حبي ليك ما حب خرافي عايشو في قلب المنافي رغم بعدك والتجــافي وبيني بينك من مسافي الا انك في شــــغافي وعمري جواك بحر صافي يابلد ناسن عزاز كم تشتتو في المنافي ولسه حبك في قلوبن هو....... هو رغم بعدك والمسافي **
يا بلد حبي الخرافي ليك بسجل اعترافـي انك انتي أيوا انتي أنتي يا نبع التصافي لو نضمتي أو سكتي عني غبتي او حضرتي جوا في اعماقي نمتي حاضنة نيلك والمرافي **
حبي ليك ما حب خرافي عايشو في قلب المنافي شعرة ما اهـتز مـرة رغم عيشة الغربة مرة والدم السال من رعافي ومهما قهرك اســـتمر بكرة تنهضي .. تبقي حرة وليكي احبي أجيكي حافي وهاكي سجلي اعترافي أنو زيك اصلو مافي **
أنتي زيك اصلو مافي مـــافي .. مــافي مافي ضمة أنتي يابا وياكي يمة نور بسطع في الضلمة وطفلة ترضع في ملمة وسايقة أمة ماسكة للمجداف تكاتل والجسيم هارساه حمى بى عناد الريح تعاكس والغبار حوليها غمة وبرضو ماهماها ضمة لو عليها الموج دا لم وسافرت في قاعو ضمة**
انتي ياكي الباقية يمة ضي كفاحي ونور صلاحي زاد خريفي .. وصوت هتافي تقهري الليل العنيد بى ارادتن من حديد لا بتهابي .. ولا بتخافي رغم جـرحك والصــديد وليك زمن ما شفتي عيد تصـحي باكر من جـديد وتبقي عافي وناس عوافي رمز أمة .. وحب خرافي في قلوب ناسن تعزك كم تشتتو في المنافي وكم تشتتو في المنافي **
*********************** خضر عطا المنان
أبوظبي 14/7/1994م *
09-17-2004, 09:09 PM
samwal ebrahiem samwal ebrahiem
تاريخ التسجيل: 09-01-2004
مجموع المشاركات: 679
كلام رائع وجميل .... ونحى الحب فى كل مكان وزمان ... ونحى الحب للامومة ...... اخى الحبيب خضر الخالة تستهال اكثر من كده ربنا يديها العافية والعمر الطويل السمؤل
09-17-2004, 10:11 PM
خضر عطا المنان خضر عطا المنان
تاريخ التسجيل: 06-14-2004
مجموع المشاركات: 5191
شكرا كثيرا على هذه المداخلة العامرة بمشاعر الود .. وأنا هنا لا أرى فرقا ـ كما هو واضح من نص القصيدة ـ بين أمي الحبيبة التي خرجت من رحمها وبين وطني الذي ـ رغم ما مر ويمر ـ به سيظل أمنا جميعا مهماحاول بعض من أبنائه ذبحه على مرآى ومشهد من العالم .
لك الود .
خضر عطا المنان
09-17-2004, 09:30 PM
Ehab Eltayeb Ehab Eltayeb
تاريخ التسجيل: 11-25-2003
مجموع المشاركات: 2850
Quote: أنتي يابا..وياكي يمة نور بسطع في الضلمة وطفلة ترضع في ملمة وسايقة أمة ماسكة للمجداف تكاتل والجسيم هارساه حمى بى عناد الريح تعاكس والغبار حوليها غمة وبرضو ماهماها ضمة لو عليها الموج دا لم وسافرت في قاعو ضمة
استاذنا خضر:
لك التحيه علي هذا النص الجميل الرائع
ورغم أن عمره عشرة سنوات ..إلا أنه ما زال يسيل الحبر بين سطوره عشقا.. وشوقا.. ووفاء.. تحياتي ..وودي,,,
09-17-2004, 10:17 PM
خضر عطا المنان خضر عطا المنان
تاريخ التسجيل: 06-14-2004
مجموع المشاركات: 5191
أنها بعض ملامح من معاناة حروفنا التي تنام وتصحو في مراقد المنافي على ايقاع وطن هو اليوم بين أن يكون و الا يكون . وبين الحالين تتشابى حروفنا علها تعبر عن بعض مما نحسه جميعا بلا شك .
الجميل خضر ود عطاالمنان بروف المعز كمل الكلام كلو كلو ما عرفت اقول شنو اكثر من القالو البروف كل البقدر اقول ببصم مع البروف على هذه الكلامات الرائعات ومزيدا من الابداع يا خضرنا الجميل
Quote: انا لسه منتظر ردك على الإيمل فى موضوعى الشخصى منتظر على نار يا خضر لانو متاكد حتكون فى قمة الابداع
حبى وتقديرى السمؤل
10-13-2004, 06:54 AM
خضر عطا المنان خضر عطا المنان
تاريخ التسجيل: 06-14-2004
مجموع المشاركات: 5191
وأنا ـ برغم مشغولياتي المتوالية وقرب نهاية مشروع دراستي الأخير في ديسمبر المقبل ـ الا أنني لا زلت عند وعدي اليك يا سموأل .. وسيصلك قريبا بمشيئة الله تعالى .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خضر عطا المنان
samwal ebrahiem
Ehab Eltayeb
almulaomar
Dr. Moiz Bakhiet
فيس بوك
تويتر
انستقرام
يوتيوب
بنتيريست