وإضافـــــة جديدة نقدرهــا ونحتفي بمقدمهــا الميمـــون
لك الــــود باذخــــا
المخلـــص
أحمد الشايقي
| |
|
|
|
|
|
|
|
|
|
Re: عضو موديل 2005 (Re: awadalla agabna)
|
الاْخ المحترم\موديل 2005
مساء الخير
واضح من كلامك أنك حتكون أضافة جيدة, طالما أنك تتحدث عن البنيان والعمران وغيره.
عندنا بلد بنيانها أتهد وسرحت فيها الصراصير والفئران من كل لون ومن كل حجم.
ورينا نبنيها كيف تانى ؟
وبعدين حكاية موديل 2005 دى مشوقة.
عشان كدا أنا منتظرة أقر ليك.
يالا 1,2,3
سلام...
| |
|
|
|
|
|
|
|
|
|
Re: عضو موديل 2005 (Re: awadalla agabna)
|
ألأخ المقدّر / عوض الله
ادخل لى جوه البيت بيتك ... يا مرحا و مرحبا بك
و احسب انك ستكون اضافة حقيقية لهذا البورد ...
و نحن على احر من الجمر لمتابعة مساهماتك الرائعة
....
....
اها كدا اصبحنا عوضين فى هذه الواحة الظليلة !!!
عوض الله الفولانى
| |
|
|
|
|
|
|
|
|
|
Re: عضو موديل 2005 (Re: awadalla agabna)
|
سلام للجميع
و الله واحد من الأخوان إتصل علي و قال لي أرحب بيك بالتلفون لأنو ما لقيت بوست الترحيب بتاعك .
عشان كده رفعتوا و كدي ما ترحب عشان يدينا التعبت من رفع البوست ده إلا تعمليهوا دلك إنت
لك تحياتي و للجميع
| |
|
|
|
|
|
|
|
|
|
Re: عضو موديل 2005 (Re: إسماعيل وراق)
|
شكرا أخي وراق على الترحيب
كنت أتابع في ردودك خاصة المواضيع المثارة بخصوص نشأة الجنجويد و ما أدرانا ما الجنجويد
لك التحية
و توقعونا في مطلع 2005م زي ما قلت ليكم موديل 2005
لك ودي
| |
|
|
|
|
|
|
|
|
|
Re: مرحب بيك يادفعة (Re: وليد محمد المبارك)
|
الأخت الجليلة المقدرة / نور تاور
أولاً أعتذر و بشدة لهذا اللبس الغير مقصود و خاصة أنني ذهبت للفايل آنذاك و وجدت عبارة ( جامعي ) و ليست ( جامعية ) و أهتديت بذلك فرديت عليك بصيغة المذكر.
أكرر أسفي كما أكرر شكري و تقديري على الترحيب و نتمنى أن نتعرف أكثر في المستقبل القريب بإذن الله .
و أنتهز هذه السانحة لأحيي عبرك كل آنسات و سيدات السودان فلهن التحية و التاريخ يشهد على ذلك .
فلك التقدير و لك العتبى حتى ترضين.
الأخ / وليد محمد المبارك ( دفعة )
لك الشكر و التحية
و لم أجد لك بوست تعلننا بقدومك حتى نؤدي الواجب
فلك و لنا و لهم التحية
| |
|
|
|
|
|
|
|
|
|
Re: عضو موديل 2005 (Re: awadalla agabna)
|
| Quote: و سأحاول أن أساهم معكم في المحافظة على مستوى الموقع المميز و الرائد. |
كده الواحد يرحب بيك وقلبو مطمئن
لكن تالله بالله ..اسمع بعد يومين تلاته يا عوض الله عجبنا انك عامل غاغا ومقوم عجاجة فى المنبر بعد كلامك ده..الا اجيب ليك شهود لمن تتحير تقول الشهود ديل جابوهم لى من وين؟؟
هههههههههه
الف مرحب بيك عجبنا..كلامك عجبنا...ان شا الله الدار ترحب بيك
| |
|
|
|
|
|
|
|
|
|
Re: عضو موديل 2005 (Re: Tumadir)
|
الأخت الرائعة / تماضر
كم أنت رائعة (كما الأفق) ، ده واحد صاحبنا أية حاجة تعجبوا يقول رائع كما الأفق.
شكر ، ثناء ، حمد و تقدير لك على هذا الترحيب
و بهذه المناسبة قد شاهدت عرضكم للتراث السوداني و لك التحية هذا ما نستطيعه من على البعد.
أما بخصوص كلامي داك انا كان قلتو هظار هظار ، لكن يبدو إنو الفاس وقعت في الراس و ما حل إلا أن ( أسردب ) .
( يعني الواحد ما يكضب و يكتب كلام البرالمة و لا شنو ).
كويس النبهتيني علشان أعمل حسابي .
و أنا خاتي في بطني بطيخة صيفي إنو المنبر بحافظ على مستواهو مادام إنتي و الزيك فيهو و إنشاءالله نستفيد منكم
من الركن: بس الشهود أربعة عدول و لا فيهم كلام.و لا ثلاثة رجال و إمرأتين.
شكرا مرة ثانية لك يا رائعة سعدت تماما بقدومك هنا و ألف تقدير
| |
|
|
|
|
|
|
|
|
|
Re: عضو موديل 2005 (Re: awadalla agabna)
|
تحية أيها البورداب
لكم الشكر جميعا
و أخص بالشكر و الثناء كل من حضر هناشخصيا
و منحني من وقته الثمين لحظات ليشاركني بها
كم أنا ممنون لكم
كم أنا سعيد بكم
كم أنا مطمئن معكم
كم أنا أرنوإليكم
كم أنا أبحث عنكم
فها أنا قد وجدتكم
فلهم ، لنا و لكم ألف وردة و تحية
| |
|
|
|
|
|
|
| |
محمد الامين احمد
نصار
Raja
Adil Ali
سجيمان
ودالعباسية
Abdel Aati
راشد يحى مدلل
abas
الزنجي
yumna guta
Sidig Rahama Elnour
محمد اشرف
Elsadiq
elhilayla
nada ali
nour tawir
عوض الله الفولانى
إسماعيل وراق
زول ساكت
ابوعبيدة حسن محمد
Tumadir
فيس بوك
تويتر
انستقرام
يوتيوب
بنتيريست