|
ورحل صلاح شتات..
|
انتقل مؤخراً الاخ العزيز والشاعر المرهف صلاح شتات من مسكنه السابق فى حى (منفوحة) الى داره العامرة بحى (الجرادية) بمدينة الرياض ...
كل الامنيات باقامة سعيدة ... وعل هذا (الرحول) يعلن ثورة جديدة على ذلك الصمت ويوقد تلك القريحة الشعرية من جديد..
بالمناسبة كده بقينا جيران ويالاسعدى ..
صلاح شتات رمضان كريم وقالو الرحول عز العرب ..
أرقد عافية الوليد ،،،،
(عدل بواسطة walid taha on 10-21-2004, 02:44 AM)
|
|
|
|
|
|
|
|
Re: ورحل صلاح شتات.. (Re: garjah)
|
المرة الفائتة يا وليدنعيت دكين لانه عرض كمبيوتره للبيع وقلت الهم ارحم دكين وقطعت قلوب العذاري علي فتي احلامهم دكين ضحوي ... اليوم تنشر خبر نقل سكن صلاح شتات لمسكنه فتردي ما تبقي من قلوب عذاري بالله يا وليد انت بتودي خبر الموت كيف لو دا خبر الرحول عندك؟؟؟
| |
|
|
|
|
|
|
Re: ورحل صلاح شتات.. (Re: اساسي)
|
العــزيز أســاســي .. تحــياتي .. وعمييييييييق أشــواقي .. انت يا أسـاسـي نســيت انو وليد دا صــاحب دكـين .. ديل سـاكنين جنب مقــابر حلة حمــد .. يعــني عادي جدا .. كل الشــكر يا أساســي .. وكل سنة وانت طيب ..
| |
|
|
|
|
|
|
Re: ورحل صلاح شتات.. (Re: اساسي)
|
Quote: بالله يا وليد انت بتودي خبر الموت كيف لو دا خبر الرحول عندك؟؟؟ |
تعرف يا أساسي .. وليد دا كان ودا ليهو خبر بكاء لي زول يجيهو في وشو يتبزه في كتفو تبيز .. ما تقوم ياخي فلان داك مات ..
أساسي الأساسي
كل سنة وأنت طيب .. رمضان كريم .. جايينك آخر الشهر ..
| |
|
|
|
|
|
|
Re: ورحل صلاح شتات.. (Re: garjah)
|
قــرجة .. مشتاقين كتير والله .. وتحياتي الحــارة ليك ولكل أفــراد أســرتك الكريمــة .. تصــوموا وتفطـروا على خير .. وكل سنة وانتو طيبين
| |
|
|
|
|
|
|
Re: ورحل صلاح شتات.. (Re: نيازي مصطفى)
|
الحبيب الغــالي نيازي ..
تعرف أول مرة أعــرف انك هــنا .. وسعــيد جدا بــوجــودك في سودانيزاون لاين .. فعــلاً كنت سـاكن في الوزارت ورحلــت الملـز ثم منفوحـــة ومنهـا الى الجــرَّادية ويتواصــل الرحــيل .. عبدالرحمــن ما عضــو في البورد لكــن متابع البورد .. طبعــاً صاحبك وبتعرف جــاري أيام الله الســبعة .. كلمتو اليوم وبســلم عليك كتير .. لكن والله يا نيازي ليك وحشــة وشــوق كتيييييييييييييير .. وليك ولكل الأهــل أطيب التحــايا .. وكل سنة وانت بألف خــير .. ولنا لقــاء ..
| |
|
|
|
|
|
|
Re: ورحل صلاح شتات.. (Re: نيازي مصطفى)
|
نيازي مصطفى
رمضان كريم وكل سنة وأنت طيب .. أولاً مرحب بيك في سودانيز أون لاين الحوش الكبير .. معليش جاءت متأخرة شوية .. بعد ما أخطرني إسماعيل وراق والصادق خليفة بوجودك معنا هنا .. الشباب كلهم هنا بخير ..
أرقد عافية ..
| |
|
|
|
|
|
|
Re: ورحل صلاح شتات.. (Re: walid taha)
|
العزيز صلاح
أتمنى لك اقامة هانيئة في المسكن جديد و ربنا يجعله مصدر أمان و استقرار لك.
بس ما قلت لينا حترحل تخلي معتصم براه و لا شنو؟ رمضان كريم لك و للعزيز معتصم و لكل بورداب السعودية و تصوموا و تفطروا على خير ان شاء الله.
| |
|
|
|
|
|
|
Re: ورحل صلاح شتات.. (Re: Nada Amin)
|
الغـالية ندى أمين .. والله يا ندى ياهو دا الحـال من حـي لي حـي ومن شقـة لي شقــة .. وربنا يسهــل بس .. انا ومعتصم ما ساكنين مع بعض بحـكم مواقـع العمل .. لكن تقريبــاً زي الســاكنين مع بعض دايماً بعد الشغــل بنتلاقــى .. تحياتي الحارة ليك وكل سنة وانت بألف خــير ..
| |
|
|
|
|
|
|
Re: ورحل صلاح شتات.. (Re: Nada Amin)
|
الغالية ندى
كل سنة وأنت طيبة .. تصومي وتفطري على خير ..
تعرفي سبعة سنوات من عمر غربتنا لم نتفارق من مسكن واحد وحتى الغرفة نتشاركها سوياً لكن تقولي شنو ظروف الشغل هي الفرقتنا .. وبعدين الخميس والجمعة بكون معاهو في البيت وباقي الأسبوع هو بكون معاي لآخر الليل .. شفتي الدنيا دي عجيبة كيف ؟
وعلى فكرة نحن بكرة فاطرين مع محمد الجعيلي ..
| |
|
|
|
|
|
|
مبروك البيت الجديد لصلاح شتات (Re: walid taha)
|
والله يا وليد ما حنسامحك لعنوان البوست ده..
تعرف.. لقيت البوست ولقيت الردود 5.. قلتا أكيد الموضوع زي "صور" بتاعتي ديك..
لكن بالجد بالجد العنوان مزعج..
..
اها بعد ما شاكلتك.. اقول لصلاح ان شا الله العتبة الجديدة تبقى خضرا عليك..
..
وليد وصلاح.. رمضان كريم..
| |
|
|
|
|
|
|
Re: مبروك البيت الجديد لصلاح شتات (Re: Esameldin Abdelrahman)
|
الأخ عصام الدين
تعرف يا عصام ذكرتني نكتة .. واحـد من بتوع الأفلام كان منفعل مع الفيلم وفي مشهــد كان في واحد من الخونة مترصـد للبطل وعلى وشك الانقضاض عليه وصاحبنا يصرخ يا بطل اعمل حسابك .. يا بطل اعمل لفيت "يعني اتلفت" .. وفجـاة استدار البطل وقضى على الخائن صاحبنا تنفس الصعـــداء وقال للبطــل " آي ياخي ما تقول شايفو .. بوظت أعصــابنا " شكــراً ليك أخ عصام .. وكل سنة وانت طيب ..
| |
|
|
|
|
|
|
Re: مبروك البيت الجديد لصلاح شتات (Re: Raja)
|
الغــالية رجاء ..
Quote: قلتا أكيد الموضوع زي "صور" بتاعتي ديك.. |
وليد قال ليك واحـدة بي واحــدة والبادي كان أروع .. تحياتي الحارة يا رجــاء وكل الأمــاني الخضــراء .. وتصـومي وتفطــرى على خير .. وكل سنة وانت طيبة
| |
|
|
|
|
|
|
Re: ورحل صلاح شتات.. (Re: walid taha)
|
وليد .. ويتواصــل الرحــيل .. حتى الرحيـل الأخــير .. والسقــــوط الكبير وســينهال علىّ التراب .. وتـفرغ من شــئونهــا الأقــدار .. وستبكــي علىَّ الباكـيات والباكــــون .. وربمـــا لا بواكـــيَ لي.. (وحاجــة من عاش لا تنقضــى) .. بس عندى شـوية حاجـات كدة ما خلصـــت .. بس أخلصــها ونرحل الرحيل الأخير .. .. تحــياتي ليك يا حـبة .. وكل ســنة وانت طــيب ..
| |
|
|
|
|
|
|
|