|
|
|
 Re: أبو (منو ) و ..أم (شنو ) دعوة للتوثيق (Re: ابو جهينة)
|
ابو جهينه .. سلام
أم ضلوع ( عتمور كان يمثل بعبعا لكل السائقين و المساعدية و الركاب على خط أمدرمان دنقلا المحس ) ..
الاسم ابو ضلوع وليس ام ضلوع
وقد كتب احد المساعديه
فى قوز ابو ضلوع واللورى كان وحلان
اضنانى الشقى يا عمدة القــــيزان
اما كلمة دوم فقد اخذت الام والاب
ام دوم المعروفه
وابو دوم قرب مروى
تحياتى
| |
 
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
أبو (جهينة) سلامي وإحترامي
| Quote: عموم أهل السودان لا يحبون أن يتنادوا بأسماء أكبر الأبناء أو البنات كعادة معظم بلاد بني يعرب .. |
ومال جهينة دي حقة صعوط؟؟؟
(أبو) عشر و (أم) دقرسي .. يقع بينهما (ود) الماجدي على شارع مدني الخرطوم
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: بدرالدين شنا)
|
شقيقي الحاج بدر
تحية غليدة
شنو ( أبوجهينة ) حافي كدة ؟ وين كلمة شقيقي ؟؟
| Quote: ومال جهينة دي حقة صعوط؟؟؟ |
أبوجهينة مجرد لقب .. و جهينة إسم جزء من قرية لدينا في منطقتي .. و التسمية لها قصة سأسردها لك لاحقا ..
أرقد عافية و تشكر على المداخلة
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
ابو جهينه الرجل الموسوعه حبابك يا ضلنا .. وكيفنك واريت حالك زين .. انت واخيك البدرى وتسلموا ..
لو ذاكرتك انت خربانه .. معناها اختك معذورة .. وكدى النحاول معاكم ..
ام دوينه قريه فى الجزيرة مش يا البدرى ؟
ام شجرة قرية بالقرب من مدينة القضارف ..ولنا عودة قريب ان شاء الله
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: soma)
|
ابو جهينة
من الزعل ما قادر اقراء بوستك دا
تقوم تنسى ابـــــقوتة بحالها
عموما ما مشكلة لى كل لجواد كبوة
ابقوتة
نسبة للشيخ العبيد ابقوتة
هو اول من سكن فى هذه المنطقة وكان بقوت الناس يعنى يصنع لهم القوت والمرياق والتريق لما يجو عابرين من الدويم الى مناطق الحلاوين ...كانو بمكثو مع ايام وليالى...ونار تقابته لا تموت..دا كان فى زمن التركية الاولى
فسميت المنطقة باسمه...وهوجدنا الكبير
سوما ابوادينة.واصلها او ابو اضينة من الاضان
وهو مكتب من مكاتب الرى عبد الماجد تقع شرق ابقوتة
وغير ابو, وام هنالك جمع للامهات يابوجهينة
عندنا فى الجزيرة
امات طيور وامات سعنة..من سعن- بكسر السين والعين
فى السعودية هنالك منطقة تضيف كلمة ام لكل شى
ام سيارة ام بقرة ام نعجة..ديل ناس منطقة ام حائل..غير حائل المعروفة
وفى السيرة..هنالك حديث عن الصيام
هل من ام بر الصيام فى ام سفر
ليس من ام بر الصيام فى ام سفر
ولقدام
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
الأخ العزيز أبو جهينة
كالعهد بك موضوع آية في الجمال ، وطبعا لمن سمعت بالأمهات والجنيات الشدو خيلهم فرحت شديد وقلت الحكاية فيها أمهات على شاكلة أم رقيقه وأم فتفت وأم علي خاصة وأنني لسوء طالعي أو حسنه لا فرق إطلعت على مقالكم الضافي قبل موعد الإفطار لهذا اليوم بتوقيت ديك بيتنا والعتوت وكديسنا الهرم وبقية العقد الفريد من الحيوانات التي تشاركنا السكن والمأكل والمشرب وأهو طلعنا فرنجه في النهاية عشان ما تجي العجوز الشمطاء برجيت باردو وتدافع عن حقوق الحيوان في بيتنا وتألب علينا الرأي العام العالمي. غير أن نساءنا كن لا يذكرن إسم الزوج في عهو د خلت كان طابعها الخجل والأدب ربما من منظور أهل ذاك الزمان فكن يقلن أبو وليداتي أو أبوكم إذا كان الخطاب لأحد الأبناء.
ما علينا نعود للقرى والحضر ، وسوف أذكر ما تسعفني ذاكرتي الهرمة على تذكره دون أن أقدر على تفسير أسباب التسمية:
هناك أم مغد ولا أدري هل هي بالقاف أم بالغين
أم ضريوه
أم بادر
أم كداده
أم بده
أم دقرسي
أب لعوت (وأحسب أن سبب التسمية لكثرة أشجار اللعوت بالمنطقة)
أب شوش
أب روف
أبو حليمه
أبو نعامه
أما بخصوص الـ kids الأولاد وكده فهناك
ود البشير
ود الحليو
ود راوه
ود درو
ود مدني
ود الفادني
ود شريفي
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: almulaomar)
|
عزيزي جدا أبوقوتة
تحية و مودة
كان زعلت مني .. معاك حق ..
و أنا جواد يكبو من حين لآخر و هذا لا جدال فيه .. قاتل الله الغربة .. حقك علينا يا أبو الرجال
Quote: ابقوتة
نسبة للشيخ العبيد ابقوتة
هو اول من سكن فى هذه المنطقة وكان بقوت الناس يعنى يصنع لهم القوت والمرياق والتريق لما يجو عابرين من الدويم الى مناطق الحلاوين ...كانو بمكثو مع ايام وليالى...ونار تقابته لا تموت..دا كان فى زمن التركية الاولى
فسميت المنطقة باسمه...وهوجدنا الكبير |
كيف لي أن أنسى رجلا بمثل هذه الصفات؟؟ .. رحمه الله و أحسن إليه ..
تشكر على المداخلة القيمة و منتظر المزيد
تسلم
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
أخي العزيز الوقور الملاعمر
تحية و تقدير
تسلم على المداخلى الثرية كهدنا بك ( و طبعا برضو كالعادة بنطمع في المزيد ) ..
لا أدري إن كان أحد الإخوة يدري سبب تسمية تلك المنطقة ( أبو روف .. أبروف ) .. و هل روف كلمة من لهجة محلية أم لها معنى قريب في اللغة العربية ..
ود أرو ( ORO ) باللغة النوبية تعني الملك .. و معنى الكلمة ود الملك ..
ود راوة .. هل من يعرف سبب التسمية ؟؟
دمت لنا الملاعمر و تسلم
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
أبو جهينة أيها الممتلئ جمالاً
مواصلة لما أنقطع من حديث أقول مستعيناً بالله أنه ما بقيت هناك أم درمان وأب روف لابد أن يكون حاصلهما مجتمعين بطريقة أو بأخرى ود نوباوي أعذر خطرفتي فقد تنازعتني بين كوز الموية ويدي الأخرى وهي تهم بإدخال آخر لقمة من صحن الفول في فمي الفاغر.
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: صديق الموج)
|
بصفتي موظف بإدارة اللاجئين في السودان سابقاً هناك معسكرات للاجئين لها مسميات تخص موضوعك منها :
أم سقطة ( جنوب شرق القضارف )
ام راكوبة ( بالقرب من دوكة والقلابات )
أم قرقور وأم علي ( بالقرب من الشواك )
ود الحليو ود شريفي
ابو رخم ( جمب المفازة والحواتة وهي منطقة خزان أبورخم الذي يجمع بين الرهد والدندر )
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: almulaomar)
|
عزيزي الوقور الملاعمر
تحية و سلام
أضفنا لائحتك للقائمة التي أعدها .. فلك أجزل الشكر ..
سؤال :
هناك إسم مثل بانقا .. هل هو إسم حضرمي ( يمني ) لأن الحضارم يبدأون أسماءهم بكلمة ( با ) و هي تعني أبو مثل .. باناجة .. باشراحيل .. باوارث .. و هكذا ..
عندنا في السودان
بانقا
باوارث
بازرعة
باهاى
بامسيكة
( في واحد قال لى ( باجيرو ) ماركة عربات ميتسوبيشي
أرقد عافية
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
أخي الأستاذ الرائع حد قف تأمل أبا جهينة
أولاً في شأن بانقا ليست حضرمية ولا رومية ولا شامية فهي كلمة مركبة تركيباً شأنها شأن الكسور التي يتعرض لها راكب الأمجاد في أى حادث أو مطب ، يقول أهل بانقا أو دو بانقا أنها أى بانقا تشتمل على كلمتين الأولي بان الشجر المعروف والذي تغنينا له جميعاً "من فريع البان البسوح نديان الله يا سلام سلم" والثانية نقاء وصفاء لكن بعادة قراءة الكلمة إتضح أن المقصود ببان هنا لاح زي حي بانت في أمد رمان وزي ما قال الشعر "بنتم وبنا فما أبتلت جوانحنا شوقاً ليكم ولا جفت مآقينا".
وذا كان كل باء إنقلبت أو نسبت إلى حضرموت فما بال صواريخ باتريوت واللاعب الفذ بافيل نيدفيد وباروش وباسكال مشعلاني
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
شكرا على البوست الرائع
ام ضبان-
وسميت بذالك لوجود اشجار كثيقه كانت به خلايا للنحل وقيل ان احد الشيزخ قد استقر بها وعرفا كان اهل المنطقة يقولون على النحل ضبان ولكن اهل التوجه الحضارى (الانقاذ) غيروا الاسم الى ام ضوا بان ولا اعرف الى ماذا استندوا والله اعلم
السوكى _منطقة تقع فى ولاية سنار الاسم لموظف حكومى انجليزى ايام الاستعمار
الدندر - اخذت اسمها من نهر الدنر الذى تطل عليه
الحواته _ الاسم نسبة لاعتماد اهل المنطقة على الصيد من نهر الدندر قديما
قلع النحل= المنطقه تقع على وادى فى منتصف سلسلة جبال عديده لتواجد خلايا النحل على الجبال اتى الاسم من ذالك
العطشان = الاسم اتى من عدم وجود مناطق لتوفير المياه قديما وكانت تعتمد على السكك حديد فى نقل صهاريج المياه
وهذه المناطق تقع فى ولاية سنار وعلى امتداد شربط السكة حديد
نواصل
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: بلدى يا حبوب)
|
أخي بلدي يا حبوب أحسب أن الإسم حقيقة أم ضواً بان وهو قبل جماعة التوجه الحضاري والسم الهاري والمشي الكداري وحالة الطواري فيقال والعهده على الراوي وهو عادة مصدر موثوق به يرفض الإفصاح عن إسمه "أن اإسم جاء من كون المنطقة تزخر بالكثير من الخلاوي والمشايخ" والله أعلم.
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
تسلم يا الحبيب
علىيوستك ذو الرائحه الفلكلوريه؟؟
من الاخر جاى واجابه خارج الموضوع الاصلى؟ بنقا اسمى حضرموتى
وراجع سيرة الشبخ التوم ود بانقاونسبه؟
ومقلوب بوستك ما ندعوهم ونسميهم بابائهم
ودالامين(غرب ابو عشر بمسافة 10 كيلو)
ود بتروا بتشديد التاء وضم الواو
ود عشانا
ولك الود
انور
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: anwar abu gaidaa)
|
العزيز أبو جهينة المتفرد
إليك مشاركتي
أم دقرسي
أم كويعات
أم مرحي
أم عشر العقليين (غير أبو عشر وهي تقع في منطقة أم حراز الأقمار الصناعية جبل أولياء)
أم حراز
ابو الكيلك (60 كيلو جنوب الخرطوم تقريباً)
أم سدرة
ود علي (منطقة الربع العوامرة)
ود الرد (بالقرب من قريتنا)
أبو حبرة
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: omer almahi)
|
الأخ العزيز أنور أبوغيداء
تحياتي و مودتي
وين مطول الغيبات ؟ عساك بخير ؟
بخصوص بانقا .. و بالرغم من شرح الوقور الملاعمر .. إلا أن هناك من أتصل بي و أكد لي بأنه إسم حضرمي بحت و أن هناك شيخ مدفون هناك و أصوله حضرمية و إسمه ( با نقاء ) يعني أبو نقاء و حرفه السودانيون إلى بانقا .. و لا زال النقاش دائرا ..
تشكر أنور على المداخلة الثرة و نطمع في المزيد ..
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: قرشـــو)
|
يعني يا قرشو يا أخوي طالما إنو أم ضبان سميت لكثرة الضبان فيها حتى وإن كان نحلاً فإنني أجد أنه يجب علينا تغيير إسم السودان إلى أب ضبان أو أب باعوضه - بالمناسبة هناك قرية تسمى الباعوضة على بعد فركة كعب من الكلية الحربية شمال أمدرمان ، يعني لازم تجيها وشايل معاك كينين وكلوروكوين - أها لو حصل وإتغير اسم البلد حا نعمل شنو في الجنسية ونسبنا يبقى في النهاية جزر كمونية وأغني أنا ضباني أنا
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: almulaomar)
|
| Quote: بالمناسبة هناك قرية تسمى الباعوضة على بعد فركة كعب من الكلية الحربية شمال أمدرمان ، يعني لازم تجيها وشايل معاك كينين وكلوروكوين - أها لو حصل وإتغير اسم البلد حا نعمل شنو في الجنسية ونسبنا يبقى في النهاية جزر كمونية وأغني أنا ضباني أنا |
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
هنالك
ابرسوة
ابومروه (بتشديد الواو)
ابو شنب
ابو دقن
ابوعصاية
ابوطاقية
وابوساره او ابساره (هو الجبل الاملس الصعب الصعود)
كما أن هناك
ابكباس (الله لا جابو ليكم)
ابو الشهيق
اما بالنسبة لام دقرسي فهي كما قال صديقنا العزيز عبد الرؤوف، فهي عبارة كان يرددها الشيخ الجليل الذي اسس تلك القرية لحمارته هو يناديها "يا ام دقر ...أرسي" فصارالاسم ام دقرسي
هذا والله اعلم
ولا ننسى
ابوجهينة ( هو احد مبدعي البورد)
| |
|
|
|
|
|
|
|
|
|
Re: أبو (منو ) و ..أم (شنو ) دعوة للتوثيق (Re: ابو جهينة)
|
هناك مناطق في قري شمال أمدرمان مثل:
أم بطناً طويلة ويقال أنها مسكونة بالجن وسميت بأم بطناً طويلة لعدم وجود غطاء نباتي فيها حيث أنها تتوسط غابة كثيفة "يعني زي القوبة في الراس".
وهناك أم رميده (بكسر الراء وتسكين الميم ولو عشوائياً وشد الياء لمن تحلج) ومن إسمها أيضاً هي منطقة مرعبة حيكت حولها الكثير من الأساطير والقصص.
هناك أم جمال بتشديد الميم وهو الإسم الثاني لمنطقة جبره في كردفان
| |
|
|
|
|
|
|
| |
ابو جهينة
osly2
بدرالدين شنا
abuguta
almulaomar
سجيمان
عوض الله الفولانى
صديق الموج
Sidig Rahama Elnour
عثمان عووضة
jini
بلدى يا حبوب
قرشـــو
omer almahi
ودقاسم
Yassir7anna
الجندرية
لؤى
فيس بوك
تويتر
انستقرام
يوتيوب
بنتيريست