|
|
 من الخرطوم سلام
|
اهلي الطيبين
الشكر لكل من ذكرني وسأل عني في الفترة الماضية
في الحقيقة حضرت الى السودان في اجازة سريعة مفاجأة مع الوالد
لاكن كانت اجمل من اكثر الرحلات تنسيقا وتحضيرا
ومازلت انعم بهذه الاجواء الحميمة في ارض الوطن
حتى اعلن عن الاكتفاء واملا شرايني بالود والمحنة
مما يكفيني سنة اخرى, ومن يدري قد اعود قبلها
12 عاما مضت قبل زيارتي الاخيرة والتي هي الثالثة فقط منذ ان غادرت السودان قبل 24 عاما
لاجد كل شي قد تغير تقريبا وفي الكثير من الاحوال الى الافضل
اول مكالمة نتلقاها عندما وصلت الطائرة الى نهاية المدرج
كانت من الرقيقة ملكة سبأ ترحب بي, مما كان له اجمل الاثر في نفسي
وفي صباخ اليوم التالي وجدت مجموعة رائعة من بورداب الخرطوم في استقبالي
وسعدت معهم بالطف اجواء اعيشها في حياتي
رب اخوة لك لم تلدهم امك, ورب بورداب احببتهم واحبوك قبل ان تراهم
وهاقد نعمت بؤيتهم ورفقتهم
التحية لكل الرائعين: ملكة سبأ, دريمز, ناجي الزبير, عاصم الحزين, المهندس, انور كنج, حمزة سليمان, سامي عبد الرحمن, بنت المطر وكل الرائعات من بورد سودانيات
املك الكثير والكثير لاحكيه لكم عن هذه الرحلة
لاكن يعيقني الوقت وجهلي باماكن الاتصال بالانترنت
الى لقاء قريب ومزيد من الحكاوي والصور
حاكم انا حتى هذه اللحظة( مخلوعة) واحاول التاقلم 
ومن الخرطوم الدافئة احلى سلام
زولة123
|
|
 
|
|
|
|
|
|
|
|
Re: من الخرطوم سلام (Re: zola123)
|
الوطن ما احلاوه وما احلاك زولة وانتي تكتبين لنا من السودان, اتمني لك وقتا طيبا بين الاهل والعشيرة,التحية لك بورداب الخرطوم.
| |
|
|
|
|
|
|
|
|
|
Re: من الخرطوم سلام (Re: zola123)
|
| Quote: وجهلي باماكن الاتصال بالانترنت |
زولة .. والله عشان ظرافتك دى ..
امشى برج البركة .. فى محل بتاع انترنت اسمو نادى الخرطوم للإنترنت ..
امشى ادخلى النت زى ما عاوزة .. وقولى ليهم دة من اشتراك برهان ( بس نعل اجازتك ما طويلة ياختى ) ..و كان قاعدة فى امدرمان برضو بديك اشتراك فى كافيه هناك ..
و ظرافتك القاصدها انا :
انك ما نزلتى فى اخوانا هناك شتيمة و يا غبش و الشوارع مكسرة و مكتحين .
وشبكتينا السيارة و الخبز . ومدن تركب الاضواء
.
مرحب بيكى
| |
|
|
|
|
|
|
|
|
|
Re: من الخرطوم سلام (Re: برهان تاج الدين)
|
سيف
شكرا على الدعوات الطيبة
وانشاء الله انت زاتك تجي السودان وتستمتع كما نحن هنا
المهندس
بورداب الخرطوم احلى ناس ما قصرتوا والله
وصالة الوصول بحدائق الشهدا كانت مفاجأة
انا ودريمز منقتنا كانت باردة
يوم المطلا ده اسكت ساي
سخانة, بعدها تراب, بعدها مطر, بعدها طقس عليل
انتوا البرنامج ده طوالي معاكم كدة؟
| |
|
|
|
|
|
|
|
|
|
Re: من الخرطوم سلام (Re: برهان تاج الدين)
|
برهان سلام
انا حارد عليك براك
اول شي لاحظت انك عضو جديد فمرحبا
تاني شي سبحان الله عندما كتبت اول بوست كان من نادي الخرطوم نفس الكافيه الي وصفته
تالت شي الناس دي وانا ماشية سالتهم ووريتهم البورس
الناس الشغالة قالوا ما بنعرف الزول ده ولا عمرنا شفناه
تالت شي شكرا على العرض الظريف
رابع شي اموت واعرف شمهروش عرف القصة كيف
| |
|
|
|
|
|
|
|
|
|
Re: من الخرطوم سلام (Re: almohndis)
|
سلامي عبرك ياعزيزتنا : زولة 123 الى كل ذرة رمل في وطني الحبيب
ولكل زول هناك ..كل شارع .. كل بيت .. كل ماشي .. كل راجل ..كل
طالب .. كل طالبة ., كل عامل .. كل عاملة .. كل من تصادفينه
دون استثناء .. وأخيرا لكل فرد باسرتك الكريمة ..
فقط أأمل في ( حبة تراب ) معاك .
أجازة سعيدة وعودة طيبة الى منفاك الاختياري .
خضر عطا المنان
| |
|
|
|
|
|
|
|
|
 Re: من الخرطوم سلام (Re: zola123)
|
العزيزة دكتوره زولا:
لك عاطر التحايا.. وأنت تستمعين بتقاطيع وجه الخرطوم ..وتفاصيلها
التي نعشقها حتي الثماله ..
Quote: 12 عاما مضت قبل زيارتي الاخيرة والتي هي الثالثة فقط منذ ان غادرت
السودان قبل 24 عاما...
لاجد كل شي قد تغير تقريبا وفي الكثير من الاحوال الى الافضل |
أتمني لك إجازه سعيده ... والتحايا لكل بورداب السودان..لكن عندي سعال:
يعني نطلع ليك عمرك كم بيني وبينك???
وبالمناسبه أنور كنج حبس السودان.. لقي ليه عروس ولا شنو???
المشكله تكون الإجابة ولا شنو!!!
| |
|
|
|
|
|
|
|
|
|
Re: من الخرطوم سلام (Re: Ehab Eltayeb)
|
استاد خضر
عايز الرملة بتاعتك من وين بالتحديد؟
والله انا جادة والعنوان بالله ما تنسى
ايهاب
شكرا على الاماني الطيبة
انا عمري 28 , جيت الامارات وانا عمري 4 سنوات
وطوال هدهالفترة من> حضوري زرت السودان مرتين وهده الثالثة
الحساب كدة كيف؟ تاني باجيب ليك مامون يضحك فيك
أنور عاد من القاهرة اليوم واعتقد انه سيتجه الى كوريا غدا
طبعا استجوبناه في حكاية العروس ولم يفصح, عليك بالمهندس اظن ان عنده كل اخبار العرس
| |
|
|
|
|
|
|
|
|
|
Re: من الخرطوم سلام (Re: zola123)
|
عودا حميدا للوطن
تجدني اسعد كثيرا عندما يعود الانسان للوطن وخصوصا بعد غياب كثير
لانو بيكون الشوق كتير والاحسا بيكون عميق بوجود الوطن
اتمنى ليك اجازة سعيده
ويا بورداب الخرطوم ما دايرين وصية وانتو كا عوتونا اهل واجب وضيافة
| Quote: جاتكم زوله موبايل خص عديييييييييييييييييييييييييييل |
يلا احتفلوا ووثقوا الاجازة بالصور
| |
|
|
|
|
|
|
|
|
|
Re: من الخرطوم سلام (Re: abdalla BABIKER)
|
الزولة زولا جات الف مرحب
برهان تاج الدين ناس نادي الخرطوم قالوا لابعرفوك لا شافوك ولا عندك رصيد
المهندس متين حولوا بتزا الحفاوة صالة الووصول معلومة جديدة
مرحب بيك تاني وتالت بس كنا عاوزين نلاقيك لكن سقطت الاسماء من دفاتر الاخوان
| |
|
|
|
|
|
|
|
|
|
Re: من الخرطوم سلام (Re: شمهروش)
|
عبد الله بابكر
كل التفاصيل والصور حتكون عندكم بس الصبر
اناما ممكن تنطلق علي حكاية الشوق دي
قول رحلة استكشافية, سياحة في الوطن
ساحاول شرح الموضوع اكثر
شمهروش سلام
طبعا تفاجأت ان كل الاخبار عندك بالبيتزا و اخبار الاشتراك
الاسماء سقطت من السرعة اعتقد ليس الا
واكيد الناس حتتلاقى مرة تانية
شكرا على الترحيب الجميل
| |
|
|
|
|
|
|
|
|
|
Re: من الخرطوم سلام (Re: zola123)
|
لا (126-لا 127 - لا الشرايح الجديدة)
لا العمارات السوامق .. لا الاسامى الاجنبية
990 دة ما ادونا ليهو .. نديك 911 ؟
شمهروش كفاك .. تعال لى بيغادى خلى البنية تتهنا بى بوستها .
ناس الخرطوم انترنت قالو ليك شنو ؟ (دة بس عشان موضوع بهمها .. ممكن نتمو هنا )
| |
|
|
|
|
|
|
|
|
|
Re: من الخرطوم سلام (Re: برهان تاج الدين)
|
لا تتهناء بي شنوا توب جديد ولا بوست
تعرف ماقصرت احونا برهان وشكرا على النفس الطويل ومرحب بيك في البورد
وسال الله انو يكون فاتحت خير على بني البشر بي قلمك ومساهمتك
| |
|
|
|
|
|
|
|
|
|
Re: من الخرطوم سلام (Re: zola123)
|
زولا 123
ألف مرحب بيك فى ربوع الوطن الحبيب.
وكم أنا سعيد بأنى التقيتك دونما سابق وعد أو معرفة .. اللهم إل من خلال صفحات سودانيز اونلاين.
والحق أن ليلة أكس كانت من أسعد ليلاتى إذ جمعتنى بك والأخ الشفيف الملان وسامة .. عاصم الحزين.
أهلا ومرحبا .. وأمنياتى بقضاء إجازة سعيدة.
| |
|
|
|
|
|
|
|
|
 Re: من الخرطوم سلام (Re: خضر حسين)
|
سلام يا عسل
هيي انا جيت من زحل بس امبارح دي اديني تلفون و انا اجيك لحدي عندك يا عسل
مشتاقين .....علي قول البنية السكرية شـــــركـــــ........ــــة
| |
|
|
|
|
|
|
|
|
|
Re: من الخرطوم سلام (Re: sudania2000)
|
دكتورة زولا123
حمد لله على سلامة الوصول للبلد ... للهواء النقى و للحس الذى لا يحتاج الى اشعة سينسة لاكتشافه
هذا النسيج الاجتماعى الثر هو اروع ما يشدنا لهذا البلد " الغير محظوظ " .... و ربما يأتى يومآ و تظلنا جميعآ سماه من غير ان نضطر للذهاب لجاز المغتربين " عودة طوعية نهائية " .
و لا تنسينا من " شهيق " همبريب بارد .. و " زفير " الفكرة الحار عند تذكر العودة .
التحية عبرك لكل الاخوة بورداب الخرطوم الاصلاء
| |
|
|
|
|
|
|
|
|
|
Re: من الخرطوم سلام (Re: أحمد الشايقي)
|
سودانية 2000 الحبيبة
طبعا ما بتقصري
تعرفي انا اكتشفت كمية من البورداب متواجدين في السودان هدهالايام
لسة ملكة سبا بتفتش عن هاتف رقية وراق وصديق الموج وغيرهم التقيناهم
تلفوني مطافي عديل على قولة بلقيس
00777
بفتح الخط اعتقد بيبقى 18200777
كوستا
الهواء حار والله لاكن برضو عاجبنا
شكرا على التحية الرائعة وانشاء الله تنعم بهده الاجواء قريبا
احمد الشايقي
الف شكر وما تشيل هم, بناصل فيه كل يوم
| |
|
|
|
|
|
|
|
|
|
Re: من الخرطوم سلام (Re: zola123)
|
حمد لله على السلامة وإن شاء الله أياماً طيبة وإجازة حلوة . أنا كت هناك فقط (11) يوم من 12 /8 إلى 22/8 .. البلد حلوه ورايقه ..وإن شاء الله ما تقطعي تاني .. فترات طويلة زي دي
| |
|
|
|
|
|
|
|
|
|
Re: من الخرطوم سلام (Re: zola123)
|
اعزائي
لا تستطيع الكلمات وصف مشاعري لحظة وصولي الى السودان
حقيقة كانت عديدة
لم اتصور ان الزيارة ستتم بهده السرعة, فقط يومين كانت كافية لاتخاد قرار السفر
حضرت حقيبتي في عجل وملأتها بكم من الخوف والرهبة كانني اقدم على زيارة مكان ابعد من اخر كوكب في النظام الشمسي
لم ادرك قبلا كم كنت غبية ببعدي كل هده السنوات عن الوطن
كم كانت حجج مشاغل الحياة والدراسة والارتباط بمكان تواجد الاسرة تحرمني من مشاعر رائعة كتلك التي وجدتها هنا
سارفع لكم بعض الصور التي التقطها من الطائرة
حتى العبارات الظريفة على الحافلات التقطت لها صورا لبوست ابو حراز >الله اكبر القديمة >
كل شيء مختلف وجميل في اختلافه
قد يتدمر البعض من صعوبة بعض الاشياء , لاكنها تبدو لي رائعة
كم هي كئيبة تلك المباني الزجاجية الراقية حيث اعيش
كم هي خاوية تلك النفوس المحيطة بنا في بلاد الاغتراب
هنا اجدني اتحدث طوال اليوم حتى احس بالتعب
شيء لم اجربه من قبل.الناس تتحدث بحميمية مع بعضها ممن تعرف ومن لا تعرف
الوجوه وقورة, طيبة, ودودة
لقاءي ببورداب الخرطوم كان رائعا كما توقعت
واستطعت معرفة الكثير من الوجوه قبل تقديمها
جلسنا نتحدث كاصدقاء نعرف بعضنا البعض لسنوات
كم هو رائع هدا الموقع الدي جمعنا
كما وعدتهم ساكتب انطباعاتي
ملكة سبأ
رقيقة, حنينة,تهتم بك الى حد يخجلك
دريمز الجميلة
صدق حدسي بعد ما لمسته منها من همة ونشاط في تسهيل موضوع الفتى مامون. قبل ان تكمل منها طلبك تشعر انه انجز
ناجي الزبير
صاحي جدا, كما اوصاني الكثيرين ان اشيك على هده النقطة لوووول
عندما حضر الوالد في نهاية اللقاء وارادالتعرف على المجموعة وطلب دكر اشهر البوستات عن كل شخص
ترجاني ان لا ادكر بوست مساطيل: يا زولة عليك الله ما تقولي ليه مساطيل, عليك الله
ولم افعل طبعا بعد قليل من الابتزاز
عاصم الحزين
مهدب ولطيف جدا, وكل شيء فيه ينطق شعرا
المهندس
مهندس لقائات البورداب والبالتوك
خفيف الظل جدا والمسؤولية شعاره
انور كنج
كنت اظن انه ارسل شقيقه الاصغر لينوب عنه في اللقاء
فقد بدا اصغر بكثير من سنه
طبعا يتقد دكاء وحواراته عميقة تعبر عنه تماما
طبعا لم نستطع استيفاء الكثير عن موضوع زواجه, وان كنت اعتقد انه سيجد ضالته قريبا . بس دعواتكم
سعدت بلقاء شقيقة تمبس الصغرى, وهي تشبه كثيرا. طبعا كنت اعلق عنه فسارع الجميع لتنبيهي ان شقيقته هنا
وطبعا يا تمبس اسالها انا قلت عليك شنو؟ 
سامي عبد الرحمن
هو الاخر اعتقد انه ارسل شخصا اخر ليقابلنا
طبعا مكاواة وهظار حتى تمنيت ان يقول قليلا من شعره لاتاكد انه هو
سعدت بلقاء مجموعة من عضوات بورد سودانيات معنا ايضا
وتمنيت حضور عبير خيري وسودانية 2000 , بادن الله اعد ان القاكم قبل مغادرتي
عدرا على الاطالة
فمازالت نوبة الونسة والكلام الكتير تتملكني طوال رحلتي هده
لي عودة مع المزيد من الحكايات والصور
زولة123
| |
|
|
|
|
|
|
|
|
|
Re: من الخرطوم سلام (Re: zola123)
|
زولة والله العظيم تلاتة انتى و شمهروش حيرتونى ..
ياخى البت القاعدة فى الريسيبشن اسمها اميمة عثمان
و نمرة تلفونها 773959
عليك الله و فى ذمتك اساليها و قولى ليها حساب برهان ..
وصية فى ذمتك يا زولة ..و قبال ما اجى الخرطوم .. انشاالله بعداك ما تخشى النت .
و ما بمرق من بوستك دة الا تجينى صادة ..
| |
|
|
|
|
|
|
|
|
|
Re: من الخرطوم سلام (Re: zola123)
|
الاخ برهان
ياخي من غير ما اسالها ولا حاجة مصدقاك
اظنك لم تفهم اننا كنا نمزح فقط
وقد يكون الشخص الذي سالته جديد او لا يعرفك
عموما شكرا على العرض الظريف
اعتقد انني عرفت كم نت كافية الان وحالى مشا
تحياتي زولة123
| |
|
|
|
|
|
|
|
|
|
Re: من الخرطوم سلام (Re: zola123)
|
الاخت زولة
مليون مرحب بيك فى سودانا الحبيب
بس الصف طويل مابنقدر نقيف لحدى مانشوفك
خاصه وانا انضميت لبورداب الخرطوم جديد لنج ( برلوم )
امجد البصيرى
| |
|
|
|
|
|
|
|
|
|
Re: من الخرطوم سلام (Re: zola123)
|
يا شمهروش بطل مكاواة
بالفعل عرفوه
واستقبلوني استقبال جميل جدا ومجملين لاقصى حد
وقالوا الزول ده ضرب من امريكا مخصوص وعملوا تعميم على اي زول شغال في المحل
حقيقة تفاجات اليوم لمن قابلت الجميلة اميمة
وقالت لي بالله انتي الزولة الجننتينا
فشكرا مرة اخرى
| |
|
|
|
|
|
|
|
|
|
Re: من الخرطوم سلام (Re: zola123)
|
تشششششششششش ..يا شمهروش ..
زولة انا اتصلت من عليم من الامارات ( عشان ما تتحسسى زز لكن برضو يعنى مكالمة عالمية ) .. امريكا دى السنة الفاتت .... و هسة انا فى السودان وماشى الاقاليم فى رحلة عمل .. اتمنى ان تكونى موجودة حتى نتشرف بلقياك .
| |
|
|
|
|
|
|
|
|
|
Re: من الخرطوم سلام (Re: برهان تاج الدين)
|
السلام عليكم
معليش شغلت عنك يا حبيبة مرتبطة بامتحانات و بلاوي ...ودي مشكلة السودان جري وفلس وزهج...وما خفي كان اعظم بس دعواتك.......انا بعيدة من العاصمة بس ح اجيك واياك تقرري سفر فجائي..........ببكي عديل كدة و بفرش.......
رسلي علي البريد مؤقتا
| |
|
|
|
|
|
|
|
|
|
Re: من الخرطوم سلام (Re: sudania2000)
|
الاخ برهااااااااااااان حبابك مرة تانية
تشكر على النفس الطويل
لانو سودانيز اون لاين بدور ليها زول روحو سلبا
دحين ربنا يسهل الامور....
زولا سلامات وعوافي
ايه الدنيا غير لمه ناس في بيتزا اوساعة نت
| |
|
|
|
|
|
|
|
|
|
Re: من الخرطوم سلام (Re: zola123)
|
د. إيناس ســـلام
أولا حمدا لله على سـلامة الوصول و إن شاءالله تكوني لقيتي كـل الأهـل و الأحباب بخير و عافية
يعني الواحد إغيب من البورد كم يوم إلقاك في السودان ؟؟؟؟؟
تحياتي لكل بورداب الســودان و ســــلام خاص و خاص جـدا لي أخـونا شـمهروش الرجل اللذيذ
و أمنياتي ليك بي إقامة طيبة و أيام جميلة في أحـلى ســودان
و تحياتي
| |
|
|
|
|
|
|
|
|
|
Re: من الخرطوم سلام (Re: zola123)
|
| Quote: الحساب كدة كيف؟ تاني باجيب ليك مامون يضحك فيك |
د كتورة سلامات وإنشاء الله الأجازة سعيدة حتي الآن
مامون دا ماعرفتو أوعي يكون ......
بعد عرفنا تلفونك حأتصل عليك للإطمئنان ..
مع تحياتي,,,
| |
|
|
|
|
|
|
|
|
|
Re: من الخرطوم سلام (Re: ودقاسم)
|
زولة يا رائعه
حمد الله علي السلامه وانشاء الله تكون اجازه سعيده
لكن بس قصة 24 سنه دي عايزه ليها حسبة برمه عشان تظبط معاي
وبعدين ما تستغربي شمهروش دا عنده تقاطع اتجاه بتاع بورداب يعني اي خبر طاشي كدا والا كدا بتلقيه عنده
برهاااااااااااان خلاص الفرمالة بتاعتك دي ما تجيب دخل
شوف فرماله غيرها
يا مبدع
| |
|
|
|
|
|
|
|
|
|
Re: من الخرطوم سلام (Re: 7abib_alkul)
|
ناجي الزبير
صاحي جدا, كما اوصاني الكثيرين ان اشيك على هده النقطة لوووول
زولة موبايل خط ....
تسلمى على الملاحظة ....
وانشاء الله البلد ترحب بيك اكتر .....
| |
|
|
|
|
|
|
|
|
|
Re: من الخرطوم سلام (Re: ناجى الزبير الملك)
|
يادكتوره
والله ده خبر كان عايزنا نكون قبالك فى السودان عشان نرجاك بى تور تحت الطياره تنطيه بعد أخر سلمه وقبل أن تطأ قدمك الارض .. وخليك من حبيب الكل ده والحسبه الماعايزه تظبط معاه وخلينا فى نصها الما زرتى فيه السودان ده !! وأحكى لينا المتغيرات أصلو عمك عزيز قرب لل 12 سنه من السودان باقى لى 3 سنوات وابقى زيك ..
ننتظر الكثير بعين فنانه وطبيبه وياريت تعملى ليك زياره لكل من مستشفيات الخرطوم التعليمى وبحرى التعليمى وأمدرمان وباذات الحوادث والعيادات المفتوحه والعنابر التى تستقبل المرضى وياريت تعدى لينا تصور عن كيفية وامكانية المساهمة فى تطوير هذه المرافق الحيوية.. ويتم نقاش ذلك هنا على هذا المنبر الحر والذى من أعضائه كثير من الاطباء..
إجازه ممتعه وسلمى لى على السودان والخرطوم والنيل وتوتى..
عمو عزيز
| |
|
|
|
|
|
|
|
|
|
Re: من الخرطوم سلام (Re: عزيز)
|
الزولا الحقيقية ...زولا
ياليتنى كنت ترابا فى الخرطوم...
هنيئا لك باهلك واصدقائك وبوردابك .....وهنيئا بالخرطوم بك...
نصيحتى لك ارشفى ما تشائين من رحيق ....واصنعى لك سناما ..املئية بالمحنة
تمشى وتجى بالسلامة وانت اكثر اتقانا واحتقانا بالوطن
| |
|
|
|
|
|
|
|
|
|
Re: من الخرطوم سلام (Re: zola123)
|
كل الاحباء زوار البوست والزائرين القادمين
المعذرة اذا لم استطع الرد على كل واحد
لاكن جاياكم وحارد بالتفصيل الممل
يا سودانية2000
انا راجعة 22 سبتمبر
ولو ما شفتك انا الاحازعل
ارجو اعطائي اي رقم للاتصال بك
تحياتي
زولة123
| |
|
|
|
|
|
|
|
|
|
Re: من الخرطوم سلام (Re: zola123)
|
هذه هي الروح التي نحب أن نراها في هذا المنبر ( محبة خالصة) بدون كيل أو كلل.
الى الذين يتباكون على حال المنبر أنظروا هذا البوست
وبوست علاج الأخ زهير راسخ
وبوست علاج الفنان عبدالرحمن عبدالله
لتعرفوا معني المحبة وتطبيقها كممارسة بعيدا عن الشحن الزائد والقريص تحت تحت.
مرحب بيك يازولة بين أهلك وأحبابك والجابك يجيب عقابك
| |
|
|
|
|
|
|
|
|
|
Re: من الخرطوم سلام (Re: Deng)
|
زولا واحد اتنين تلاتة في الخرطوم  ..؟
من متين..؟
ياااا الظاهر الزول بقى زي أهل الكهف  ..
عموما يا ستي ألف حمد لله على السلامة.. وطبعا حتكوني أكتر من مبسوطة..
عندي ليك وصايا كتيييرة.. يا حليل المسينجر ..
سلًمي لي على دريمز والملكة وبنات أبو ساندرا وأمهن.. وعاصم الفرح وخضر حسين و.. و... و... أقول منو ولا منو..؟
إجازة هنية..
| |
|
|
|
|
|
|
| |
zola123
saif massad ali
برهان تاج الدين
almohndis
خضر عطا المنان
Ehab Eltayeb
شمهروش
ABUHUSSEIN
ودقاسم
7abib_alkul
عزيز
Tumadir
المكاشفي الخضر الطاهر
Sidig Rahama Elnour
Deng
Raja
فيس بوك
تويتر
انستقرام
يوتيوب
بنتيريست